7 खेराङगी ङाला क्षाक छाना, दे घीरी खेराङगी झ्युङगीलाक।”
धा नाङला जुरी, टुगोला खोरी युम मीरीयाममुला ज्यावालाक। धेनी पीमु साला चुक्ती, खुङक्याई खोङबाला क्षाक छावालाक। धेनी तेरगाम खा पेरी, सेर धाङ पो़कार धाङ ढीस्यीमक्या तो़न्दी, खोङबागी दोङला ज्यागाक्या पुवालाक।
धेनी येशुगी श्यापला क्षाक छारी, खी़ येशुला थुक्चीक्षे श्यी़वालाक। धा खो सामारीपा च्यीक लाक।
“ङी खेराङला दे घीरीगी वाङ धाङ देक्याई शीजे तेरु, घीझ्येरी ॱनाना दे घीरी ङी वाङला हो़क धेनी ङी थेगीन मीला ङा तेराहीन।
धेनी येशुगी सुवालाक, “सुङरापला ‘ख्यो़ ख्यो़री को़न्क्षोक चोवोला च्यीगा क्षाक्क्षो़ धेनी खोङबाला च्यीगा श्याप्ची श्यी़।’ ॱनेरी ढीक हो़तालाक।”
होदेगी येशुला थोरी फेरा ग्याप्ती, खोङबागी दोङदु छाक छावालाक धेनी केक ग्याप्ती ॱनेवालाक, “ॱलानामेपे को़न्क्षोकगी से येशु, ङीमुला खेराङगी ढेवा घी हेतो? ङाला दुक्पु ताङा माजे ॱनेरी, ङा खेराङला श्योवा पुलाहीन।”
दे लाब घीरी घोरकीन धाङ थोङगीन, ङा योहान्ना हीन। धेनी ङी दे लाबक्या घोरती थोसारती, ङाला दे घीरी तो़न्गीन नाम्खे भाङछेनगी श्यापला, ङा क्षाक छायेला घुक झ्येवी।
होदे ॱलोपो़न ङीस्यु चापश्यीगो श्युक्ठीरु श्युक्वा जेगीनगी, दोङदु क्षाक छाली धेनी धी़ तेन्दु ॱनेया जेगीनगोला, खुङक्या क्षाक्क्षो़पा पुली। धेनी खुङक्याई राङ-राङगी चो़पेनक्या श्युक्ठी दोङदु श्याक्ती देरे ॱलु पुली,
धेनी खोङबागी होदे स्योक्टीगो ॱनुमा जेसारती, होदे सेम्चेन श्यी धाङ ॱलोपो़न ङीस्यु चापश्यीगोक्या, लुक्टुगी दोङदु क्षाक छावालाक। खुङ रे-रेगी क्षाकला पीवाङ धाङ पो़ खाङखा सेरगी फोराक्या ॱनुम हो़तालाक। होदे पो़क्या को़न्क्षोकगी मीक्याई पुपा ॱमो़लामक्या लाक।
