लुका 4:6 - ॱलोवा

⁶ “ङी खेराङला दे घीरीगी वाङ धाङ देक्‍याई शीजे तेरु, घीझ्‍येरी ॱनाना दे घीरी ङी वाङला हो़क धेनी ङी थेगीन मीला ङा तेराहीन।

लुका 4:6 Iomraidhean Croise

लुका 4:7

खेराङगी ङाला क्षाक छाना, दे घीरी खेराङगी झ्‍युङगीलाक।”

योहान्‍ना 12:31

धा जीक्‍तेनगी ठीम चो़गीनगी धी़ भाप दुक। धा दे जीक्‍तेनगी वाङग्‍युर झ्‍यीगीनगो फीला ॱयुक्‍कीलाक।

योहान्‍ना 14:30

धा ङा खेक्‍यामुला लाब युन्‍रीङा ॱमेताङ घीझ्‍येरी ॱनाना दे जीक्‍तेनगी वाङग्‍युर झ्‍यीगीनगो हुङी। ङी थोकला खोला वाङ मेतालाक।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

२ कोरीन्‍थुपा 11:14

धेनी दे ॱहाङसागीन लाब मालाक घीझ्‍येरी ॱनाना धी़ सातानगीयाः राङला, हो़गी भाङछेन हीन्‍दोक-दोक झ्‍यीदालाक।

एफीसुपा 2:2

होदे घाङला खेक्‍या जीक्‍तेनगी लुक्‍सो़ ङेन्‍पाक्‍या ॱरुरी, बारनाङ खामगी नी़थुक्‍याला वाङ झ्‍यीगीनला चीरी, हुरे मीछे क्‍यालालाक। धेनी सेम्‍ङी देराङ धान्‍दा को़न्‍क्षोकगी काला मेङेन्‍गीन, मीक्‍याई खाला वाङ झ्‍यीदालाक।

१ पेटो 1:24

घीझ्‍येरी ॱनाना, “स्‍याठाक घीरी चा धाङ डा, शीजे घीरी चागी मेन्‍तोक डा। चा नी काम्‍ने मेन्‍तोक ये।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 13:2

ङी थोथा सेम्‍चेनगो शीक च्‍योक्‍रे दुक धेनी होदेगी काङबागो, दोमगी काङबा धाङ खागो सीङगेगी खा च्‍योक्‍रे दुक। धेनी होदे डुकगी, होदे सेम्‍चेनगोला राङगी नी़थु धाङ राङगी ठी धाङ राङगी आङजा क्षेगो तेरपालाक।

ॱङो़न्‍पा 13:7

धेनी होदेला धाम्‍पे मीक्‍यामुला टाप्‍ये धाङ खुङक्‍या खाला ग्‍यायेगी नी़थु तेरपालाक। धेनी ग्‍युपा घीरी धाङ मी घीरी धाङ केरीक घीरी धाङ मीरीक घीरीगी खाला खोला आङजा तेरपालाक।