लुका 4:34 - ॱलोवा

³⁴ “के नाजारेतगी येशु, हीकीमुला खेराङगी घी ढेवा? हेला मेताला ताङयेला खेराङ फेप्‍पाले? खेराङ को़न्‍क्षोकगी धाम्‍पे मीगो लाक ॱनेरी, ङाला स्‍येयेहो़क।”

लुका 4:34 Iomraidhean Croise

मेथा 8:29

धेनी होदे ॱङीउगी केक ग्‍याप्‍ती ॱनेवालाक, “को़न्‍क्षोकगी से, हीकीमुला खेराङगी घी ढेवा हो़ताले? धी़चो़ ॱमालेप एन्‍लाराङ, खेराङ हेला दुक्‍पु ताङदु फेया हीने?”

मारकु 1:24

“नाजारेतगी येशु, खेराङमुला हीकी घी ढेवा हो़तालाक से? खेराङ हेक्‍या मेताला जेदु फेप्‍पा हीने? खेराङ को़न्‍क्षोकगी धाम्‍पागो लाक ॱनेरी, ङी ङो स्‍येलीहो़क।”

मारकु 1:34

येशुगी नाजा ॱनामी ॱनाछोकगी नेपाक्‍याला चो़गा जेपालाक धेनी डे ॱमीच्‍यीकी माङा तो़न जेपालाक। डेक्‍याई खोङबा सु हीन्‍गीनगो ङोस्‍येरी, खोङबागी होदेक्‍याला लाब ताङदु ॱमाच्‍युक्‍पालाक।

मारकु 5:7

धेनी केक ग्‍याप्‍ती, खी़ ॱनेवालाक, “ॱलानामेपे को़न्‍क्षोकगी से येशु, ङाला खेकी ढेवा घी हो़ताले? ङा को़न्‍क्षोकला ॱना क्‍यारी श्‍योवा पुलाहीन, ङाला दुक्‍पु ताङा माजे।”

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

लुका 4:33

धेनी छोक्‍खाङ नाङदु ॱनो़पा ॱमेचाङा ज्‍युजा मी च्‍यीक हो़तालाक। खी़ फेरा ग्‍याप्‍ती ॱनेवालाक,

लुका 4:41

मी माङक्षेने ॱनो़पाक्‍या देरे फेरा ग्‍याप्‍ती थो़न्‍बालाक, “खेराङ को़न्‍क्षोकगी से लाक।” हीना येशुगी होदे ॱनो़पाक्‍याला काको़न जेदी, लाब ताङदु ॱमाच्‍युक्‍पालाक घीझ्‍येरी ॱनाना खोङबा मास्‍यीकागो लाक ॱनेरी खुङक्‍याला स्‍येये हो़तालाक।

लुका 8:28

होदेगी येशुला थोरी फेरा ग्‍याप्‍ती, खोङबागी दोङदु छाक छावालाक धेनी केक ग्‍याप्‍ती ॱनेवालाक, “ॱलानामेपे को़न्‍क्षोकगी से येशु, ङीमुला खेराङगी ढेवा घी हेतो? ङाला दुक्‍पु ताङा माजे ॱनेरी, ङा खेराङला श्‍योवा पुलाहीन।”

लुका 8:37

धेनी गेरासेनेगी ॱये-ॱयो़नगी यु घीरीगी मीक्‍याई, येशुला खोराङक्‍याई युने लोक्‍ती फेवा जे ॱनेरी श्‍योवा पुवालाक घीझ्‍येरी ॱनाना खुङक्‍या ॱमीच्‍यीकी जीक्‍पालाक। होझ्‍येरी येशु डुला श्‍यो़न्‍दी लोक्‍ती फेप्‍पालाक।

जेपा 16:39

होझ्‍येरी खुङक्‍या होरी पाउलु धाङ सीलवानुला घोङपा श्‍यी़वालाक धेनी खुङक्‍याला फीला तो़न्‍दी, होदे ग्‍याजा भोरती डोयेला श्‍योवा पुवालाक।

जेपा 2:27

घीझ्‍येरी ॱनाना खेराङगी ङी सेम धी़ठोदु बोरकीमालाक, खेराङगी धाम्‍पे मीगी फुङबु रु-रु च्‍युक्‍कीमालाक।

जेपा 3:14

खेक्‍याई धाम्‍पा धाङ ढाङपोगोला ग्‍याप ॱलोक्‍ती, खोङबागी छापला मी सेगीन च्‍यीकला ॱलो़ तोङ ॱनेरी श्‍युजुङ।

जेपा 4:27

“ॱङो़न दे ॱङोन्‍नेगी डुप्‍सुङ घीझ्‍येरी ॱनाना ग्‍यावु हेरोदे धाङ पोन्‍तीहु पीलातु धाङ याहुदापा मेन्‍गीन मीरीकक्‍या धाङ याहुदापा मीक्‍या घीरी, येरुसालेमदु खेराङगी दाम्‍दा धाम्‍पे श्‍याप्‍ची येशुला ङोग्‍येल झ्‍यीयेला जोम्‍जुङ।

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

याकोब 2:19

खेक्‍या को़न्‍क्षोक च्‍यीकराङ हीन ॱनेरी, धेपा झ्‍यीदालाक धेनी दे घा लाक। डेक्‍याः धेपा झ्‍यीदालाक धेनी जीक्‍ती दारालाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।

ॱङो़न्‍पा 20:2

खोङबागी होदे डुक याङना एम्‍मा-एम्‍मागी डु याङना डे याङना धी़क सातानगोला शीम्‍बालाक धेनी लो च्‍यीक तोङगी क्षीदु, कीक्‍ती श्‍याक्‍पालाक।

ॱङो़न्‍पा 3:7

“फीलादेल्‍फीयागी क्षो़छोकगी भाङछेनला देरे ढीक, “धाम्‍पा धाङ धेन्‍पा धेनी दावीदगी दीमीक हो़गीन, खोङबागी दे काक्‍या सुङी। खोङबागी पेगीन घोगो सी़या ग्‍याप ॱमीथुक्‍कीलाक धेनी खोङबागी ग्‍याप्‍कीन घोगो, सी़या पे ॱमीथुक्‍कीलाक।