लुका 4:23 - ॱलोवा

²³ धेनी येशुगी सुवालाक, “धा ॱङोन्‍नेराङ, खेक्‍यागी ङाला पे दे ॱनागुलाक, ‘आम्‍ची, ख्‍यो़ राङला चो़गा झ्‍यी।’ धेनी याङ ॱनागीलाक, ‘काफारनाहुमदु ख्‍यी़ घी झ्‍यीगीनगो, हीकी घोरकीन च्‍योक्‍रे, राङगी यु दुरुवा झ्‍यी’।”

लुका 4:23 Iomraidhean Croise

मेथा 13:54

धेनी राङगी फायु नाजारेतदु फेप्‍ती, खुङक्‍याई छोक्‍खाङदु खुङक्‍याला क्षो़ सुङा जेपालाक। खुङक्‍या ॱहालेरी ॱनेवालाक, “दे मी देला देरे स्‍येराप धाङ ॱहाङसागीन क्षाक्‍लेक्‍या जेयेला, नी़थु घाने जोरपा ले?

मेथा 4:13

नाजारेत भोरती, खोङबा जेबुलुन धाङ नाप्‍थालीगी युगी छो डामदु हो़गीन, काफारनाहुमदु फेप्‍ती श्‍युक्‍पालाक।

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मारकु 6:1

येशु होदेने थो़न जेदी, राङगी फायुला फेप्‍पालाक धेनी खोङबागी ङेनेक्‍या खोङबामुला डावालाक।

लुका 2:39

धेनी चोवोगी क्षो़ठीमला तेन्‍ती झ्‍यीघो़गीन ॱरो घीरी डुप्‍सारती, मीरीयाम धाङ योसेफ येशुला खेरती गालीलगी खोरी यु नाजारेतला लोक्‍ती सोवालाक।

लुका 2:51

धेनी येशु फामाक्‍यामुला नाजारेतला लोक्‍ती फेप्‍पालाक। धेनी फामाक्‍याई खाला ङेन्‍दी श्‍युक्‍पालाक। हीना खोङबागी युमगी, दे लाब घीरी मोरी सेम नाङदु धी़री श्‍याक्‍पालाक।

लुका 4:16

येशु खोराङ छारछा यु नाजारेतगोला लोक्‍ती फेप्‍पालाक। धेनी च्‍योई च्‍योक्‍रे, खोङबा ङासुगीन ङीमागोला छोक्‍खाङला फेप्‍ती धेनी को़न्‍क्षोकगी का ॱलोक्‍येला श्‍याङा जेपालाक।

लुका 4:31

होदे स्‍याम्‍ने येशु गालील युगी काफारनाहुमदु फेप्‍पालाक। धेनी ङासुगीन ङीमाला खोङबागी खुङक्‍याला क्षो़ तो़न जेपालाक।

लुका 4:35

धेनी येशुगी होदेला काको़न जेदी सुवालाक, “खाबा धो़क धेनी खी़ नाङने थो़न।” धेनी मी घीरीगी दोङदु होदे ॱनो़पागी मीगोला साला धाप्‍ती, ॱनो़ घीया ॱमाक्‍यावा थो़न्‍दी सोवालाक।

लुका 6:42

खेरी ॱमीकगी दुङमा ॱमेथोङगीन, ख्‍यी़ राङगी पी़नला ‘ख्‍यी़ ॱमीकने स्‍यीङडुकगो तो़न्‍दु च्‍युक’ ॱनेरी घाङगी झ्‍येरी ॱनाथुक्‍वाले? शोक्‍पो ख्‍यो़, एन्‍ला राङगी ॱमीकगी दुङमागो तो़न धेनी खेरी पी़नगी ॱमीकला हो़गीन स्‍यीङडुकगो तो़न्‍येला ख्‍यी़ सावो थोङगीलाक।”

योहान्‍ना 4:28

धेनी होदे केमीगी़ मोरी जामागो भोरती, यु स्‍योकला सोरी मीक्‍याला ॱनेवालाक,

२ कोरीन्‍थुपा 5:16

होझ्‍येरी देने ॱहाला हेक्‍या सुलाः मीगी तादाङने ॱमेता। एम्‍मा मास्‍यीकाला हेक्‍याई मीगी तादाङने तेवालाक। धा देने ॱहाला, हेक्‍या खोङला हुरेझ्‍येरी ॱमेता।