लुका 4:18 - ॱलोवा

¹⁸ “चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

लुका 4:18 Iomraidhean Croise

मेथा 11:5

श्‍याराक्‍याई थोङी, श्‍याक्‍योकक्‍या घोबा चुई, जेनेक्‍या दाक्‍यी, आमच्‍योक मेघोरकीनक्‍या घोरी, स्‍यीगीनक्‍या लाङी धेनी उटेक्‍याला ताम्‍शाङगो स्‍येदी।

मेथा 12:18

“ङी दाम्‍दा ङी श्‍यीप्‍ची, ङी सेम घागीन ङी चेवे देला तो़। ङा ङी थुक्‍ङी खी़ खाला श्‍याक्‍येहीन, धेनी खी़ मीरीक घीरीला, ठीम्‍चो़गी सेटाक झ्‍यीगीलाक।

मेथा 12:20

खी़ छाक्‍पु दाम्‍बु ॱमेचाक्‍कीलाक धेनी स्‍यीये झ्‍यीगीन मेगी दोङरेला ॱमेसेगीलाक। धेनी थाला ढाङतेनगी ठीमला ग्‍यारु च्‍युक्‍कीलाक।

मेथा 4:16

मी़नाक्‍पाला धेता मीक्‍याई हो़ क्षे च्‍यीक थोदुक, धेनी छीवे ढीम्‍जाकगी युला धेगीन मीक्‍याला, हो़ च्‍यीक स्‍यारदुक।”

मेथा 5:3

“सेमला उटे हो़गीनक्‍या घीन्‍गी झ्‍यीलाप क्षे ले, घीझ्‍येरी ॱनाना नाम्‍खे ग्‍यासी खुङक्‍याई लाक।

लुका 4:17

खोङबाला यस्‍याया ॱङो़नस्‍येखेनगी ढीक्‍टा धेबगो ढोक्‍येला ॱनावालाक। धेनी खोङबागी धेबगो स्‍यीक्‍ती दे ढोवा जेपालाक,

लुका 6:20

धेनी येशुगी खोरी ङेनेक्‍याला शीक्‍ती सुवालाक, “खे उटेक्‍या झ्‍यीलाप क्षे, घीझ्‍येरी ॱनाना को़न्‍क्षोकगी ग्‍यासी खेराङक्‍याई लाक।

लुका 7:22

धेनी खोङबागी खुङक्‍याला सुवालाक, “सोङला खेक्‍याई थोङगीन धाङ घोरकीनगो योहान्‍नाला स्‍यो़क। श्‍याराक्‍याई थोङी, श्‍याक्‍योवाक्‍या घोबा चुई, जेनेक्‍या दाक्‍यी, घुक्‍याक्‍या घोरी, स्‍यीम्‍बुक्‍या सो़न्‍पो ॱलाङी धेनी ताम्‍शाङगो उटेक्‍याला स्‍येदुक।

योहान्‍ना 1:41

खी़ खोरी आज्‍यो सीमोनला एन्‍ला थुक्‍ती खोला ॱनेवालाक, “हेक्‍याई मास्‍यीकाला ज्‍याजुङ।” (मास्‍यीका ॱनाना, को़न्‍क्षोकगी दाम्‍दागो लाक)

योहान्‍ना 12:46

ङाला धेपा झ्‍यीगीनक्‍या मी़नाकगी नाङदु ॱमीली़येला, ङा हो़ झ्‍युरी जीक्‍तेनदु होवाहीन।

योहान्‍ना 3:34

को़न्‍क्षोकगी ॱङाक्‍ङागी़ को़न्‍क्षोकगी का सुङालाक घीझ्‍येरी ॱनाना खोङबागी, खोला धाम्‍पे थुक्‍ङी छे मेग्‍या ॱनाङालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

जेपा 4:26

धेनी जाम्‍बुलीङगी ग्‍यावुक्‍या ॱमाक टाब्‍येला डाढीक झ्‍येदुक, धेनी खुङक्‍याई पो़न्‍पोक्‍या मुला रुप्‍ती, चोवो धाङ खोङगी दाम्‍दा मास्‍यीकागी ग्‍याप्‍केलला ढो़ झ्‍येदुक।’

जेपा 4:27

“ॱङो़न दे ॱङोन्‍नेगी डुप्‍सुङ घीझ्‍येरी ॱनाना ग्‍यावु हेरोदे धाङ पोन्‍तीहु पीलातु धाङ याहुदापा मेन्‍गीन मीरीकक्‍या धाङ याहुदापा मीक्‍या घीरी, येरुसालेमदु खेराङगी दाम्‍दा धाम्‍पे श्‍याप्‍ची येशुला ङोग्‍येल झ्‍यीयेला जोम्‍जुङ।

कोलोसेपा 1:13

को़न्‍क्षोकगी होराङला मी़नाकगी वाङने थारपा जेदी, राङगी चेवे सेगी ग्‍यासी नाङदु होराङला ठीया जेपालाक।

याकोब 2:5

ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।