लुका 4:16 - ॱलोवा

¹⁶ येशु खोराङ छारछा यु नाजारेतगोला लोक्‍ती फेप्‍पालाक। धेनी च्‍योई च्‍योक्‍रे, खोङबा ङासुगीन ङीमागोला छोक्‍खाङला फेप्‍ती धेनी को़न्‍क्षोकगी का ॱलोक्‍येला श्‍याङा जेपालाक।

लुका 4:16 Iomraidhean Croise

मेथा 2:23

धेनी खो सोरी नाजारेत ॱनागीन युदु धेपालाक। धा एम्‍मा ॱङो़नस्‍येखेनक्‍याई थोक्‍ने, “खोङबाला नाजारेपा सुरी श्‍युगीलाक।” सुङगीन दे डुप्‍पालाक।

लुका 2:39

धेनी चोवोगी क्षो़ठीमला तेन्‍ती झ्‍यीघो़गीन ॱरो घीरी डुप्‍सारती, मीरीयाम धाङ योसेफ येशुला खेरती गालीलगी खोरी यु नाजारेतला लोक्‍ती सोवालाक।

लुका 2:42

धेनी येशु घुङलो च्‍युङङी ॱलेवी घाङला, होदे ॱरोला तेन्‍ती, खोङबाक्‍या धी़छेनगोला सोवालाक।

लुका 2:51

धेनी येशु फामाक्‍यामुला नाजारेतला लोक्‍ती फेप्‍पालाक। धेनी फामाक्‍याई खाला ङेन्‍दी श्‍युक्‍पालाक। हीना खोङबागी युमगी, दे लाब घीरी मोरी सेम नाङदु धी़री श्‍याक्‍पालाक।

लुका 4:15

धेनी खोङबागी खुङक्‍याई छोक्‍खाङक्‍या नाङदु, क्षो़ तो़न जेपालाक। धेनी मी घीरीगी खोङबाला तो़टा तावालाक।

लुका 4:17

खोङबाला यस्‍याया ॱङो़नस्‍येखेनगी ढीक्‍टा धेबगो ढोक्‍येला ॱनावालाक। धेनी खोङबागी धेबगो स्‍यीक्‍ती दे ढोवा जेपालाक,

लुका 4:21

धेनी खोङबागी खुङक्‍याला सुवालाक, “धीरीङ सुङरापगी का दे, खेक्‍याई ङेन्‍दी घाङलाराङ डुप्‍सुङ।”

लुका 4:23

धेनी येशुगी सुवालाक, “धा ॱङोन्‍नेराङ, खेक्‍यागी ङाला पे दे ॱनागुलाक, ‘आम्‍ची, ख्‍यो़ राङला चो़गा झ्‍यी।’ धेनी याङ ॱनागीलाक, ‘काफारनाहुमदु ख्‍यी़ घी झ्‍यीगीनगो, हीकी घोरकीन च्‍योक्‍रे, राङगी यु दुरुवा झ्‍यी’।”

योहान्‍ना 18:20

धेनी येशुगी खोङबाला लेन ॱनावालाक, “ङी ॱङो़न्‍सुमदु जीक्‍तेनला स्‍येहो़क। याहुदापाक्‍या घीरी जोम्‍जा छोक्‍खाङक्‍या धाङ क्षो़खाङदु, ङी च्‍योई क्षो़ तो़न्‍हो़क। ङी साङवागी थोक्‍ने घीया ॱमास्‍येहो़क।

जेपा 17:2

च्‍योई च्‍योक्‍रे पाउलु होदे छोक्‍खाङदुवा सोवालाक। धेनी धी़न्‍डा सुमगी ङासुगीन ङीमा सुम्‍गाराला, खी़ सुङरापला तो़न्‍दी खुङक्‍यामुला चो़लीङ झ्‍येवालाक।