लुका 4:15 - ॱलोवा

¹⁵ धेनी खोङबागी खुङक्‍याई छोक्‍खाङक्‍या नाङदु, क्षो़ तो़न जेपालाक। धेनी मी घीरीगी खोङबाला तो़टा तावालाक।

लुका 4:15 Iomraidhean Croise

मेथा 13:54

धेनी राङगी फायु नाजारेतदु फेप्‍ती, खुङक्‍याई छोक्‍खाङदु खुङक्‍याला क्षो़ सुङा जेपालाक। खुङक्‍या ॱहालेरी ॱनेवालाक, “दे मी देला देरे स्‍येराप धाङ ॱहाङसागीन क्षाक्‍लेक्‍या जेयेला, नी़थु घाने जोरपा ले?

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मेथा 9:35

धेनी येशु ग्‍याजा घीरी धाङ यु घीरीगी छोक्‍खाङक्‍याला, क्षो़ तो़न्‍दी धाङ ग्‍यासीगी ताम्‍शाङगो सेटाक जेदी फेप्‍पालाक। धेनी नाजा घीरी धाङ नेको़न घीरी चो़गा जेदी फेप्‍पालाक।

मेथा 9:8

धा मीछोकक्‍या दे थोरी जीक्‍पालाक धेनी मीला देरे आङजा ॱनाङगीन को़न्‍क्षोकला तो़पा पुवालाक।

मारकु 1:27

धा मी घीरी ॱहालेरी, च्‍यीकगी च्‍यीकला ढीवालाक, “दे घी ले? दे नी आङजा हो़गीन क्षो़लुक साबा च्‍यीक हीन्‍दाराक। खी़ ॱनो़पाक्‍यालाः का ॱनाङी धेनी ॱनो़पाक्‍या खी़ खाला ङेन्‍दी।”

मारकु 1:39

धेनी छोक्‍खाङक्‍या नाङदु क्षो़ सुङी-सुङी धाङ डेक्‍या तो़न्‍दा जेदी-जेदी, खोङबा गालीलगी साज्‍या घीरीदु फेप्‍पालाक।

मारकु 1:45

हीना खो सोरी होदे कोरला, हो़लेरु टाम्‍ये गो चुक्‍पालाक। धेनी येशु ग्‍याजादु धाब्‍ले मीमाङक्‍याई थोङसाला फेप ॱमाथुक्‍पालाक। धेनी येशु रीतोङ स्‍योकला श्‍युक्‍पालाक, घीहीनाः मीक्‍या छोक घीरीने खोङबाचारु होवालाक।

लुका 13:10

धा ङासुगीन ङीमाला येशु छोक्‍खाङ च्‍यीकगी नाङदु क्षो़ सुङी हो़तालाक।

लुका 4:16

येशु खोराङ छारछा यु नाजारेतगोला लोक्‍ती फेप्‍पालाक। धेनी च्‍योई च्‍योक्‍रे, खोङबा ङासुगीन ङीमागोला छोक्‍खाङला फेप्‍ती धेनी को़न्‍क्षोकगी का ॱलोक्‍येला श्‍याङा जेपालाक।