लुका 4:1 - ॱलोवा

¹ येशु धाम्‍पे थुक्‍ङीगी खारी, योरदान चाङबुने लोक्‍ती फेप्‍पालाक धेनी थुक्‍ङीगी खोङबाला रीतोङ स्‍योकला ठीया जेपालाक।

लुका 4:1 Iomraidhean Croise

मेथा 3:16

येशु ठी़सो़ श्‍येसारती, लाम्‍साङ खोङबा क्षुने याला श्‍याङी घाङला, नाम्‍खा बेरी, को़न्‍क्षोकगी थुक्‍ङी फुक्‍रो़नगी स्‍यीकाला भाप्‍कीन धाङ खोङबा थोकला श्‍युक्‍कीनगो शीक्‍पालाक।

लुका 2:27

धा धाम्‍पे थुक्‍ङीने सेमस्‍युक जोरती, सीमेयोन क्षो़खाङ नाङदु सोवालाक। धेनी क्षो़ठीमला तेन्‍ती झ्‍यीघोये ॱरोगो झ्‍यीयेला, मीरीयाम धाङ योसेफगी येशुला खेरती होदुरु हो हो़तालाक।

लुका 3:3

धेनी खो योरदान चाङबुगी ॱये-ॱयो़नला हो़गीन लुङबा घीरीदु, राङगी धीक्‍पा सेयेगी क्षीला धीक्‍पा पारी सेम ग्‍युरयेगी ठी़सो़ लेन ॱनेरी, सेटाक झ्‍येरी सोवालाक।

लुका 3:38

केनान एनोशगी भीजा धाङ एनोश शेतगी भीजा धाङ शेत आदामगी भीजा धाङ आदाम, को़न्‍क्षोकगी से लाक।

लुका 4:14

धेनी येशु धाम्‍पे थुक्‍ङीगी नी़थु जोरती, गालीलला लोक्‍ती फेप्‍पालाक। होदुरु खोङबागी कोरला ॱये-ॱयो़नगी यु घीरीला ख्‍याप्‍पालाक।

लुका 4:18

“चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

योहान्‍ना 1:32

योहान्‍नागी देरे धेन्‍पाङ झ्‍येवालाक, “ङी नाम्‍खाने थुक्‍ङीगो फुक्‍रो़न च्‍योक्‍रे भाप्‍ती, खोङबा खाला श्‍युक्‍कीनगो ज्‍याजुङ।

योहान्‍ना 3:34

को़न्‍क्षोकगी ॱङाक्‍ङागी़ को़न्‍क्षोकगी का सुङालाक घीझ्‍येरी ॱनाना खोङबागी, खोला धाम्‍पे थुक्‍ङी छे मेग्‍या ॱनाङालाक।

जेपा 1:2

येशुगी नाम्‍खे श्‍यीङखाम फेप्‍ये एन्‍ला राङगी दाम्‍दावा कुछापक्‍याला, धाम्‍पे थुक्‍ङीगी स्‍युकने का ॱनावालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 8:39

खुङ ॱङीउ क्षुने फीला थो़न्‍दी घाङला, चोवो को़न्‍क्षोकगी थुक्‍ङीगी फीलीपला लाम्‍साङ खेरती सोवालाक। धेनी होदे ॱङुङेरगी, धाब्‍ले खोला नामा ॱमाथोवालाक हीना खो ॱमीच्‍यीकी ङ्यामो घी-घी सोवालाक।