लुका 3:7 - ॱलोवा

⁷ योहान्‍नागी लाक्‍पाने ठी़सो़ लेन्‍दु हुङगीन मीमाङक्‍याला, खी़ ॱनेवालाक, “खे दुक्‍डुगी टुवाक्‍याओ, हुङये हीन्‍गीन को़न्‍क्षोकगी थुक्‍ठो़ने डो़री डोयेला, खेक्‍याला सी़ ङेन्‍ता ताजो?

लुका 3:7 Iomraidhean Croise

मेथा 12:34

दुक्‍डुगी ग्‍युपा खेक्‍या, खेक्‍या ङेन्‍पा झ्‍येरी, शाङा घाङ झ्‍येरी ॱनाथुक्‍वाले? घीझ्‍येरी ॱनाना सेमला घी हो़गीनगो खाने थो़न्‍दालाक।

मेथा 23:33

“खे डुलक्‍या, दुक्‍डुगी ग्‍युपाक्‍या, खेक्‍या ॱङ्यावागी छेपाने घाङगी झ्‍येरी थारये?

मेथा 3:6

धेनी खुङक्‍या राङगी धीक्‍पाक्‍या खेलेन्‍दी, खोने योरदान चाङबुरु ठी़सो़ लेन्‍बालाक।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

जेपा 13:10

“ख्‍यो़ लाब शाङा घीरीगी डा लाक धेनी च्‍यो़पा आ धाङ शोकगी खाङखा धी़कगी टुवा लाक। ख्‍यो़ चोवोगी लाम शाङागो ॱनोयेला, नामा भोरये मेने?

१ थेसालोनीकेपा 1:10

छीवाने सो़न्‍पो जेगेन, खोङबागी से येशु नाम्‍खे श्‍यीङखामने फेप्‍येला, खेक्‍या घुक्‍ती धेगीनगो, मीमाङक्‍याराङ हेक्‍याला स्‍येदीक। माउपारला को़न्‍क्षोकगी थुक्‍ठो़ने, होराङक्‍याला येशुगीराङ थारपा जेगीलाक।

ईब्‍रीपा 6:18

को़न्‍क्षोकगी ग्‍युरवा मेगीन धाम्‍चा धाङ ॱना ॱङीगारा ॱनाङा जेपालाक। घीझ्‍येरी ॱनाना को़न्‍क्षोकगी शोक सुङा मेजेदालाक। होझ्‍येरी होराङ खोङबाने क्‍याप थोप्‍थाक्‍या, होरी दोङदु हो़गीन रेवागोला तेन्‍पोमा ॱरुङयेला, सेमस्‍युक क्षे थोप हो़तालाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।