लुका 3:3 - ॱलोवा

³ धेनी खो योरदान चाङबुगी ॱये-ॱयो़नला हो़गीन लुङबा घीरीदु, राङगी धीक्‍पा सेयेगी क्षीला धीक्‍पा पारी सेम ग्‍युरयेगी ठी़सो़ लेन ॱनेरी, सेटाक झ्‍येरी सोवालाक।

लुका 3:3 Iomraidhean Croise

मेथा 3:11

“खेक्‍या धीक्‍पाने ग्‍युरास्‍योक ॱनेरी, ङा खेक्‍याला क्षुगी ठी़सो़ तेराहीन हीना ङी स्‍याम्‍ला फेप्‍गीनगो, ङाने वाङक्षे हो़तालाक। ङा खोङबागी श्‍याप्‍हाम खेरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने, ठी़सो़ ॱनाङगीलाक।

लुका 1:16

धेनी खी़ ईस्‍राएल्‍पा माङपोला, खुङक्‍याई चोवो को़न्‍क्षोक चारु ॱलोक्‍ती ठीक्‍ती हुङगीलाक।

लुका 4:1

येशु धाम्‍पे थुक्‍ङीगी खारी, योरदान चाङबुने लोक्‍ती फेप्‍पालाक धेनी थुक्‍ङीगी खोङबाला रीतोङ स्‍योकला ठीया जेपालाक।

योहान्‍ना 1:28

देक्‍या बेथानीरु योहान्‍नागी ठी़सो़ तेरकीन, योरदान चाङबुगी ॱहाकीनला झ्‍युवालाक।

योहान्‍ना 3:26

धेनी खुङक्‍या योहान्‍नाचारु होरी श्‍यी़वालाक, “राब्‍बी, योरदान चाङबुगी ॱहाकीनरु खेराङमुला हो़गीन, खेराङगी धेन्‍पाङ जेजा मी दी, धान्‍दा ठी़सो़ ॱनाङी धेनी मीक्‍या घीरी खी़चारु डी़।”

जेपा 13:24

येशुगी खोरी क्षाक्‍ले गो चुक्‍ये एन्‍ला ठी़सो़ ॱनाङगीन योहान्‍ना होवालाक। खी़ ईस्‍राएलगी मीक्‍याला राङगी धीक्‍पा पारी, सेम ग्‍युरये धाङ क्षुगी ठी़सो़ लेन्‍येगी का स्‍येपालाक।

जेपा 19:4

पाउलुगी ॱनेवालाक, “योहान्‍नागी ठी़सो़ दे, धीक्‍पाने ग्‍यो़पा झ्‍यीयेगी छीला लाक। योहान्‍ना खोरीराङ मीक्‍याला खोने स्‍याम्‍ला हुङगीनगोला धेपा झ्‍यी ॱनेरी सुवालाक, होदेगो येशु लाक।”

जेपा 22:16

होझ्‍येरी धा ख्‍यो़ घीला घुक्‍ती धेता? लोङ धेनी ठी़सो़ लेन धेनी ख्‍यो़री धीक्‍पाक्‍या चाङमा शोयेला, चोवो येशुगी छेन भो़।’