लुका 3:22 - ॱलोवा

²² धेनी धाम्‍पे थुक्‍ङी फुक्‍रो़नगी स्‍यीकाला खोङबा खाला भाप्‍पालाक। धेनी नाम्‍खे श्‍यीङखामने देरे सुङकेक च्‍यीक सुवालाक, “ख्‍यो़ ङी चेवे से हीन। ख्‍यी़मुला ङा ॱमीच्‍यीकी ङ्यामो घा हो़क।”

लुका 3:22 Iomraidhean Croise

मेथा 12:18

“ङी दाम्‍दा ङी श्‍यीप्‍ची, ङी सेम घागीन ङी चेवे देला तो़। ङा ङी थुक्‍ङी खी़ खाला श्‍याक्‍येहीन, धेनी खी़ मीरीक घीरीला, ठीम्‍चो़गी सेटाक झ्‍यीगीलाक।

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मेथा 27:43

खी़ को़न्‍क्षोकला ॱलोते झ्‍येरी, ‘ङा नी को़न्‍क्षोकगी से हीन।’ ॱनेरी ॱनालाक। धा को़न्‍क्षोकगी थुक ॱङेना, धान्‍दा खोला थारपा जेदास्‍योक।”

मेथा 3:13

धेनी येशु गालीलने, योहान्‍नाचारु खोने ठी़सो़ श्‍येयेला, योरदान चाङबुरु फेप्‍पालाक।

मेथा 3:16

येशु ठी़सो़ श्‍येसारती, लाम्‍साङ खोङबा क्षुने याला श्‍याङी घाङला, नाम्‍खा बेरी, को़न्‍क्षोकगी थुक्‍ङी फुक्‍रो़नगी स्‍यीकाला भाप्‍कीन धाङ खोङबा थोकला श्‍युक्‍कीनगो शीक्‍पालाक।

मेथा 3:17

धेनी नाम्‍खाने सुङकेक च्‍यीकगी, “दे ङी चेवे से हीन। ङा खी़मुला ॱमीच्‍यीकी ङ्यामो घा हो़क।” सुरी सुवालाक।

मारकु 1:11

धेनी नाम्‍खाने सुङकेक च्‍यीक घोरपालाक, “ख्‍यो़ ङी भीजा ढीन्‍चेन हीन। ख्‍यी़मुला ङा ॱमीच्‍यीकी ङ्यामो घा हो़क।”

मारकु 1:9

होदे घाङगी ङीन च्‍यीकला, येशु गालीलगी नाजारेत ॱनागीन युने फेप्‍पालाक धेनी योरदान चाङबुरु योहान्‍नाने ठी़सो़ लेन्‍बालाक।

मारकु 9:7

धेनी ॱरीङ च्‍यीकगी खोङबाक्‍याला तुम्‍दी, होदे साङने केक च्‍यीकगी देरे सुवालाक, “दे ङी से ढीन्‍चेनगो हीन। खी़ काला ङेन श्‍यीक।”

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

लुका 4:21

धेनी खोङबागी खुङक्‍याला सुवालाक, “धीरीङ सुङरापगी का दे, खेक्‍याई ङेन्‍दी घाङलाराङ डुप्‍सुङ।”

योहान्‍ना 1:32

योहान्‍नागी देरे धेन्‍पाङ झ्‍येवालाक, “ङी नाम्‍खाने थुक्‍ङीगो फुक्‍रो़न च्‍योक्‍रे भाप्‍ती, खोङबा खाला श्‍युक्‍कीनगो ज्‍याजुङ।

योहान्‍ना 12:28

याप ला, खेराङगी छेनला शीजे धाङ धेन्‍पा जेरो।” धेनी नाम्‍खे श्‍यीङखामने सुङकेक च्‍यीकगी सुवालाक, “ङी शीजे धाङ धेन्‍पा जेहो़क धेनी धाब्‍ले शीजे धाङ धेन्‍पा झ्‍यीयेहीन।”

योहान्‍ना 5:37

धेनी ङाला ॱङाक्‍कीन यापगीराङ ङाला पाङपो जेदालाक। खेक्‍याई खोङबागी सुङकेक नामा माघोर हो़तालाक धेनी खोङबागी कुयीप नामा माज्‍या हो़तालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

कोलोसेपा 1:13

को़न्‍क्षोकगी होराङला मी़नाकगी वाङने थारपा जेदी, राङगी चेवे सेगी ग्‍यासी नाङदु होराङला ठीया जेपालाक।

१ पेटो 2:4

धेनी मीगी पाङपा हीना को़न्‍क्षोकगी ॱमीक्‍वादु खोङबा दाम्‍दा धाङ चाक्षे हीन्‍गीन, धो सो़न्‍पो हीन्‍गीन चोवोगी डुङदु खेक्‍या हुङी घाङला,