लुका 3:16 - ॱलोवा

¹⁶ धेनी योहान्‍नागी खुङ घीरीला ॱनेवालाक, “ङी खेक्‍याला क्षुगी ठी़सो़ तेरालाक। हीना ङाने वाङक्षे च्‍यीक फेई हो़तालाक धेनी ङा खोङबागी पोल्‍लेगी डुताक टोरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने ठी़सो़ ॱनाङगीलाक।

लुका 3:16 Iomraidhean Croise

मेथा 3:11

“खेक्‍या धीक्‍पाने ग्‍युरास्‍योक ॱनेरी, ङा खेक्‍याला क्षुगी ठी़सो़ तेराहीन हीना ङी स्‍याम्‍ला फेप्‍गीनगो, ङाने वाङक्षे हो़तालाक। ङा खोङबागी श्‍याप्‍हाम खेरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने, ठी़सो़ ॱनाङगीलाक।

मेथा 3:12

खोङबागी क्षाकला ठोमा ॱनुम्‍दुक धेनी खोङबागी होरा चाङमा जेगीलाक धेनी डोक्‍या दुरी, डुखाङला श्‍याक जेगीलाक हीना फुप्‍माक्‍या नामा ॱमीस्‍यीगीन, मेगी ॱराक जेगीलाक।”

योहान्‍ना 1:26

योहान्‍नागी लेन ग्‍याप्‍पालाक, “ङा क्षुगी ठी़सो़ तेराहीन, हीना खीकी खोक्‍दु खेक्‍याई ङो ॱमेस्‍येगीन के-भु च्‍यीक श्‍युक हो़तालाक,

योहान्‍ना 1:27

ङी स्‍याम्‍ला फेप्‍कीनगो, खोङबाराङ लाक। धेनी ङा खोङबागी श्‍याप्‍हामगी डुतोक टोरीन खाये मेक।”

योहान्‍ना 1:33

ङी ङाराङगी खोङला ङो ॱमास्‍ये हीना ङाला क्षुगी ठी़सो़ तेरयेला ॱङाक्‍कीनगी़ ङाला सुजुङ, ‘धाम्‍पे थुक्‍ङी सी़ खाला भाप्‍ती श्‍युक्‍कीनगो ख्‍यी़ ज्‍याली, खोङबाराङ धाम्‍पे थुक्‍ङीगी ठी़सो़ जेगीनगो हीन।’

योहान्‍ना 7:38

ङाला धेपा झ्‍यीगीनगो, सुङराप नाङला ढीक्‍टा च्‍योक्‍रे, ‘खी़ नाङने छेसोकगी क्षुगी चाङबु ग्‍युक्‍कीलाक।’”

जेपा 1:5

योहान्‍नागी क्षुगी ठी़सो़ तेरपालाक हीना श्‍याक्‍मो तीते स्‍याम्‍ने खेक्‍याला धाम्‍पे थुक्‍ङीगी ठी़सो़ थोप्‍कीलाक।”

जेपा 10:44

पेटोगी होदे लाबक्‍या ताङी घाङला, खोला ङेन्‍दी धेगीन घीरीगी खाला धाम्‍पे थुक्‍ङी भाप्‍पालाक।

जेपा 2:33

याप को़न्‍क्षोकगी येशुला थोस्‍योक को़री, खोरी क्षाक ये स्‍योकला श्‍याक जे हो़तालाक धेनी खोरी धाम्‍चा च्‍योक्‍रे, खोङबाला धाम्‍पे थुक्‍ङी ॱनावालाक। होदे धाम्‍पे थुक्‍ङी चोवो येशुगी धान्‍दा, होराङक्‍या खाला ॱनाङ जेपालाक। होदे लाबगो खेराङक्‍याई धान्‍दा ॱहाघोरये धाङ थोङी हो़तालाक।

१ कोरीन्‍थुपा 12:13

घीझ्‍येरी ॱनाना होराङ याहुदापा हीन्‍ना गीरीक हीन्‍ना याङना ढेन्‍योक हीन्‍ना राङवाङगी मी हीन्‍ना, होराङ घीरी ली़ च्‍यीकला ग्‍युरयेला, धाम्‍पे थुक्‍ङी च्‍यीगारागी थोक्‍ने ठी़सो़ थोप्‍पालाक धेनी होराङ घीरीगी नाङ धाम्‍पे थुक्‍ङी च्‍यीक्‍पाराङ ॱनाङ हो़तालाक।