लुका 3:11 - ॱलोवा

¹¹ धेनी योहान्‍नागी खुङक्‍याला ॱनेवालाक, “खेक्‍याला घो़ ॱङी हो़ना च्‍यीक मेगीनला तेरघो़ धेनी शामा हो़गीनगीयाः होदेरेराङ झ्‍यीघो़।”

लुका 3:11 Iomraidhean Croise

मेथा 25:40

धेनी ग्‍यावुगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़न देक्‍याने च्‍युङस्‍योक च्‍यीकला खेक्‍याई देरे झ्‍येहो़ना होदे खेक्‍याई ङाला झ्‍येवालाक।’

लुका 11:41

हीना नाङला हो़गीनगो उटेक्‍याला ज्‍यीम्‍बा तोङ धेनी ख्‍यी़ क्षीला घीरी चाङमा झ्‍युङगीलाक।”

लुका 18:22

दे सेन्‍दी येशुगी खोला सुवालाक, “ख्‍यी़ धोराङा लेगा च्‍यीक झ्‍यीयेला ल्‍हाक दुक। ख्‍यो़ला हो़गीन घीरी चोरी, उटेक्‍याला ज्‍यीम्‍बा तोङ धेनी ख्‍यो़ला नाम्‍खे ग्‍यासीदु तेर थोप्‍कीलाक। धेनी ङी स्‍याम्‍ला स्‍योक।”

लुका 19:8

हीना जाखाया लारी चोवोला श्‍यी़वालाक, “चोवो शीक्‍रोनाङ, ङा ङारी ग्‍युनोरने फेक उटेक्‍याला झ्‍यीम्‍बा ताङयेहीन धेनी मीक्‍याने गो कोरती ग्‍यु ॱली़ हो़ना, ङा होदेगी दाप श्‍यी ॱलोक्‍येहीन।”

योहान्‍ना 13:29

घीझ्‍येरी ॱनाना युदाला ॱङुगी खुमाकगो झ्‍येरी, येशुगी खोला धी़छेनगी क्षीला खुङक्‍याला घो़गीनगो ङ्योये याङना उटेक्‍याला झ्‍यीम्‍बा ताङयेला, देरे सुङा हीन्‍ढु ॱनेरी खुङक्‍याने रीङगागी साम्‍बालाक।

जेपा 10:2

खो धाङ खी़ नाङमी घीरी, क्षो़ला घागीन धाङ को़न्‍क्षोकला चीरी जीक्‍नाङ झ्‍यीगीन हो़तालाक। खो मीमाङक्‍याला ज्‍यीम्‍बा ताङालाक धेनी को़न्‍क्षोकला च्‍योई सोवा ग्‍यालाक।

जेपा 10:31

धेनी सुजुङ, ‘कोरनेलीहु, को़न्‍क्षोकगी ख्‍यी़ ॱमो़लामक्‍या सेन्‍दुक धेनी ख्‍यी़ ज्‍यीम्‍बाक्‍या श्‍यीप्‍ता जेदुक।

जेपा 10:4

धेनी खो छु थोरती खोला तेरी ढीवालाक, “चोवो, घी सुङवा हीनो?” धेनी भाङछेनगी खोला सुवालाक, “ख्‍यी़ ॱमो़लाम धाङ ज्‍यीम्‍बा ताताक्‍या को़न्‍क्षोकगी डुङला ॱलेप्‍दुक।

एफीसुपा 4:28

कुगीनगी धा ॱमाकुवास्‍योक। हीना खी़ काल्‍ले ग्‍यास्‍योक। खी़ राङगी लाक्‍पा ॱङीगी ढाङपो झ्‍येरी, काल्‍ले ग्‍यास्‍योक धेनी घो़गीनक्‍याला झ्‍यीम्‍बा ताङास्‍योक।

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

१ तीमोथेउ 6:18

खुङक्‍याई लेगा शाङा झ्‍यीये धाङ ले शाङाला क्षुक्‍पु धेनी झ्‍यीम्‍बा ताङयेला घागीन धाङ राङला हो़गीन श्‍येम्‍माला घोवास्‍योक।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।

याकोब 1:27

होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।

याकोब 2:14

ङी पी़नक्‍याओ, मी च्‍यीकगी राङला धेपा हो़क ॱनाना, हीना धेपाला थी़न्‍गीन लेगागो मीझ्‍यीना, देला फेन्‍थोक घी हो़तालाक से? खी़ धेपागी खोला क्‍योप थुक्‍कीले?

१ योहान्‍ना 3:17

जीक्‍तेन दी ग्‍युनोर हो़गीन मी च्‍यीकगी, राङगी पी़न च्‍यीकला घो़गीनगो थोङाराङ खोला ॱङीङजे ॱमेकेना, को़न्‍क्षोकगी झाम्‍पा खी़ नाङ घाङगी झ्‍येरी ॱने थुक्‍कीले?

१ योहान्‍ना 4:20

मी च्‍यीकगी “ङा को़न्‍क्षोकला चेवा झ्‍यीदीहो़क।” ॱनेरी ॱने, हीना राङगी पी़नला दाङा झ्‍यीना, खो शोक्‍पो लाक घीझ्‍येरी ॱनाना राङगी ॱमीकगी थोङगीन राङगी पी़नला झाम्‍पा मीझ्‍यीगीनगी, ॱमीकगी थोङ माङ्युङगीन को़न्‍क्षोकला चेवा झ्‍यी ॱमीथुक्‍कीलाक।