लुका 3:1 - ॱलोवा

¹ रोमापा ग्‍यावु केसार तीबेरीयुसगी, राङगी ग्‍याखाप घीरीला वाङ झ्‍यीगीन लो च्‍येङागी धी़ घाङला, पोन्‍तीहु पीलातु युदेया युगी पो़न्‍पो धाङ हेरोदे नी, गालील युगी पो़न्‍पो लाक। धेनी होदे घाङला, खी़ नो फीलीपगो ईतोरीया धाङ टाकोनीतीगी पो़न्‍पो धाङ लुसानीयागो आबीलेने युगी पो़न्‍पोक्‍या लाक।

लुका 3:1 Iomraidhean Croise

मेथा 14:1

होदे घाङला गालीलगी पो़न्‍पो, हेरोदेगी येशुगी ॱङेन्‍डाकगी कोरला ॱहाघोरपालाक।

मेथा 14:3

धा हेरोदेगी खोरी नो फीलीपगी केमी हेरोदीयासगी क्षीला, योहान्‍नाला शीम्‍बालाक धेनी कीक्‍ती चो़न्‍खाङला धाक्‍पालाक।

मेथा 14:6

हीना हेरोदे केवे ङीमोगोला डो़न्‍बोक्‍याई दोङदु, हेरोदीयासगी भोमोगो घार चेरी, हेरोदेला ङ्यामो घारु च्‍युक्‍पालाक।

मेथा 22:17

धा केसारला ठा जाङये दे क्षो़ठीमला थी़न्‍दाले याङना ॱमीथी़न्‍दाले? खेराङगी सामस्‍यी हेक्‍याला सुङाजे।”

मेथा 27:2

धेनी खुङक्‍याई येशुला कीक्‍ती ठीक्‍ती सोरी, रोमापा चीख्‍याप पीलातुला ची ग्‍याप्‍पालाक।

मारकु 6:17

हेरोदेगी खोरी नो फीलीपगी केमी, हेरोदीयास खोरी केमी शो़वालाक। धेनी मी़ क्षीला खोरी मीक्‍या झारी, योहान्‍नाला शीम्‍दु चुक्‍ती, चो़न्‍खाङ नाङदु धाक्‍पालाक।

मारकु 6:21

हेरोदे केगीन ङीमागी़ धी़छेनला, खोरी श्‍युङगी पो़न्‍पोक्‍या धाङ ॱमाक्‍पो़नक्‍या धाङ गालीलगी, मी क्षेक्‍याला डो़न कावालाक। होदे धी़चो़ला हेरोदीयासला घोकाप जोरपालाक।

लुका 13:31

होदे घाङला फारुसीपा रीङगाक्‍या होरी येशुला श्‍यी़वालाक, “खेराङ देने थो़न्‍दी फेप्‍रोनाङ घीझ्‍येरी ॱनाना हेरोदेगी खेराङला सेये दो़पा झ्‍यीदी।”

लुका 2:1

होदी घाङला, ग्‍यावु केसार उगास्‍तोगी रोमा ग्‍याखाप घीरीगी मीमाङक्‍याला, मीङ थो ग्‍याप्‍येला का तेरपालाक।

लुका 23:24

होझ्‍येरी पीलातुगी खुङक्‍याई ॱनागीन च्‍योक्‍रे झ्‍यीयेला का ॱनावालाक।

लुका 3:19

हीना ग्‍यावु हेरोदेगी खोरी नोगी केमी हेरोदीयासला, खोरी ॱनामा शो़ धेनी खी़ झ्‍येजा लेगा ङेन्‍पा घीरीगी क्षीला, योहान्‍नागी खोला आङजी तावालाक।

लुका 9:7

धा पो़न्‍पो हेरोदेगी दे घीरीगी कोरला ॱहाघोरपालाक। धेनी खो गो थोम्‍बालाक घीझ्‍येरी ॱनाना मी रीङगागी, ठी़सो़खेन योहान्‍ना स्‍यीम्‍बुने सो़न्‍पो झ्‍युदुक ॱनेरी ॱनेवालाक।

जेपा 23:26

“पो़न्‍पो फेलीक ला, ङा कालोदेहु लुसीयाने क्षाक पुलो।

जेपा 24:27

लो ङी छासारती फेलीकगी छापला पोरकीहु फेस्‍तु होवालाक। धेनी फेलीकगी याहुदापाक्‍याला ङ्यामो घारु च्‍युक्‍येला, पाउलुला चो़न्‍खाङ नाङदुराङ श्‍याक्‍पालाक।

जेपा 26:30

होदे स्‍याम्‍ने ग्‍यावु आगारीपा धाङ पो़न्‍पो फेस्‍तु धाङ बेरनीके धाङ खुङक्‍यामुला होवा मीक्‍या घीरी लारी सोवालाक।

जेपा 4:27

“ॱङो़न दे ॱङोन्‍नेगी डुप्‍सुङ घीझ्‍येरी ॱनाना ग्‍यावु हेरोदे धाङ पोन्‍तीहु पीलातु धाङ याहुदापा मेन्‍गीन मीरीकक्‍या धाङ याहुदापा मीक्‍या घीरी, येरुसालेमदु खेराङगी दाम्‍दा धाम्‍पे श्‍याप्‍ची येशुला ङोग्‍येल झ्‍यीयेला जोम्‍जुङ।