लुका 24:52 - ॱलोवा

⁵² धेनी खुङक्‍याई खोङबाला क्षाक छारी ॱमीच्‍यीकी ङ्यामो घेरी, येरुसालेमला लोक्‍पालाक।

लुका 24:52 Iomraidhean Croise

मेथा 28:17

धेनी खुङक्‍याई खोङबाला ज्‍याली घाङला, खुङक्‍याई क्षाक छावालाक हीना रीङगागी दोक्‍पा झ्‍येवालाक।

मेथा 28:9

धेनी लाम्‍साङ येशु खुङक्‍या दोङदु फेप्‍ती, खुङ ॱङीउला सुवालाक, “खेक्‍याला श्‍यीदे हुङास्‍योक।” धेनी खुङ ॱङीउ खोङबागी दोङदु होरी खोङबागी श्‍यापला जुरी क्षाक छावालाक।

लुका 24:51

खोङबागी खुङक्‍याला झ्‍यीलाप ॱनाङी घाङला, खोङबा खुङक्‍याने खा डारी नाम्‍खा स्‍योकला ठीया जेपालाक।

लुका 24:53

धेनी खुङक्‍या च्‍योई क्षो़खाङदु, को़न्‍क्षोकला तो़टा पुरी धेदालाक।

योहान्‍ना 14:28

“ङी खेक्‍याला ‘ङा लोक्‍ती डोयेहीन धेनी ङा खेक्‍याचारु हुङयेहीन’ ॱनागीन दे घोर हो़तालाक। खेक्‍याई ङाला चेवा हो़ना, ङा यापगी डुङदु डोवालाक ॱनेरी, खेक्‍या ङ्यामो घायेहो़क घीझ्‍येरी ॱनाना ङाले याप खाक्‍क्षे लाक।

योहान्‍ना 16:22

देरे झ्‍येरीराङ, धान्‍दा खेक्‍याला दुङा हो़तालाक हीना ङा खेक्‍याला धाब्‍ले थुक्‍येहीन धेनी खीकी सेम घाटोगी खाङगीलाक। धेनी खीकी घाटोगो सी़याः ठोक थुक्‍कीमालाक।

योहान्‍ना 16:7

हीना ङी खेक्‍याला धेन्‍पागो स्‍येदाहीन, ङा डोनाराङ खेक्‍याला फेन्‍थोवा हो़तालाक घीझ्‍येरी ॱनाना ङा मेडोना, रोवा जेगीनगो खीकीचारु ॱमेफेप्‍कीलाक। हीना ङा डोना ङा खोङला खीकीचारु ताङयेहीन।

योहान्‍ना 20:28

थोमागी खोङबाला श्‍यी़वालाक, “ङी चोवो, ङी को़न्‍क्षोक।”

जेपा 1:12

होदे स्‍याम्‍ने कुछापक्‍या क्‍युरुस्‍यीङगी री भोरती, येरुसालेम स्‍योकला सोवालाक। होदेने येरुसालेम थुक्‍पे क्षुजी फेक चो़गी लाम हो़तालाक।

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।