लुका 24:47 - ॱलोवा

⁴⁷ धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

लुका 24:47 Iomraidhean Croise

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 9:13

सोङ धेनी ‘ङा क्षो़पाला मेन्‍दा, ॱङीङजे घाई हो़क।’ ॱनागीनगी दो़न्‍दाकगो ॱहाघोरा झ्‍यी, घीझ्‍येरी ॱनाना ङा ढाङतेनक्‍याला मेन्‍दा, धीक्‍चेनक्‍याला भो़रु होवाहीन।”

लुका 13:34

“येरुसालेम, येरुसालेम, ॱङो़नस्‍येखेनक्‍या सेगीन धाङ ख्‍यी़चारु झाजाक्‍याला धोगोङ श्‍युरकीन ख्‍यो़! झ्‍यामोगी राङगी टुवाक्‍याला स्‍योक्‍पा होकदु धुगीन च्‍योक्‍रे, ङी थेङ माङपो ख्‍यी़ टुवाक्‍याला दुयेगी दो़पा झ्‍येवी, हीना ख्‍यी़ दो़पा झ्‍यीगी मीदुक।

जेपा 10:43

खोङबाला धेपा-झ्‍यीगीनक्‍याला खोङगी छेनने धीक्‍पाक्‍या धाक्‍कीलाक ॱनेरी, ॱङो़नस्‍येखेन घीरीगी खोङगी कोरला पाङपो तो़न हो़तालाक।”

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 13:46

हीना पाउलु धाङ बारनाबागी ॱयोल्‍ले जीक्‍टा ॱमीझ्‍यीदा ॱनेवालाक, “खेक्‍याचारु एन्‍ला को़न्‍क्षोकगी का स्‍येघोये हो़क हीना खेराङक्‍याई माङेन्‍बालाक। खेराङक्‍या राङला थामेगीन छेसोकगो थोप्‍ये मेगीन शो़वालाक, होझ्‍येरी हेक्‍या श्‍येम्‍मा मीरीकगी मीक्‍याचारु डोवालाक।

जेपा 2:38

धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 20:21

धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

जेपा 26:20

होझ्‍येरी ङा गोमाला दामासेकोरु धेनी येरुसालेमदु धेनी याहुदा ग्‍याखाप घीरीदु धाङ याहुदापा मेन्‍गीन मीरीकक्‍याई ग्‍याखापक्‍याला सोरी, मीक्‍याला मीरी-मीरी धीक्‍पा पारी सेम ग्‍युरती, को़न्‍क्षोक स्‍योकला लोक्‍ये धाङ होदे च्‍योक्‍रे लेगा झ्‍यीयेगी का स्‍येवी।

जेपा 28:28

“होझ्‍येरी को़न्‍क्षोकने थोप्‍कीन थारपा दे, याहुदापा मेन्‍गीन मीरीकक्‍याला ॱनाङ हो़तालाक धेनी खुङक्‍याई होदे ङेन्‍गीलाक ॱनेरी, खेक्‍याई स्‍येलाझ्‍यी ॱनेरी ङा दो़दीहो़क।”

जेपा 3:19

होझ्‍येरी धा खेराङक्‍या राङगी धीक्‍पा पारी सेम ग्‍युरवा तोङ धेनी को़न्‍क्षोक चारु लोक्‍ती स्‍योक। धेनी खोङबागी खेराङक्‍याई धीक्‍पा घीरी चाङमा जेगीलाक। देरे झ्‍येरी खेराङक्‍याला को़न्‍क्षोकने सेम नाङदु कीदा धाङ स्‍युक जोरकीलाक।

जेपा 4:12

“श्‍येम्‍मा सुनेः थारपा ॱमेथोप्‍कीलाक घीझ्‍येरी ॱनाना होरी थारपागी क्षीला येशुगी छेन माना, को़न्‍क्षोकगी श्‍येम्‍मा मीङ नाम्‍खे श्‍यीङखाम होकदु ॱमानावालाक।”

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।

एफीसुपा 1:6

धा को़न्‍क्षोकगी शीजेचेनगी थुक्‍जेगी क्षीला, खोङबाला तो़पार स्‍योक घीझ्‍येरी ॱनाना थुक्‍जे दे, खोङबागी चेवे सेगी गोने होराङला फाङमेदु ॱनावालाक।

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

कोलोसेपा 1:27

को़न्‍क्षोकगी ढाङमेगी शीजेगी साङवा दे, याहुदापा मेन्‍गीन मीरीकगी क्षीला ॱमीच्‍यीकी चाक्षे हीन्‍गीनगो, राङगी धाम्‍पे मीक्‍याला ॱङो़न्‍दु जेयेगो, को़न्‍क्षोकगी थुक घेवालाक। साङवा दे नी, मास्‍यीका खेक्‍याई नाङ हो़तालाक धेनी खोङ नी शीजेगी रेवागो लाक।

१ योहान्‍ना 2:12

चेवे टुवाक्‍याओ, ङा खेक्‍याला ढीयाहीन, घीझ्‍येरी ॱनाना येशुगी छेनगी थोक्‍ने, खीकी धीक्‍पाक्‍या सेल हो़तालाक।