7 धेनी येशु हेरोदे ग्यावुगी साजागी मी लाक ॱनेरी ॱहाघोरती, होदे घाङला हेरोदे येरुसालेमदुराङ झ्येरी, पीलातुगी खोङबाला हेरोदेचारु झावालाक।
होदे घाङला गालीलगी पो़न्पो, हेरोदेगी येशुगी ॱङेन्डाकगी कोरला ॱहाघोरपालाक।
धा हेरोदेगी खोरी नो फीलीपगी केमी हेरोदीयासगी क्षीला, योहान्नाला शीम्बालाक धेनी कीक्ती चो़न्खाङला धाक्पालाक।
हीना हेरोदे केवे ङीमोगोला डो़न्बोक्याई दोङदु, हेरोदीयासगी भोमोगो घार चेरी, हेरोदेला ङ्यामो घारु च्युक्पालाक।
येशुगी छेन घीरीदु ख्याप्ती, ग्यावु हेरोदेगीयाः खोङबागी कोरला ॱहाघोरपालाक। रीङगागी, “ठी़सो़ ॱनाङगीन योहान्ना ढोरीयाः सो़न्पो लाङदुक होझ्येरी खो देरे ॱहाङसागीन लेगा झ्यी थुक्वालाक।” ॱनेरी ॱनेवालाक।
होदे घाङला फारुसीपा रीङगाक्या होरी येशुला श्यी़वालाक, “खेराङ देने थो़न्दी फेप्रोनाङ घीझ्येरी ॱनाना हेरोदेगी खेराङला सेये दो़पा झ्यीदी।”
धेनी पीलातुगी दे घोरती, “मी दे गालीलपा ले?” ॱनेरी ढीवालाक।
रोमापा ग्यावु केसार तीबेरीयुसगी, राङगी ग्याखाप घीरीला वाङ झ्यीगीन लो च्येङागी धी़ घाङला, पोन्तीहु पीलातु युदेया युगी पो़न्पो धाङ हेरोदे नी, गालील युगी पो़न्पो लाक। धेनी होदे घाङला, खी़ नो फीलीपगो ईतोरीया धाङ टाकोनीतीगी पो़न्पो धाङ लुसानीयागो आबीलेने युगी पो़न्पोक्या लाक।
धा पो़न्पो हेरोदेगी दे घीरीगी कोरला ॱहाघोरपालाक। धेनी खो गो थोम्बालाक घीझ्येरी ॱनाना मी रीङगागी, ठी़सो़खेन योहान्ना स्यीम्बुने सो़न्पो झ्युदुक ॱनेरी ॱनेवालाक।
“ॱङो़न दे ॱङोन्नेगी डुप्सुङ घीझ्येरी ॱनाना ग्यावु हेरोदे धाङ पोन्तीहु पीलातु धाङ याहुदापा मेन्गीन मीरीकक्या धाङ याहुदापा मीक्या घीरी, येरुसालेमदु खेराङगी दाम्दा धाम्पे श्याप्ची येशुला ङोग्येल झ्यीयेला जोम्जुङ।