लुका 23:5 - ॱलोवा

⁵ हीना खुङक्‍याई उजुक झ्‍येरी ॱनेवालाक, “दे मी दी गालील ग्‍यारापने गो चुक्‍ती, दे थुक्‍पे युदेया घीरीला राङगी क्षो़ ॱलाप्‍ती मीक्‍याला टुक्‍ई।”

लुका 23:5 Iomraidhean Croise

मेथा 11:1

येशुगी राङगी ङेने च्‍युङङीला ॱलोप्‍तो़न जेसारती, खोङबा होदेने होदे युगी ग्‍याजाक्‍याला, क्षो़ तो़न्‍ये धाङ का स्‍येयेला फेप्‍पालाक।

मेथा 2:1

ग्‍यावु हेरोदेगी धी़ला युदेया युगी बेथलेहेमदु येशु ठुरी स्‍याम्‍ला, स्‍यार स्‍योकने कारचीपाक्‍या येरुसालेमदु होरी,

मेथा 27:24

धा पीलातुगी खोरी घीया झ्‍यी ॱमीथुप्‍कीन, हीना ॱयोल्‍ले ॱङ्योक्‍टा लाङगु झ्‍यीगीनगो थोरी, खी़ मीमाङक्‍याई दोङदु क्षु खेरती लाक्‍पा ठी़वालाक धेनी ॱनेवालाक, “दे मी दी ठाकगी क्‍यो़न ङाला फोक्‍येमेक। दे खीकी गोवाला फोक्‍कीलाक।”

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मारकु 1:14

योहान्‍ना चो़न्‍खाङदु धाक सारती स्‍याम्‍ला, येशु गालीलदु को़न्‍क्षोकगी ताम्‍शाङ सुङी-सुङी फेप्‍पालाक।

लुका 11:53

धेनी खोङबा होदेने फेई घाङला क्षो़ठीमगी ॱलोपो़नक्‍या धाङ फारुसीपाक्‍याई खोङबाला दो़न माङागी कोरला, सुङदु च्‍युक्‍येला चीरपालाक।

लुका 23:23

धेनी मीक्‍याई उजुक झ्‍येरी खोला ग्‍याङस्‍यीङला क्‍याङ घोगुलाक ॱनेरी, ॱयोल्‍ले के क्षे ग्‍याप्‍पालाक। धेनी खुङक्‍याई केक ग्‍याप्‍ती ग्‍यावालाक।

लुका 23:6

धेनी पीलातुगी दे घोरती, “मी दे गालीलपा ले?” ॱनेरी ढीवालाक।

योहान्‍ना 1:43

धेनी ॱङेटोगो येशु गालील युदु फेप्‍येला, थुक्‍सेम जेपालाक। धेनी खोङबागी फीलीपला थुक्‍ती, “ङी स्‍याबाला डोङ।” सुरी सुवालाक।

योहान्‍ना 19:15

धेनी खुङक्‍याई “खोला ॱहाला ठीक, ॱहाला ठीक। खोला ग्‍याङस्‍यीङला क्‍योङ!” ॱनेरी फेरा ग्‍याप्‍पालाक। पीलातुगी खुङक्‍याला ॱनेवालाक, “खेक्‍याई ग्‍यावुला ङा ग्‍याङस्‍यीङ खाला क्‍याङये?” क्षो़पो़न क्षेक्‍याई लेन ग्‍याप्‍पालाक, “केसार माना हेक्‍याला ग्‍यावु श्‍येम्‍मा मेक।”

योहान्‍ना 2:11

दे ताक धाङपो दे येशुगी गालीलगी काना युरु जेदी, राङगी शीजे ॱङो़न्‍दु जेपालाक। धेनी खोङबागी ङेनेक्‍याई खोङबाला धेपा झ्‍येवालाक।

योहान्‍ना 7:41

धेनी श्‍येम्‍माक्‍याई ॱनेवालाक, “दे नी मास्‍यीकागो लाक।” हीना रीङगागी ॱनेवालाक, “गालील युने मास्‍यीकागो फेप्‍कुलाक से?

योहान्‍ना 7:52

खुङक्‍याई खोला ॱनेवालाक, “ख्‍यो़याः गालीलपा हीने? सुङरापला चारी तो़, गालीलने ॱङो़नस्‍येखेन सुवा मीझ्‍युङगीलाक।” [

जेपा 10:37

योहान्‍नागी ठी़सो़गी ॱलोप्‍तो़न स्‍याम्‍ने, गालीलने गो चुक्‍ती युदेया यु घीरीला झ्‍युजा लाब घीरी खेक्‍याला छा हो़तालाक।

जेपा 23:10

खुङक्‍याई धुगा ॱमीच्‍यीकी क्षेरु सोवालाक। धेनी होदुरु पाउलुला दुबु-दुबुला तारी सेगीलाक ॱनेरी, जीक्‍ती ॱमाक्‍पो़नगी खोला होदेने ठीक्‍ती, ॱमाक्‍खाङदु ठीक्‍ती डोयेला ॱमाक्‍मीक्‍याला का ॱनावालाक।

जेपा 5:33

धेनी दे लाबगो ङेन्‍दी होदुरु जोम्‍जा गोठीक्‍या ॱमीच्‍यीकी श्‍येताङ लारी, कुछापक्‍याला सेङी दो़पालाक।

जेपा 7:54

सेतेफेनगी होदे लाबगो घोरती, छोक्‍पा क्षेरु हो़गीन गोठीक्‍या ॱमीच्‍यीकी खोङडो लावालाक धेनी खुङक्‍या खोङडो लारी खोला सो ढीक्‍पालाक।

जेपा 7:57

धेनी खुङ घीरी ॱमीच्‍यीकी फेरा ग्‍याप्‍ती लावालाक धेनी मीरी-मीरी आमच्‍योक काक्‍पालाक। धेनी लाम्‍साङ खुङ घीरीमुला रुप्‍ती, खो स्‍योकला भाङ तारी होवालाक।