लुका 23:41 - ॱलोवा

⁴¹ होराङ ॱङीउला होरी लेगागी क्षेपा फोक घोगीनगो फोक्‍पालाक हीना दे मीगी लेगा ङेन्‍पा घीया माझ्‍ये हो़तालाक।”

लुका 23:41 Iomraidhean Croise

मेथा 27:19

पीलातु ठीम्‍चो़गी ठीला धेती घाङला, खी़ केमीगी खोला लो़न दे कुरपालाक, “होदे मीगी झ्‍येरी, धीरीङ ॱङी ॱमीक्‍लामला ॱमीच्‍यीकी दुक्‍पु क्षे ङ्यावी। होझ्‍येरी होदे क्‍यो़न मेगीन मीला घीया माझ्‍यी।”

मेथा 27:24

धा पीलातुगी खोरी घीया झ्‍यी ॱमीथुप्‍कीन, हीना ॱयोल्‍ले ॱङ्योक्‍टा लाङगु झ्‍यीगीनगो थोरी, खी़ मीमाङक्‍याई दोङदु क्षु खेरती लाक्‍पा ठी़वालाक धेनी ॱनेवालाक, “दे मी दी ठाकगी क्‍यो़न ङाला फोक्‍येमेक। दे खीकी गोवाला फोक्‍कीलाक।”

मेथा 27:4

ॱनेवालाक, “ङी क्‍यो़न मेगीन मी च्‍यीकला ग्‍याप्‍तो़ झ्‍येरी धीक्‍पा झ्‍येजुङ।” खुङक्‍याई ॱनेवालाक, “हेक्‍याला झ्‍यी़दोक मेक। होदे ख्‍यो़री ॱङ्योक्‍टा लाक।”

मेथा 27:54

धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

लुका 23:40

हीना होदेला आङजी तारी श्‍येम्‍मागी़ ॱनेवालाक, “ख्‍यो़लाः क्षेपा देराङ फोक हो़तालाक, धोराङा को़न्‍क्षोकला जीक्‍टा मीझ्‍यीदा ले?

लुका 23:42

धेनी खी़ येशुला ॱनेवालाक, “येशु ला, खेराङ राङगी ग्‍यासीला फेई घाङला, ङाला ढेन्‍रो जे।”

१ थेसालोनीकेपा 2:10

खे धेपा झ्‍यीगीनक्‍याई खोक्‍दु हीकी चो़पा धाम्‍पा धाङ ढाङपो धाङ क्‍यो़न मेगीनगी पाङपोगो, खेक्‍याराङ धाङ को़न्‍क्षोक हीन।

याकोब 4:7

होझ्‍येरी राङला को़न्‍क्षोकगी क्षाक होकला पु। धी़कला ङोलोक झ्‍यी। धेनी खो खेक्‍याने डो़री डोगीलाक।

१ पेटो 1:19

हीना क्‍यो़न धाङ ढीमा मेगीन लुक्‍टु च्‍योक्‍रे, हीन्‍गीन मास्‍यीकागी कुठाक रीन्‍छेनगी ॱली़वालाक ॱनेरी, खेक्‍याई स्‍येलालाक।

१ पेटो 2:23

खुङक्‍याई मास्‍यीकाला ॱमेबेप ताङी घाङला, खोङबागी लेन ॱलोक्‍वा माजेपालाक। धेनी दुक्‍पु ङ्याङी घाङला, खोङबागी जीक्‍टा ॱमाकुवालाक। हीना ढाङतेनगी ठीम थाक जेगीनला ॱलो का जेपालाक।