लुका 23:4 - ॱलोवा

⁴ धेनी पीलातुगी क्षो़पो़न क्षेक्‍या धाङ मीछोकक्‍याला ॱनेवालाक, “ङी मी देला क्‍यो़न चुक घोये दो़न घीया ॱमेथोङा।”

लुका 23:4 Iomraidhean Croise

मेथा 27:19

पीलातु ठीम्‍चो़गी ठीला धेती घाङला, खी़ केमीगी खोला लो़न दे कुरपालाक, “होदे मीगी झ्‍येरी, धीरीङ ॱङी ॱमीक्‍लामला ॱमीच्‍यीकी दुक्‍पु क्षे ङ्यावी। होझ्‍येरी होदे क्‍यो़न मेगीन मीला घीया माझ्‍यी।”

मारकु 15:14

पीलातुगी खुङक्‍याला ॱनेवालाक, “घीझ्‍येरी? खी़ ले ङेन्‍पा घी झ्‍येदो?” हीना खुङक्‍या ॱयोल्‍ले माङा फेरा ग्‍याप्‍ती ॱनेवालाक, “ग्‍याङस्‍यीङ खाला क्‍याङदी सो़।”

लुका 23:22

पीलातुगी थेङमा सुम्‍बाला खुङक्‍याला ॱनेवालाक, “घीझ्‍येरी? मी दी ङेन्‍पा घी झ्‍येदो? ङी खोला सेयेगी क्षेपा का घोगीन क्‍यो़न घीया ॱमेथोङा। होझ्‍येरी खोला ङा ताजाक श्‍युरती ताङयेहीन।”

योहान्‍ना 18:38

धेनी पीलातुगी खोङबाला श्‍यी़वालाक, “धेन्‍पा घी ले?” दे ॱनेसारती खो याहुदापाक्‍या हो़जारु फीला सोरी खुङक्‍याला ॱनेवालाक, “ङी मी दे नाङ क्‍यो़न घीया ॱमेङेदा।

जेपा 25:25

हीना दे मीला सेयेगी छेपा राक्‍कीन लेगा ङेन्‍पा झ्‍येजा, ङी घीन्‍दा ॱमाथोजुङ। धेनी खो खोराङगी रोमापा ग्‍यावुचारु ठीम श्‍युये ॱनेरी, ङाला श्‍योवा पुरी, ङी खोला रोमदु झाङये ढो़ झ्‍येवी।

जेपा 3:13

देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

१ पेटो 1:19

हीना क्‍यो़न धाङ ढीमा मेगीन लुक्‍टु च्‍योक्‍रे, हीन्‍गीन मास्‍यीकागी कुठाक रीन्‍छेनगी ॱली़वालाक ॱनेरी, खेक्‍याई स्‍येलालाक।

१ पेटो 2:22

“खोङबागी धीक्‍पा च्‍यीया माझ्‍ये, धेनी खोङबागी ॱली़टेगी छीक ॱमासुङ।”

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।