लुका 23:34 - ॱलोवा

³⁴ धेनी येशुगी सुवालाक, “ङी याप, देक्‍याला घोङपा ॱनाङरो ॱनाङ घीझ्‍येरी ॱनाना देक्‍याई घी झ्‍यीगीनगो देक्‍या ॱमेस्‍येलालाक।” धेनी ॱमाक्‍मीक्‍याई येशुगी घोलाकगो गेन ग्‍याप्‍ती, खोराङक्‍या नाङदु घो़वालाक।

लुका 23:34 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 11:26

लाक याप, खेराङगी थुकोङ देरेलाराङ ग्‍येवालाक।

मेथा 5:44

हीना ङा खेक्‍याला ॱनाहीन, राङगी डाक्‍याला चेवा झ्‍यी धेनी ख्‍यो़ला ॱनो़ क्‍यागीनक्‍याई दो़न्‍दु सोवा धेप।

मारकु 15:24

ॱमाक्‍मीक्‍याई खोङबाला शेर ग्‍याप्‍ती, ग्‍याङस्‍यीङ खाला क्‍याङबालाक धेनी खोङबागी नाशा सु-सुला घी थोप्‍टु ॱनेरी, गेन ग्‍याप्‍ती घो़वालाक।

लुका 22:42

“ङी याप खेराङगी थुकोङ हो़ना, दे दुक्‍पुगी फोरा दे ङाने ॱहाला ॱनुमा जे। हीना ङी दो़पा मेन्‍दा खेराङगी थुकोङ डुपास्‍योक।”

योहान्‍ना 17:9

ङा खुङक्‍याई क्षीला सोवा ग्‍यावीहो़क। ङी जीक्‍तेनगी मीक्‍याई क्षीदु सोवा ग्‍यावामेन हीना खेराङगी ङाला ॱनाङना मीक्‍याई क्षीला, ङा सोवा ग्‍यावाहीन घीझ्‍येरी ॱनाना खुङक्‍या खेराङगी हीन।

योहान्‍ना 19:11

येशुगी खोला कालेन ॱनावालाक, “तो़ने ॱमानाङगीन थुक्‍पे, ङी थोकला खेराङला आङजा घीया मेतालाक। होझ्‍येरी खेराङगी लाकला ङाला ची ग्‍याप्‍कीनगोला, देले ल्‍हाक धीक्‍पा क्षे फोक्‍कीलाक।”

जेपा 16:28

हीना पाउलुगी फेरा ग्‍याप्‍ती ॱनेवालाक, “ख्‍यो़ ख्‍यो़राङला ॱमासे। हेक्‍या घीरी दुरुराङ हो़क।”

जेपा 3:17

“ङी रोवाक्‍याओ, ङाला क्षाहो़क, खेराङ धाङ खेराङक्‍याई पो़न्‍पोक्‍याई राङ घी झ्‍यीगीनगो ॱहामाघोरा, येशुला सेपालाक।

जेपा 7:60

खी़ पीमु चुक्‍ती केक ग्‍याप्‍ती ॱनेवालाक, “चोवो, दे धीक्‍पागी छेपागो खुङक्‍याला ॱमाफोक्‍वास्‍योक।” हो़जो़ ॱनेरी खी़ उप छेपालाक।

रोमापा 12:14

खेक्‍याला दुक्‍पु ताङगीनक्‍याला झ्‍यीलाप तेर। झ्‍यीलाप तेर हीना ॱमेमो माग्‍याप।

१ कोरीन्‍थुपा 2:8

दे धी़रापगी वाङ झ्‍यीगीनक्‍या सी़याः दे स्‍येराप दे ॱहामाघोवालाक। खुङक्‍याई ॱहाघो हो़ना, शीजेगी चोवोला खुङक्‍याई ग्‍याङस्‍यीङदु क्‍याङये मेक।

१ कोरीन्‍थुपा 4:12

धेनी राङगी लाक्‍पी लेगा झ्‍येरी काल्‍ले ग्‍यावाहीन। धेनी मी श्‍येम्‍मागी ॱमेमो ग्‍याराङ, हेक्‍या ॱमो़लाम श्‍यी़हो़क। श्‍येम्‍मागी हेक्‍याला दुक्‍पु तेराराङ, हेक्‍या शो़पा घोमीहो़क।

१ तीमोथेउ 1:13

धेनी ङाला ॱङीङजे थोप्‍जुङ घीझ्‍येरी ॱनाना होदे घीरी धेपा मेती घाङला, ङी ॱमास्‍येवा झ्‍येवालाक।

१ पेटो 3:9

ङेन्‍पाला ङेन्‍पा याङना ॱमेबेप छापला, ॱमेबेपगी लेन ॱमालोक। हीना दी छापला झ्‍यीलाप तेर घीझ्‍येरी ॱनाना खेक्‍याला झ्‍यीलाप थोप्‍येगी क्षीलाराङ खेक्‍या भो़वालाक।