लुका 23:2 - ॱलोवा

² खुङक्‍याई खोङबाला देरे क्‍यो़न चुक्‍ती ॱनेवालाक, “मी दी होरी मीक्‍याला खोक्‍पा ग्‍याङगीन धाङ रोमापा ग्‍यावु केसारला ठा ज्‍याङयेला, मीक्‍याला काक्‍कीन धाङ खोराङला ग्‍यावु मास्‍यीका हीन ॱनागीनगो, हीकी थोजुङ।”

लुका 23:2 Iomraidhean Croise

मेथा 17:27

घीहीन्‍ना, खुङक्‍याला फोक्‍तु ॱमीच्‍युक्‍येला, ख्‍यो़ छोला सोरी च्‍याकग्‍यु च्‍यीक क्षु नाङला ॱयुक। धेनी एन्‍ला थो़न्‍गीन ङ्यागो लेन। होदेगी खा पेरी, ॱङुगी टाङगा च्‍यीक ॱङेगीलाक। होदे खेरती, होराङ ॱङीउगी ठागी क्षीला खुङक्‍याला ज्‍योङ।”

मेथा 22:21

खुङक्‍याई ॱनेवालाक, “केसारगी दुक।” धेनी खोङबागी खुङक्‍याला सुवालाक, “देरे हीन्‍ना केसारगी हीन्‍गीनगो केसारला तेर धेनी को़न्‍क्षोकगी हीन्‍गीनगो को़न्‍क्षोकला पु।”

मेथा 27:11

धा येशु चीख्‍याप पीलातुगी डुङदु श्‍याङदु च्‍युक्‍ती, चीख्‍यापगी खोङला ढीवालाक, “ख्‍यो़ याहुदापाक्‍याई ग्‍यावु हीने?” येशुगी सुवालाक, “खेकीराङ सुजुङ।”

मारकु 12:17

धेनी येशुगी खुङक्‍याला सुवालाक, “केसारगी हीन्‍गीनगो केसारला तेर, धेनी को़न्‍क्षोकगी हीन्‍गीनगो को़न्‍क्षोकला पु।” धेनी दे लेन घोरती, खुङक्‍या ॱमीच्‍यीकी ॱहालेवालाक।

मारकु 15:2

पीलातुगी खोङबाला श्‍यी़वालाक, “ख्‍यो़ याहुदापा मीरीकगी ग्‍यावु हीने?” येशुगी सुवालाक, “खेराङ राङगी सुजुङ।”

लुका 23:14

खुङक्‍याला ॱनेवालाक, “मीक्‍याला खोक्‍पा ग्‍याङी ॱनेरी, खेक्‍याई दे मीला ङीचारु ठीक्‍ती होजुङ। धेनी खीकी दोङदुराङ ङी खोला ताक्‍चा झ्‍येरी, खीकी खी़ खाला काका क्‍यो़न्‍जुकक्‍याई क्‍यो़न घीया दे मीला थोङगी मीदुक।

लुका 23:5

हीना खुङक्‍याई उजुक झ्‍येरी ॱनेवालाक, “दे मी दी गालील ग्‍यारापने गो चुक्‍ती, दे थुक्‍पे युदेया घीरीला राङगी क्षो़ ॱलाप्‍ती मीक्‍याला टुक्‍ई।”

योहान्‍ना 18:29

होझ्‍येरी पीलातु खोराङ खुङक्‍याचारु फीला सोरी ॱनेवालाक, “खेक्‍या मी देला क्‍यो़न घी चुक्‍ये हो़तो?”

योहान्‍ना 18:30

खुङक्‍याई खोला ॱनेवालाक, “मी दे लेङेन झ्‍यीगीन मेन्‍ना, हीकी खोला खेराङ दोङदु ची ग्‍याप्‍येमेक।”

योहान्‍ना 19:12

दे घोरती पीलातुगी खोङबाला ॱलो़ ताङये थापस्‍यी झ्‍येवालाक। हीना याहुदापा पो़न्‍पोक्‍याई देरे ॱनेरी फेरा ग्‍याप्‍पालाक, “खेराङगी दे मी देला ॱलो़ ताङना, खेराङ केसारगी ढोक्‍पो मेन। राङला ग्‍यावु चीगीन घीरीगी, केसारला ङोग्‍येल झ्‍यीदालाक।”

जेपा 24:13

धेनी धान्‍दा ङी थोकला क्‍यो़न चुक्‍कीनगी पाङपोगोवाः, देक्‍याई तो़न थुक्‍कीमालाक।

जेपा 24:5

मी दे ॱमीच्‍यीकी ॱङ्योक्‍टा ॱलाङगीन धाङ जाम्‍बुलीङ घीरीदु हो़गीन, याहुदापाक्‍याई खोक्‍दु टुक्‍कीन लेगा झ्‍येरी, ग्‍युक्‍कीन हीकी ॱङेजुङ। धेनी खो नाजारी ॱनागीन क्षो़लुकगी गोठीगोवा दुक।

रोमापा 13:7

धेनी ज्‍याङ घोये हो़लेगोला ज्‍योङ। धा ठा ज्‍याङ घोये हो़ना ठा ज्‍योङ धेनी छोङठा ज्‍याङ घोये हो़ना छोङठा ज्‍योङ धेनी घुस्‍याप झ्‍यी घो़गीनला घुस्‍याप झ्‍यी धेनी ची घो़गीनला ची।