लुका 22:8 - ॱलोवा

⁸ होझ्‍येरी येशुगी पेटो धाङ योहान्‍नाला देरे सुरी झावालाक, “सोरी होराङगी क्षीला पेसाकगी धी़छेनगी शाग्‍यु डाढीक झ्‍यी।”

लुका 22:8 Iomraidhean Croise

मेथा 3:15

हीना येशुगी खोला लेन जेपालाक, “होराङक्‍या को़न्‍क्षोकगी थुकोङ घीरी डुप्‍तु च्‍युक्‍येला, धान्‍दा देरेराङ हुङदु च्‍युक।” धेनी खी़ देरेराङ झ्‍येवालाक।

लुका 1:6

खुङ ॱङीगारा को़न्‍क्षोकगी डुङदु ढाङपो हो़तालाक धेनी को़न्‍क्षोकगी का धाङ ठीम घीरी, नोवा क्षुक्‍वा मीझ्‍यीदा चीलालाक।

लुका 22:9

खुङ ङीउगी खोङबाला श्‍यी़वालाक, “हेक्‍या दे घारु डाढीक झ्‍यीये?”

जेपा 3:1

ङीमा च्‍यीक पेटो धाङ योहान्‍ना घोमो छुची सुबा चो़ला, क्षो़खाङदु सोवा ग्‍याप्‍तु डी़ हो़तालाक। दे सोवा ग्‍याप्‍कीनगी धी़चो़ लाक।

जेपा 3:11

पेटो धाङ योहान्‍नागी स्‍याबाला, होदे चो़गा झ्‍युजा मीगो डारी ग्‍युक्‍कीनगो थोरी, मी घीरी ॱहाङसारी सोलोमोन ॱनागीन, ॱयाक्‍कुरु भाङ तारी होवालाक।

जेपा 3:3

पेटो धाङ योहान्‍नाला क्षो़खाङदु डुगीनगो थोरी, खी़ खुङक्‍यालाः ॱलोङमो ॱलावालाक।

जेपा 4:13

धेनी छोक्‍पागी मीक्‍याई पेटो धाङ योहान्‍ना क्षो़ माढोक्‍टा धाङ मी ॱङ्यामच्‍युङा झ्‍युरीयाः, खुङ ॱङीउ ॱमीच्‍यीकी ॱङीङक्षे झ्‍यीगीनगो थोरी ॱहाङसावालाक। धेनी खुङक्‍याई दे ॱङीउ येशुमुला धेपालाक ॱनेरी ॱहाघोरपालाक।

जेपा 4:19

हीना पेटो धाङ योहान्‍नागी खुङक्‍याला लेन ॱलोक्‍पालाक, “हेक्‍या को़न्‍क्षोकगी खाला ङेन्‍ये याङना खेराङक्‍याई खाला ङेन्‍ये? को़न्‍क्षोकगी ॱमीक्‍वादु घारेगो ढाङा ले? खेराङक्‍याराङ थाक चेरो जे।

जेपा 8:14

येरुसालेमदु हो़गीन कुछापक्‍याई सामारीया मीक्‍याई, को़न्‍क्षोकगी का खेलेन्‍दुक ॱनेरी ॱहाघोरती, पेटो धाङ योहान्‍नाला खुङक्‍याचारु झावालाक।

गालातीयापा 2:9

धेनी क्षो़छोकगी कावा चीगीन, याकोब धाङ पेटो धाङ योहान्‍नागी को़न्‍क्षोकगी ङाला ॱनाङगीन क्षाक्‍लेगो ॱहाघोरती, ङा धाङ बारनाबाला खुङक्‍याई लेरोक झ्‍यीयेला खेलेन्‍जुङ। धेनी हेक्‍या याहुदापा मेन्‍गीन मीरीकक्‍या चारु धाङ खुङक्‍या याहुदापाक्‍या खोक्‍दु डोये थाक चो़पालाक।