लुका 22:70 - ॱलोवा

⁷⁰ धेनी खुङ घीरीगी ॱनेवालाक, “देरे हीन्‍ना, ख्‍यो़ को़न्‍क्षोकगी से ले?” खोङबागी खुङक्‍याला सुवालाक, “ङा हीन्‍गीनगो खेक्‍याराङ ॱनालाक।”

लुका 22:70 Iomraidhean Croise

मेथा 26:25

डागी लाकला ची ग्‍याप्‍ये झ्‍यीगीन युदागी श्‍यी़वालाक, “राब्‍बी, होदेगो ङा ले?” धेनी येशुगी खोला सुवालाक, “ख्‍यी़राङ ॱनेजुङ।”

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

मेथा 27:11

धा येशु चीख्‍याप पीलातुगी डुङदु श्‍याङदु च्‍युक्‍ती, चीख्‍यापगी खोङला ढीवालाक, “ख्‍यो़ याहुदापाक्‍याई ग्‍यावु हीने?” येशुगी सुवालाक, “खेकीराङ सुजुङ।”

मेथा 27:43

खी़ को़न्‍क्षोकला ॱलोते झ्‍येरी, ‘ङा नी को़न्‍क्षोकगी से हीन।’ ॱनेरी ॱनालाक। धा को़न्‍क्षोकगी थुक ॱङेना, धान्‍दा खोला थारपा जेदास्‍योक।”

मेथा 27:54

धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

मेथा 3:17

धेनी नाम्‍खाने सुङकेक च्‍यीकगी, “दे ङी चेवे से हीन। ङा खी़मुला ॱमीच्‍यीकी ङ्यामो घा हो़क।” सुरी सुवालाक।

मेथा 4:3

धेनी छो़ता लेन्‍गीनगो होरी, खोङबाला ॱनेवालाक, “खेराङ को़न्‍क्षोकगी से हीन्‍ना, दे धोगोङक्‍या ग्‍याङगाला ग्‍युरयेगी का ॱनाङाजे।”

मारकु 14:62

येशुगी सुवालाक, “ङा हीन। धेनी खेक्‍याई मी-भु कुवाङगी क्षाक ॱयेरु श्‍युकश्‍या, धाङ नाम्‍खाने ॱरीङक्‍यामुला भाप्‍कीनगो थोङगीलाक।”

मारकु 15:2

पीलातुगी खोङबाला श्‍यी़वालाक, “ख्‍यो़ याहुदापा मीरीकगी ग्‍यावु हीने?” येशुगी सुवालाक, “खेराङ राङगी सुजुङ।”

लुका 22:71

धेनी खुङक्‍याई ॱनेवालाक, “धा, होराङला पाङपो श्‍येम्‍मा घी घोये दुओ? खी़ खानेराङ होरी दे घोरजुङ।”

लुका 23:3

होझ्‍येरी पीलातुगी खोङबाला ढीवालाक, “ख्‍यो़ याहुदापाक्‍याई ग्‍यावुगो हीने?” धेनी येशुगी सुवालाक, “खेराङ राङगी देरे सुङालाक।”

लुका 4:41

मी माङक्षेने ॱनो़पाक्‍या देरे फेरा ग्‍याप्‍ती थो़न्‍बालाक, “खेराङ को़न्‍क्षोकगी से लाक।” हीना येशुगी होदे ॱनो़पाक्‍याला काको़न जेदी, लाब ताङदु ॱमाच्‍युक्‍पालाक घीझ्‍येरी ॱनाना खोङबा मास्‍यीकागो लाक ॱनेरी खुङक्‍याला स्‍येये हो़तालाक।

योहान्‍ना 1:34

धेनी ङी होदे ज्‍याजुङ धेनी खोङबाराङ को़न्‍क्षोकगी से लाक ॱनेरी ङा पाङपो झ्‍यीदाहीन।”

योहान्‍ना 1:49

नाथानेलगी ॱनेवालाक, “राब्‍बी, खेराङ को़न्‍क्षोकगी सेगो लाक। खेराङ ईस्‍राएलगी ग्‍यावुगो लाक।”

योहान्‍ना 10:30

ङा धाङ याप नी च्‍यीक हीन।”

योहान्‍ना 10:36

को़न्‍क्षोकगी धाम्‍पा जेदी जीक्‍तेनदु ॱङाक्‍ङा ङी, ‘ङा को़न्‍क्षोकगी से हीन।’ ॱनागीनगोला, खेक्‍या ङाला को़न्‍क्षोकला कुरवा धेबी, ॱनेरी घीझ्‍येरी क्‍यो़न चुक्‍वाले?

योहान्‍ना 18:37

पीलातुगी खोङबाला श्‍यी़वालाक, “धा हाना, ख्‍यो़ ग्‍यावु च्‍यीक ले?” येशुगी सुवालाक, “खेराङ राङगी ङा ग्‍यावु च्‍यीक लाक ॱनेरी सुजुङ। ङा धेन्‍पागी़ पाङपो झ्‍यीयेगी क्षीला केवालाक धेनी देगी क्षीलाराङ, ङा जीक्‍तेनदु होवाहीन। धेन्‍पागी हीन्‍गीनक्‍याई ङी काला ङेन्‍दालाक।”

योहान्‍ना 19:7

याहुदापाक्‍याई खोला लेन ग्‍याप्‍पालाक, “हेला क्षो़ठीम च्‍यीक हो़तालाक धेनी क्षो़ठीम देला ताना, खो स्‍यीघोगुलाक घीझ्‍येरी ॱनाना खी़ खोराङला को़न्‍क्षोकगी से हीन ॱनालाक।”