5 धेनी खुङक्या ङ्यामो घेरी, खोला ॱङु तेरयेगी ॱना क्यावालाक।
खो क्षो़पो़न क्षेक्या धाङ क्षो़खाङ ॱरुङगीनक्याई ॱमाक्पो़नचारु सोरी, येशुला खुङक्याई लागाला घाङगी झ्येरी ची ग्याप्ये ॱनेरी ढो़ झ्येवालाक।
धेनी खो खा क्षाम्दी मीछोक मेती घाङला, खोङबाला खुङक्याई लागाला ची ग्याप्येगी घोकाप चावालाक।
युदागी लेगा ङेन्पाने साक्सा, आलेगी श्यीङ च्यीक ङ्यो़वालाक। होदे श्यीङला, खी़ गोवागो एन्ला ल्हीम्दी स्यीवालाक धेनी खी़ फोवागो धोरी नाङगी ग्युमा घीरी थोरपालाक।
हीना पेटोगी खोला ॱनेवालाक, “ख्यी़ को़न्क्षोकगी ॱनाङज्यीनगो आलेगी ङ्यो़री थोप्टु ॱनेरी साम्दी, ख्यो़ धाङ ख्यी़ आले मेताला डोवास्योक।
खुङक्याई ढाङतेनगी लाम पारी, लाम नोरती बेओरगी भीजा बालामगी स्याबाला डाङ हो़तालाक। खो नी मेढाङा झ्येरी, थोप्कीन ॱलाज्याला घालालाक।
धेनी खुङक्याई ॱहाम्बा झ्येरी, खेक्याला शोक्पो तामक्या चोम्दी गोकोर ताङगीलाक। खुङक्याला फोक्ये हीन्गीन ठीमगो, एम्माने थाक्चो़सा हो़तालाक धेनी खुङक्याला मेताला ताङगीनगो, ॱङीला ॱमास्योर हो़तालाक।
देक्या ॱङ्यावाली! घीझ्येरी ॱनाना खुङक्या कायीनगी लामला डाङालाक धेनी ग्युनोर थोप्ये क्षीला, बालामगी नोन्डुला छी़दालाक। धेनी कोरागी ङोलोकला च्योक्रे, मेताला डुगीलाक।
