लुका 22:43 - ॱलोवा

⁴³ धेनी नाम्‍खे श्‍यीङखामने नाम्‍खे भाङछेन च्‍यीक फेप्‍ती, खोङबाला स्‍युक ॱनावालाक।

लुका 22:43 Iomraidhean Croise

मेथा 26:53

ख्‍यी़ साम्‍बाला ङा ङी यापला श्‍यी़ ॱमीथुक्‍वालाक सामी? धेनी ङी श्‍यी़ना खोङगी ङाला नाम्‍खे भाङछेनगी ॱमाक्‍पुङ च्‍युङङीने, ल्‍हाक ताङ ॱमीथुक्‍कीले?

मेथा 4:11

धेनी धी़कगो खोङबागी डुङने सोवालाक धेनी चोवोगी भाङछेनक्‍या फेप्‍ती, खोङबागी श्‍याप्‍ची श्‍यी़वालाक।

मेथा 4:6

खोङबाला ॱनेवालाक, “खेराङ को़न्‍क्षोकगी से हीन्‍ना, देने माला क्षोङवा जे घीझ्‍येरी ॱनाना देरे ढीक हो़तालाक, ‘खोङबागी खेराङगी क्षीला, खोङबाराङगी भाङछेनक्‍याला का ॱनाङगीलाक, धेनी खेराङगी श्‍याप धोगोङ खाला ॱमेफोक्‍येला, खुङक्‍याई लाक्‍पागी खेराङला खुरा जेगीलाक।’”

लुका 22:32

हीना ख्‍यी़ धेपा मायेवास्‍योक ॱनेरी, ङी ख्‍यी़ क्षीला सोवा ताप्‍पी। धेनी ख्‍यी़ सेम ग्‍युरसारती ख्‍यो़री पी़नक्‍याला तेन्‍पो शो़।”

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 18:23

ङीमा आरुङ माङा होदुरु धेसारती, खो गालातीया धाङ फारुगीया लुङबागी साजाक्‍या झ्‍युरी सोवालाक। धेनी होदे साजाक्‍याला हो़गीन धेपा-झ्‍यीगीनक्‍या, धेपाला स्‍युक्‍क्षेरु तारी सोवालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

ईब्‍रीपा 1:14

होदे नाम्‍खे भाङछेन घीरी थारपा थोप्‍ये हीन्‍गीनक्‍याई क्षीदु, श्‍याप्‍ची श्‍युयेला ॱङाक्‍ङा सेम्‍ङीक्‍या मालाक से?

ईब्‍रीपा 1:6

धेनी राङगी एम्‍मा क्‍येक्‍या भुगोला जीक्‍तेनदु ॱङाक जेदाराङ, खोङगी याङ सुङालाक, “को़न्‍क्षोकगी भाङछेन हो़लेगी खोङला क्षाक छाघो़।”

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।