लुका 22:42 - ॱलोवा

⁴² “ङी याप खेराङगी थुकोङ हो़ना, दे दुक्‍पुगी फोरा दे ङाने ॱहाला ॱनुमा जे। हीना ङी दो़पा मेन्‍दा खेराङगी थुकोङ डुपास्‍योक।”

लुका 22:42 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 11:26

लाक याप, खेराङगी थुकोङ देरेलाराङ ग्‍येवालाक।

मेथा 20:22

धेनी येशुगी सुवालाक, “ख्‍यी़ श्‍युगीनगी दो़नगो ख्‍यो़ ॱमेस्‍येलालाक। ङी थुङ घो़गीन दुक्‍पुगी फोराने खेक्‍या थुङ थोवाई?” धेनी खुङक्‍याई “थुङ थुक्‍येहो़क” ॱनेरी ॱनेवालाक।

मेथा 26:39

धेनी ॱहाला फेप्‍ती, खोङबा क्षाक क्षारी सोवा दे धेप्‍पालाक, “ङी याप, देरे झ्‍युङ थुक्‍ये हो़ना, दे दुक्‍ङेलगी फोरा ङाने ॱहाला लेन्‍दा जे। हीना ङी दो़पा मेन्‍दा, खेराङगी थुकोङ डुपास्‍योक।”

मेथा 26:42

धेनी याङ थेङमा ॱङीवागोला खोङबा फेप्‍ती, सोवा दे धेप्‍पालाक, “ङी याप, दुक्‍ङेलगी फोरा दे, ङी ॱमाथुङगीन थुक्‍पे झ्‍युङये मेना, खेराङगी थुकोङ डुप्‍पास्‍योक।”

मेथा 26:44

होझ्‍येरी खुङक्‍याला भोरती, खोङबा फेप्‍ती थेङमा सुम्‍बागोला होदे छीकक्‍याराङ सुरी सोवा धेप्‍पालाक।

मेथा 6:10

खेराङगी ग्‍यासी हुङवास्‍योक, खेराङगी थुकोङ नाम्‍खे श्‍यीङखामला डुप्‍कीन च्‍योक्‍रे, सालाः डुप्‍पास्‍योक।

मारकु 14:36

खोङबागी सुवालाक, “याप पाला, खेराङगी घीरी जे थुप्‍कीलाक। दुक्‍पुगी फोरा दे ङाने ॱहाला खेरा जेरोनाङ। हीना ङी दो़पा च्‍योक्‍रे मेन्‍दा, खेराङगी दो़पा च्‍योक्‍रे हुङास्‍योक।”

लुका 23:34

धेनी येशुगी सुवालाक, “ङी याप, देक्‍याला घोङपा ॱनाङरो ॱनाङ घीझ्‍येरी ॱनाना देक्‍याई घी झ्‍यीगीनगो देक्‍या ॱमेस्‍येलालाक।” धेनी ॱमाक्‍मीक्‍याई येशुगी घोलाकगो गेन ग्‍याप्‍ती, खोराङक्‍या नाङदु घो़वालाक।

योहान्‍ना 18:11

येशुगी पेटोला सुवालाक, “राङगी राल्‍डी दे स्‍युब नाङला च्‍युक। यापगी ङाला ॱनाङना फोराने ङा ॱमीथुङये?”

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

योहान्‍ना 5:30

“ङा ङाराङगी घीया झ्‍यी ॱमीथुक्‍हो़क। ङी घी घोरी, ङा होदे च्‍योक्‍रेराङ ठीम चेदीहो़क धेनी ङी ठीम ढाङा हो़क। घीझ्‍येरी ॱनाना ङा ङाराङगी दो़पा चाला मेन्‍दा, ङाला ॱङाक्‍कीनगी थुकोङ चालीहो़क।

योहान्‍ना 6:38

घीझ्‍येरी ॱनाना ङा नाम्‍खे श्‍यीङखामने ङाराङगी दो़पा डुप्‍तु मेन्‍दा, ङाला ॱङाक्‍कीनगी थुकोङ डुप्‍येगी क्षीला होवाहीन।

जेपा 21:14

धेनी पाउलुला काक ॱमाथुक्‍ती हेक्‍याई खोला “चोवोगी थुकोङ डुपास्‍योक” ॱनेरी खाबा धेबी।