लुका 22:37 - ॱलोवा

³⁷ घीझ्‍येरी ॱनाना ङा खेक्‍याला ॱनाहीन, क्षो़ठीमला ‘खो झ्‍याक्‍पाक्‍याई मुला चीवालाक।’ ॱनेरी ढीक्‍टागो ङाला डुप घोगुलाक। धेनी धेन्‍पाराङ ङी कोरला ढीक्‍टाक्‍या डुपालाक।”

लुका 22:37 Iomraidhean Croise

मारकु 15:27

खुङक्‍याई खोङबामुला झ्‍याक्‍पा ॱङी, च्‍यीकला खोङबागी ये स्‍योक धाङ च्‍यीकला ॱयो़नला क्‍याङबालाक।

मारकु 15:28

[क्षो़ठीमगी का देरे झ्‍येरी डुप्‍पालाक, “खोङबा नी, झ्‍याक्‍पाक्‍यामुला चीवालाक।”]

लुका 18:31

येशुगी खोरी ङेने च्‍युङङीला ठीक्‍ती सुवालाक, “तो़दाङ, होराङक्‍या येरुसालेम स्‍योकला डोयेलाक धेनी मी-भुगी कोरला ॱङो़नस्‍येखेनक्‍याई ढीक्‍टा घीरी डुप्‍कीलाक।

लुका 22:22

घीझ्‍येरी ॱनाना थाक चेचागोला चीरी मी-भु डुगीलाक हीना खोला डाक्‍याई लागाला ची ग्‍याप्‍कीन मीगो ॱङ्यावाली।”

लुका 22:36

खोङबागी सुवालाक, “हीना देने ॱहाला, ख्‍यो़री खुमाक धाङ रेखुग खेर धेनी ख्‍यो़ला राल्‍डी मेना, ख्‍यो़री शेनगो चोरी राल्‍डी च्‍यीक ङ्यो़।

लुका 22:52

धेनी खोङबाला शीम्‍दु हुङगीन क्षो़पो़न क्षेक्‍या धाङ क्षो़खाङ ॱरुङगीनक्‍याई ॱमाक्‍पो़न धाङ श्‍येम्‍मा गोठीक्‍याला खोङबागी सुवालाक, “खेक्‍या झ्‍याक्‍पा च्‍यीक शीम्‍दु हुङगीन च्‍योक्‍रे, ग्‍युक्‍पा धाङ राल्‍डी खेरती हुङाले?

लुका 23:32

धेनी खुङक्‍याई श्‍येम्‍मा झ्‍याक्‍पा ॱङीला, खोङबामुला सेयेला ठीक्‍ती सोवालाक।

लुका 24:27

धेनी मोशे धाङ ॱङो़नस्‍येखेन घीरीने गो चुक्‍ती, सुङराप घीरी नाङने, खोङबागी कोरला सुङगीन घीरीगी दो़न्‍दाक, खुङक्‍याला खोङबागी टो जेपालाक।

योहान्‍ना 10:35

सुङरापला हो़गीनगो नी, च्‍योई धेन्‍पा हीन। को़न्‍क्षोकगी का थोप्‍था मीक्‍याला, ल्‍हा ॱनेरी को़न्‍क्षोकगी सुङ हो़ना,

योहान्‍ना 17:4

खेराङगी ङाला ॱङाक्‍कीन लेगागो ङी डुप्‍ती, ङी जीक्‍तेनदु खेराङगी शीजे ॱङो़न्‍दु च्‍युकहो़क।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

गालातीयापा 3:13

मास्‍यीकागी होरी छापला छेपा झ्‍युरी, होराङला क्षो़ठीमगी छेपाने ॱली़वालाक, घीझ्‍येरी ॱनाना “स्‍यीङ खाला क्‍याङगीन घीरी छेपा फोक्‍पालाक।” ॱनेरी ढीक हो़तालाक।