लुका 22:30 - ॱलोवा

³⁰ धेनी खेक्‍या ङी ग्‍यासीदु ङीमुला शा-थुङ झ्‍यीगीलाक धेनी श्‍युक्‍ठीक्‍याला धेदी ईस्‍राएलगी ग्‍युपा च्‍युङङीगी खाला ठीम झ्‍यीगीलाक।”

लुका 22:30 Iomraidhean Croise

मेथा 19:28

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, घीरी साबा को़ली घाङला, मी-भु राङगी शीजेगी श्‍युक्‍ठीला श्‍युई घाङला, खेक्‍या ङी स्‍याबाला डागीनक्‍या श्‍युक्‍ठी च्‍युङङी खाला धेती, ईस्‍राएलगी छोखाक च्‍युङङी खाला ठीम चेगीलाक।

मेथा 5:3

“सेमला उटे हो़गीनक्‍या घीन्‍गी झ्‍यीलाप क्षे ले, घीझ्‍येरी ॱनाना नाम्‍खे ग्‍यासी खुङक्‍याई लाक।

मेथा 8:11

ङा खेक्‍याला ॱनाहीन, स्‍यार धाङ नुप स्‍योकने मी माङा होरी, आब्‍राहाम धाङ ईसाक धाङ याकोबमुला नाम्‍खे ग्‍यासीदु श्‍युक्‍टाला धेगीलाक।

लुका 12:37

धेनी दाक्‍पोगो नाङला लोक्‍ती हुङी घाङला ॱयोक्‍पोक्‍या, ॱङी मालोक्‍वा धेगीन थुक्‍ना होदे ॱयोक्‍पोक्‍या झ्‍यीलाप क्षे लाक। ङा ॱङोन्‍ने खेक्‍याला ॱनाहीन, होदे दाक्‍पोगी़ राङगी केराक रेरी, ॱयोक्‍पोक्‍याला शामा शायेला धेदु च्‍युक्‍ती खुङक्‍याई श्‍याप्‍ची श्‍युगीलाक।

लुका 14:15

धा येशुमुला श्‍यालाकला धेगीनक्‍याने मी च्‍यीकगी, दे लाबक्‍या घोरती खोङबाला श्‍यी़वालाक, “को़न्‍क्षोकगी ग्‍यासी नाङदु, शामा शाये हीन्‍गीन घीरी झ्‍यीलाप क्षे।”

२ तीमोथेउ 2:12

होराङ तेन्‍पो ॱनेती धेना, खोङबा मुलाराङ ग्‍यासीगी वाङ झ्‍यीगीलाक। होरी खोङबाला ग्‍याप ॱलोक्‍ना, खोङबागीया होराङला ग्‍याप ॱलोक्‍वा जेगीलाक।

याकोब 1:1

को़न्‍क्षोक धाङ चोवो येशु मास्‍यीकागी ढेन्‍योक याकोबने, जीक्‍तेनदु थोरती धेता याहुदापा ग्‍युपा च्‍युङङीक्‍याने, मास्‍यीकाला धेपा झ्‍यीगीनक्‍याला छाम्‍डी श्‍युवाहीन।

ॱङो़न्‍पा 19:9

धेनी होदे नाम्‍खे भाङछेनगी ङाला सुजुङ, “दे ढीक। लुक्‍टुगी ॱनामा लेन्‍जारु डो़नला भो़पाक्‍या झ्‍यीलाप क्षे लाक।” धेनी याङ खोङबागी ङाला सुजुङ, “देक्‍या नी को़न्‍क्षोकगी सुङला धेन्‍पाक्‍या लाक।”

ॱङो़न्‍पा 3:21

धेनी सु ग्‍याली, होदेगोला ङाराङाः ग्‍यारी ङी यापगी श्‍युक्‍ठीला धेगीन च्‍योक्‍रे, होदेला ङी श्‍युक्‍ठीरु ङीमुला धेयेगी आङजा तेरयेहीन।

ॱङो़न्‍पा 4:4

होदे श्‍युक्‍ठीगी थाकोरला श्‍युक्‍ठी ङीस्‍यु चापश्‍यी दुक। धेनी उला सेरगी चो़पेन धाङ घो़ काउ घो़न्‍गा, ॱलोपो़न ङीस्‍यु चापश्‍यी होदे श्‍युक्‍ठीक्‍याखाला श्‍युक्‍कीनगो ङी ज्‍याजुङ।