लुका 22:26 - ॱलोवा

²⁶ हीना खेक्‍यागो दे च्‍योक्‍रे माझ्‍यी। खेक्‍याने क्षेस्‍योक हीन्‍गीनगो च्‍युङस्‍योक च्‍योक्‍रे झ्‍युङघो़ धेनी पो़न्‍पोगो ॱयोक्‍पो च्‍योक्‍रे झ्‍युङघो़।

लुका 22:26 Iomraidhean Croise

मेथा 20:26

खेक्‍या घुङदु देरे झ्‍युङगीमालाक। हीना खेक्‍याने क्षे झ्‍युङङी दो़गीनगो, घीरीगी ॱयोक्‍पो झ्‍युङ घो़गुलाक।

मारकु 10:43

हीना खेक्‍या खोक्‍दु देरे झ्‍युङगीमालाक। खेक्‍याने क्षे हुङी दो़गीनगो, खेक्‍याई ॱयोक्‍पो झ्‍युङ घो़गुलाक।

मारकु 9:35

धेनी खोङबा श्‍युक्‍ती, ङेने चुङङीला भो़री खुङक्‍याला सुवालाक, “एन्‍योक झ्‍युङी दो़गीनगो, घीरीने स्‍याम्‍योक झ्‍युङ घो़गीलाक धेनी घीरीगी ॱयोक्‍पो ग्‍युक घो़गीलाक।”

लुका 9:48

धेनी ङेनेक्‍याला सुवालाक, “ङी मीङने दे टुला खे लेन्‍गीनगी़ ङाला खे लेन्‍गीलाक धेनी ङाला खे लेन्‍गीनगी़ ङाला झाङगीनला खे लेन्‍गीलाक। घीझ्‍येरी ॱनाना खेक्‍या घीरीने च्‍युङस्‍योकगो क्षेस्‍योक लाक।”

रोमापा 12:2

धेनी दे जीक्‍तेनगी लुक्‍सो़ला माडे, हीना को़न्‍क्षोकला ख्‍यो़री सेम्‍बा ग्‍युरा जेदी, ख्‍यो़ला मी साबा च्‍यीक जेदु च्‍युक। धेनी को़न्‍क्षोकगी थुकोङ नी, शाङपो धाङ थुक्‍ङेउ धाङ फी़न्‍सुम छोक्‍पा हीन्‍गीनगो, खेक्‍याई स्‍येगीलाक।

१ पेटो 5:3

खेक्‍याई लेगेनला हो़गीनक्‍या खाला आङजा झ्‍येरी मेन्‍दा, हीना लुकख्‍युक्‍याई क्षीला पे झ्‍युरी छोक्‍योङ झ्‍यी।

१ पेटो 5:5

दुक झ्‍येरीराङ, श्‍यो़न्‍पाक्‍याओ, गेम्‍पाक्‍याई होकला धो़क। खेक्‍या घीरी ॱङ्यामच्‍युङगी थोक्‍ने, च्‍यीकगी च्‍यीकला श्‍याप्‍ची श्‍यी़ घीझ्‍येरी ॱनाना, “को़न्‍क्षोकगी ङागेल क्षेक्‍याला ङोलोक जेदालाक, हीना ॱङ्यामच्‍युङक्‍याला थुक्‍जे जेदालाक।”