लुका 22:22 - ॱलोवा

²² घीझ्‍येरी ॱनाना थाक चेचागोला चीरी मी-भु डुगीलाक हीना खोला डाक्‍याई लागाला ची ग्‍याप्‍कीन मीगो ॱङ्यावाली।”

लुका 22:22 Iomraidhean Croise

मेथा 26:24

मी-भुला खी़ कोरला ढीक हो़गीन दे च्‍योक्‍रे, झ्‍युङघोगुलाक हीना मी-भुला डागी लाकला ची ग्‍याप्‍कीनगो ॱङ्याली। मी दे जीक्‍तेनदु केवाले ॱमाके हो़ना, घा हुङयेहो़क।”

मेथा 27:5

धेनी होदे ॱङुगी टाङगाक्‍या को़न्‍क्षोकगी क्षो़खाङ नाङदु ॱयुक्‍ती, खो होदेने सोवालाक धेनी राङगी मीक्‍पा धाम्‍दी स्‍यीवालाक।

मारकु 14:21

घीझ्‍येरी ॱनाना मी-भुला, खी़ कोरला ढीक्‍टा च्‍योक्‍रे झ्‍युङ घो़गीलाक हीना खोला डागी लाक्‍पाला ची ग्‍याप्‍कीन, मी देला घीन्‍गी दुक्‍पु झ्‍युङगीलाक। खो नामा ॱमाके हो़ना ॱमीच्‍यीकी घा झ्‍युङयेहो़क।”

लुका 22:23

धेनी खोराङक्‍याने सी़ देरे लेगा झ्‍यीये हीन्‍ढी़ ॱनेरी, ङेनेक्‍याई च्‍यीकगी च्‍यीकला ढीवालाक।

लुका 24:46

खोङबागी खुङक्‍याला सुवालाक, “देरे ढीक हो़तालाक, मास्‍यीकागी दुक्‍पु ङ्याङ घो़गीलाक धेनी श्‍याक्‍मो सुम्‍बागोला छीवाने सो़न्‍पो श्‍याङगीलाक।

योहान्‍ना 17:12

ङा खुङक्‍यामुला हो़ती घाङला, खेराङगी ॱनाङना छेनगी वाङ थोक्‍ने ङी खुङक्‍याला ॱरुरी क्‍योप हो़क। सुङरापला सुङगीनगो डुप्‍येगी क्षीला, तोरये हीन्‍गीन मीगो माना खुङक्‍याने च्‍यीया ॱमातोर हो़तालाक।

जेपा 10:42

धेनी मीक्‍याला ॱलोप्‍तो़न तेरये धाङ खोङबाराङ को़न्‍क्षोकगी दाम्‍दा, सो़न्‍पो धाङ स्‍यीम्‍बुगी ठीम्‍पो़न लाक, ॱनागीन पाङपो तो़न ॱनेरी खोङबागी हेक्‍याला का ॱनाजुङ।

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

जेपा 2:23

को़न्‍क्षोकगी राङगी ढो़ धाङ ॱङो़नस्‍ये च्‍योक्‍रे, येशुला खेराङक्‍याई लागाला ॱनावालाक धेनी खेराङक्‍याई खोङबाला ग्‍याङस्‍यीङदु सेयेला, मी ङेन्‍पाक्‍याई लागाला ची ग्‍याप्‍पालाक।

१ पेटो 1:11

खुङक्‍याई सेम नाङदु श्‍युक्‍कीन मास्‍यीकागी थुक्‍ङीगी, मास्‍यीकागी दुक्‍पुक्‍या धाङ दी स्‍याम्‍ला झ्‍युङगीन शीजेगी कोरला ॱङो़नस्‍ये जेदी घाङला, होदेगी धी़ धाङ ॱनेछुक्‍याई कोरला खुङक्‍याई चाजो़ झ्‍येवालाक।

२ पेटो 2:3

धेनी खुङक्‍याई ॱहाम्‍बा झ्‍येरी, खेक्‍याला शोक्‍पो तामक्‍या चोम्‍दी गोकोर ताङगीलाक। खुङक्‍याला फोक्‍ये हीन्‍गीन ठीमगो, एम्‍माने थाक्‍चो़सा हो़तालाक धेनी खुङक्‍याला मेताला ताङगीनगो, ॱङीला ॱमास्‍योर हो़तालाक।