लुका 22:19 - ॱलोवा

¹⁹ देने खोङबागी ग्‍याङगा च्‍यीक क्षाकला ॱनुम्‍दी, को़न्‍क्षोकला थुक्‍जेक्षे पुरी च्‍याक्‍पालाक धेनी खुङक्‍याला देरे सुरी ॱनावालाक, “दे खेक्‍याई दो़न्‍दु झ्‍यीम्‍बा ताता ङी ली़ लाक। ङाला ढेन्‍सो़ झ्‍यीयेला खेक्‍या देरे झ्‍यी।”

लुका 22:19 Iomraidhean Croise

मेथा 14:19

धेनी खोङबागी मीमाङक्‍याला चा खाला धेये का ॱनावालाक धेनी ग्‍याङगा ॱङा धाङ ङ्या ॱङीगो क्षाकला ॱनुम्‍दी, नाम्‍खा स्‍योकला शीक्‍ती को़न्‍क्षोकला काटीन्‍क्षे श्‍यी़वालाक। धेनी खोङबागी ग्‍याङगागो च्‍याक्‍ती, ङेनेक्‍याला ॱनावालाक धेनी ङेनेक्‍याई मीछोकक्‍याला तेरपालाक।

मेथा 15:36

खोङबागी ग्‍याङगा धी़न धाङ ङ्यागो क्षाकला ॱनुमा जेदी, को़न्‍क्षोकला काटीन क्षे श्‍यी़वालाक। धेनी होदेक्‍या च्‍याक्‍ती, ङेनेक्‍याला ॱनावालाक धेनी ङेनेक्‍याई मीछोकक्‍याला तेरपालाक।

लुका 22:17

धेनी खोङबागी श्‍यागा क्षाकला ॱनुम्‍दी को़न्‍क्षोकला थुक्‍जेक्षे पुरी सुवालाक, “दे लेन, धेनी खेराङक्‍या नाङदु घो़।

लुका 22:20

होझ्‍येरीराङ श्‍येलाक शेछारती, खोङबागी श्‍यागा ॱनुम्‍दी सुवालाक, “दे फोरा दे खीकी दो़न्‍दु ॱलुक्‍ला, ङी ठाकगी गोने धाम्‍चा साबागो लाक।

लुका 24:30

धेनी खोङबा खुङ ङीउमुला श्‍येलाकला श्‍युई घाङला, खोङबागी ग्‍याङगा च्‍यीक क्षाकला ॱनुम्‍दी झ्‍यीलाप जेपालाक धेनी च्‍याक्‍ती खुङ ॱङीउला ॱनाङवालाक।

योहान्‍ना 6:23

धेनी चोवोगी थुक्‍जेक्षे श्‍यी़री, खुङक्‍याई ग्‍याङगा शागीन साजागी डामदु, तीबेरीयासने डु श्‍येम्‍माक्‍या होवालाक।

योहान्‍ना 6:51

ङा नी नाम्‍खे श्‍यीङखामने भाप्‍पा छेगी ग्‍याङगा हीन। धेनी ग्‍याङगा देने शागीनगो धी़ तेन्‍दु सो़न्‍पो ॱनेगीलाक। धेनी जीक्‍तेनगी छेगी क्षीला ङी तेरये झ्‍यीगीन ग्‍याङगागो, ङी ली़गी स्‍या हीन।”

१ कोरीन्‍थुपा 10:16

धाम्‍पे सुरेगी फोरागी क्षीदु होराङ को़न्‍क्षोकला काटीन्‍क्षे श्‍यी़ली घाङला, होराङ मास्‍यीकागी कुठाकमुला थेला माले? धेनी होदे ग्‍याङगागो च्‍याई घाङला, होराङ मास्‍यीकागी कुली़ला थेला माले?

१ कोरीन्‍थुपा 10:4

धेनी घीरीगी सेम्‍ङीगी क्षु थुवालाक। घीझ्‍येरी ॱनाना खुङक्‍यामुला हो़गीन सेम्‍ङीगी फोङगीङगी, क्षु खुङक्‍याई थुवालाक धेनी फोङगीङ दे मास्‍यीका लाक।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

गालातीयापा 4:25

हागारगी आराब युगी सीना रीला तो़न्‍दालाक धेनी धान्‍दागी येरुसालेमला क्षा श्‍याक्‍ना ढीक्‍कीलाक घीझ्‍येरी ॱनाना मो मोरी टुवाक्‍यामुला क्षो़ठीमगी ढेन्‍योकला दुक।

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

१ थेसालोनीकेपा 5:18

ॱनेछु घारे हो़ना थुक्‍चीक्षे श्‍यी़ घीझ्‍येरी ॱनाना खेक्‍याई क्षीला येशु मास्‍यीकागी थोक्‍ने, को़न्‍क्षोकगी थुकोङ देराङ लाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।