लुका 21:8 - ॱलोवा

⁸ धेनी खोङबागी सुवालाक, “च्‍याङजे झ्‍यी, खेक्‍याला सी़या ॱमाली़वास्‍योक। घीझ्‍येरी ॱनाना मी माङागी ङी मीङ खेरती ‘ङा खोराङ हीन।’ ॱनेरी हुङगीलाक धेनी ‘धी़चो़ ङ्येरु ॱलेप्‍सादुक’ ॱनेरी ॱनागीलाक। खेक्‍या खुङक्‍याई स्‍याबाला माडाङ।

लुका 21:8 Iomraidhean Croise

मेथा 24:11

धेनी ॱङो़नस्‍येखेन शोक्‍पोक्‍या माङा थो़न्‍गीलाक धेनी मी माङाला ॱली़गीलाक।

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 4:17

“देने ॱहाला येशुगी, ‘नाम्‍खे ग्‍यासी ङ्ये ॱलेप्‍दुक होझ्‍येरी खेक्‍याई धीक्‍पा पारी सेम ग्‍युरवा तोङ।’ सुरी क्षो़ तो़न्‍ये गो चुक्‍पालाक।”

लुका 17:23

मीक्‍याई खेक्‍याला, ‘तो़दाङ, खोङबा दुरु दुक।’ याङना ‘हुरु दुक।’ ॱनेरी ॱनागीलाक। खेक्‍या फीला माडो धेनी खुङक्‍याई स्‍याम्‍ला माडाङ।

लुका 21:7

खुङक्‍याई खोङबाला श्‍यी़वालाक, “ॱलोपो़न ला, दे घीरी नाम झ्‍युङगीले? धेनी दे घीरी झ्‍युङयेगी एन्‍ला ताकगो घी हुङगीले?”

लुका 21:9

धेनी खेक्‍याई ॱमाक्‍ठुक धाङ शीङठुकगी लाबक्‍या घोरकीलाक। होदे घाङला जीक्‍टा माझ्‍यी। दे घीरी एन्‍ला झ्‍युङघोगीलाक हीना थागो लाम्‍साङ झ्‍युङगीमालाक।”

योहान्‍ना 5:43

ङा ङी यापगी छेनला तेन्‍दी होवाहीन हीना खेक्‍याई ङाला खेलेन्‍गीमीदुक। मी श्‍येम्‍मा च्‍यीक राङगी मीङला तेन्‍दी हो हो़ना, खेक्‍या खोला खेलेन्‍येहो़क।

योहान्‍ना 8:24

खेक्‍या खेरी धीक्‍पागी नाङदु स्‍यीगीलाक ॱनेरी, ङी खेक्‍याला ॱनेवी। धेनी खेक्‍याई ‘ङा खोङराङ हीन’ ॱनेरी धेपा मीझ्‍यीना, खेक्‍या राङगी धीक्‍पागी नाङदु स्‍यीगीलाक।”

योहान्‍ना 8:28

होझ्‍येरी येशुगी खुङक्‍याला सुवालाक, “खेक्‍याई मी-भुला याला ताक्‍यी घाङला, ‘ङा खोङराङ लाक’ ॱनेरी खेक्‍याई ॱहाघोरकीलाक। धेनी ङी राङङीला तेन्‍दी घीया माझ्‍येवा, हीना यापगी ॱलाप्‍कीन च्‍योक्‍रे स्‍येगीनगो खेक्‍याई ॱहाघोरकीलाक।

१ कोरीन्‍थुपा 6:9

याङना मेढाङाक्‍याला को़न्‍क्षोकगी ग्‍यासीगी थोप्‍ताङ ॱमेथोप्‍कीलाक ॱनेरी, खेक्‍या ॱमेस्‍येलाले? खेक्‍या गो ॱमाखोर घीझ्‍येरी ॱनाना दो़लोक चो़गीनक्‍या याङना ल्‍हाकुन्‍डाला क्षो़गीनक्‍या याङना लोक्‍येम्‍पाक्‍या याङना फोलोमोलो झ्‍यीगीनक्‍या याङना फोगी फोला चो़गीनक्‍या,

एफीसुपा 5:6

खेक्‍याला सी़या खुङ मेगीन लाबक्‍या तारी ॱमाली़वास्‍योक घीझ्‍येरी ॱनाना देरेक्‍याई झ्‍येरी, को़न्‍क्षोकगी थुक्‍ठो़ काला मेङेन्‍गीनक्‍याई खाला फोवालाक।

२ थेसालोनीकेपा 2:3

सी़ च्‍यीया खेक्‍याला घी थोक्‍ने, गो कोरतु ॱमाच्‍युक घीझ्‍येरी ॱनाना धाङपो ङोलोक झ्‍यीगीन धाङ ठीमने डागीन तोरक्‍यो़नगी, मी ॱमातो़न्‍गीन थुक्‍पे, होदे ङीमा दे हुङगीमालाक।

२ तीमोथेउ 3:13

हीना मी ङेन्‍पाक्‍या धाङ शोक झ्‍यीगीनक्‍या श्‍येम्‍माक्‍याला गोवा कोरती धेनी राङ गोकोरला छी़दी, दुक्‍तु दुक्‍तु डुगीलाक।

१ योहान्‍ना 4:1

ङी चेवेक्‍याओ, सेम्‍ङी हो़लेला धेपा माझ्‍यी हीना होदे सेम्‍ङीक्‍या को़न्‍क्षोकने हीन याङना मेन ॱनेरी, छो़ता झ्‍यी घीझ्‍येरी ॱनाना जीक्‍तेनदु ॱङो़नस्‍येखेन शोक्‍पो माङा थो़न्‍सादुक।

२ योहान्‍ना 1:7

घीझ्‍येरी ॱनाना येशु मास्‍यीका नी, कुली़ला फेप्‍कीनगो खेलेन मीझ्‍यीगीन, गोकोर ताङगीन माङा जीक्‍तेनदु थो़न्‍सादुक। देरे मी नी, गोकोर ताङगीन धाङ मास्‍यीकागी डा लाक।

ॱङो़न्‍पा 1:3

धा दे ॱङो़नस्‍येगी छीकक्‍या केक ग्‍याप्‍ती, ॱलोक्‍कीनक्‍या झ्‍यीलाप क्षे लाक। धेनी दी नाङला ढीक्‍टाक्‍या ङेन्‍दी, ॱरुङगीनक्‍या झ्‍यीलाप क्षे लाक। घीझ्‍येरी ॱनाना धी़चो़गो नी ङे ॱलेप्‍दुक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।