लुका 21:34 - ॱलोवा

³⁴ “हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

लुका 21:34 Iomraidhean Croise

मेथा 13:22

याङ छेम्‍मागी खोकला थोरथोवा साङागो, को़न्‍क्षोकगी कागो ङेन्‍दी हीना जीक्‍तेनगी दुङा धाङ ग्‍युनोरगी ॱली़टेगी का देला ॱनेम्‍दी, होदे ढेबु ॱमेक्षाक्‍कीन मी च्‍योक्‍रे लाक।

मारकु 13:9

“खेक्‍या चाङजे झ्‍येरी धो़क घीझ्‍येरी ॱनाना मीक्‍याई खेक्‍याला शीम्‍दी, ठीम्‍खाङक्‍याला ठीक्‍कीलाक धेनी छोक्‍खाङक्‍याला ठीक्‍ती दुङगीलाक। धेनी ङी क्षीला खुङक्‍याला पाङपो तो़न्‍येला, खेक्‍या पो़न्‍पोक्‍या धाङ ग्‍यावुक्‍या दोङदु लाङ घो़गीलाक।

मारकु 4:19

हीना जीक्‍तेनगी दुङा धाङ ग्‍युनोरला घागीन धाङ श्‍येम्‍मा ॱनाछोकगी दो़छाकगी झ्‍येरी, कागो छारतु ॱमीच्‍युक्‍कीलाक धेनी होदेने ढेबु ॱमेकेगीलाक।

लुका 10:41

हीना येशुगी मोला लेन जेपालाक, “मारथा, मारथा! ख्‍यो़ लेगा माङागी कोरला सेम्‍डा धाङ खोङडो झ्‍यीदी।

लुका 12:40

खेक्‍याः डाढीक झ्‍येरी धो़क घीझ्‍येरी ॱनाना खेक्‍याई ॱमासाम्‍गीन धी़चो़ला मी-भु फेप्‍कीलाक।”

लुका 17:3

होझ्‍येरी खेक्‍या च्‍याङजे झ्‍यी। ख्‍यी़ नोगी धीक्‍पा झ्‍यीना, खोला आङजी तोङ धेनी खी़ धीक्‍पा पारी सेम ग्‍युरना, खोला घोयाङ तेर।

लुका 21:35

घीझ्‍येरी ॱनाना होदे ङीमा दे जाम्‍बुलीङ खाला ॱनेगीन घीरीला भाप्‍कीलाक।

लुका 21:8

धेनी खोङबागी सुवालाक, “च्‍याङजे झ्‍यी, खेक्‍याला सी़या ॱमाली़वास्‍योक। घीझ्‍येरी ॱनाना मी माङागी ङी मीङ खेरती ‘ङा खोराङ हीन।’ ॱनेरी हुङगीलाक धेनी ‘धी़चो़ ङ्येरु ॱलेप्‍सादुक’ ॱनेरी ॱनागीलाक। खेक्‍या खुङक्‍याई स्‍याबाला माडाङ।

लुका 8:14

छेम्‍मागी साङला थोरकीनगोक्‍या, काला ङेन्‍येगो ङेन्‍दी हीना मीछेगी दुङा धाङ ग्‍युनोर धाङ दो़पा ॱनाछोकगी खुङक्‍याला ॱनेमालाक धेनी देक्‍याई ढेबु के ॱमीथुक्‍वालाक।

१ कोरीन्‍थुपा 5:11

हीना राङला मास्‍यीकावा पी़न हीन ॱनेरी ॱनागीन, हीना लोक्‍येम धाङ ॱहाम्‍बा धाङ कुन्‍डाला क्षो़ये धाङ ॱमेबेप ताङये धाङ रा शीये धाङ ॱली़गीन लेगा झ्‍यीगीनक्‍यामुला ढेवा माझ्‍यी ॱनेरी, ङा धान्‍दा खेक्‍याला ढीयाहीन। देरे मीक्‍यामुला शामाः मुला माशा।

१ कोरीन्‍थुपा 6:10

याङना कुमा कुगीनक्‍या याङना ॱहाम्‍बा झ्‍यीगीनक्‍या याङना शीरी ग्‍युक्‍कीनक्‍या याङना ॱमेबेप ताङगीनक्‍या याङना ॱली़गीनक्‍याला, को़न्‍क्षोकगी ग्‍यासीगी थोप्‍ताङ ॱमेथोप्‍कीलाक।

गालातीयापा 5:20

कुन्‍डाला क्षो़गीन धाङ ङेन ॱङाक धाङ दाङसेम धाङ धुगा धाङ ठादोक धाङ श्‍येताङ धाङ राङदो़ धाङ छोक झ्‍यीगीन धाङ खा डागीन धाङ

फीलीप्‍पीपा 4:6

घीन्‍गी थोकला दुङा माझ्‍यी हीना ॱनेछु घीरीला, काटीन क्षे श्‍यी़री ॱमो़लाम धाङ श्‍योवागी थोक्‍ने, खेक्‍याला घो़गीन घीरी को़न्‍क्षोकला श्‍यी़।

ईब्‍रीपा 12:15

मी सुवा को़न्‍क्षोकगी थुक्‍जे थोप्‍येने खा माडास्‍योक ॱनेरी, दो़नाङ झ्‍यी। धेनी खेक्‍याला ॱङ्योक्‍टा ॱलाङगीन धाङ माङाला ॱमेचाङा शोगीन, दुकगी चावागो केरु ॱमीच्‍युक्‍येला दो़नाङ झ्‍यी।

२ पेटो 3:10

हीना चोवो फेप्‍कीन ङीमागो कुमु हुङगीन च्‍योक्‍रे हुङगीलाक। होदे ङीमाला नाम्‍खा नी, हुरडा क्षे ग्‍याप्‍ती येरी डुगीलाक धेनी झ्‍युङवा श्‍यी नी, मेगी तोरस्‍यीक ताङगीलाक धेनी साश्‍यी धाङ दी नाङ हो़गीन घीरी, को़न्‍क्षोकगी मेताला जेदु च्‍युक्‍कीलाक।

२ पेटो 3:14

होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।

ॱङो़न्‍पा 3:3

होझ्‍येरी ख्‍यो़ला घी थोप्‍था धाङ ख्‍यी़ घी घोरकागोला तेन्‍पोमा ॱरुङ धेनी राङगी धीक्‍पा पारी सेम ग्‍युरवा तोङ। धेनी ख्‍यो़ ॱङीने ॱमेसो़ना, ङा ख्‍यो़चारु कुमा च्‍योक्‍रे हुङयेहीन धेनी ङा हुङगीनगी धी़चो़गो ख्‍यी़ ॱमेस्‍येगीलाक।