लुका 21:12 - ॱलोवा

¹² हीना दे घीरी झ्‍युङये एन्‍ला, ङी मीङगी केनगी खुङक्‍याई खेक्‍याला शीम्‍दी दुक्‍पु ताङगीलाक धेनी खेक्‍याला छोक्‍खाङक्‍या धाङ चो़न्‍खाङक्‍याला ची ग्‍याप्‍कीलाक। धेनी ग्‍यावुक्‍या धाङ चीख्‍यापक्‍याई दोङदु ठीक्‍कीलाक।

लुका 21:12 Iomraidhean Croise

मेथा 22:6

धेनी मी श्‍येम्‍माक्‍याई खी़ ॱयोक्‍पोक्‍याला शीम्‍दी ङोजा पाप्‍ती सेपालाक।

मेथा 24:8

हीना दे घीरी केशुकगी गोगो च्‍योक्‍रे च्‍यीगा लाक।

लुका 21:11

सायोम क्षेक्‍या ग्‍याप्‍कीलाक धेनी साजा माङक्षेला मुगे धाङ नाजाक्‍या झ्‍युङगीलाक। धेनी जीक्‍नाङ धाङ ॱनामने ॱहाङसागीन ताकक्‍या थोङगीलाक।

योहान्‍ना 15:20

ङी खेक्‍याला, ‘ॱयोक्‍पो च्‍यीक राङगी पो़न्‍पोने क्षे मेयोङालाक।’ ॱनागीन छीकला ढेन्‍सो़ झ्‍यी। खुङक्‍याई ङाला ॱनो़ क्‍याना, खुङक्‍याई खेक्‍याला ॱनो़ क्‍यागीलाक। धेनी खुङक्‍याई ङी का ॱरुङना, खेक्‍यागीयाः काक्‍या ॱरुङगीलाक।

योहान्‍ना 15:21

हीना ङी मीङगी केनगी, खुङक्‍याई दे घीरी खेक्‍याला झ्‍यीगीलाक घीझ्‍येरी ॱनाना ङाला ॱङाक्‍कीनगोला खुङक्‍याई ङो ॱमेस्‍येलालाक।

जेपा 22:30

याहुदापाक्‍याई पाउलुला घीझ्‍येरी क्‍यो़न चुक्‍पाले ॱनेरी, ॱमाक्‍पो़नगी घोरङी दो़पालाक। होझ्‍येरी ॱङेटोगो खी़ क्षो़पो़न क्षेक्‍या धाङ छोक्‍दी़ क्षेगी मी घीरीला केक तारी जोम्‍येला का ॱनावालाक धेनी पाउलुला ठीक्‍ती, खुङक्‍या दोङदु ॱलावालाक।

जेपा 5:40

धेनी खुङ घीरी खी़ ॱनागीनला ङेन्‍बालाक। खुङक्‍याई कुछापक्‍याला नाङदु केक तारी ताजाक श्‍युरती, येशुगी छेनने धाब्‍ले लाबक्‍या ॱमास्‍ये ॱनेरी झावालाक।

जेपा 8:3

हीना साउलगी क्षो़छोक मेताला ताङयेला, नाङ-नाङला सोरी भीजा धाङ भोमो घीरीला ढी़दी सोरी आटा नाङदु दाक्‍तु च्‍युक्‍पालाक।

जेपा 9:4

धेनी खो साला रीरी केक च्‍यीक देरे ॱनागीन घोरपालाक, “साउल, साउल। ख्‍यो़ ङाला घीझ्‍येरी दुक्‍पु ताङाले?”

१ पेटो 2:13

चोवोगी क्षीदु खेक्‍या मी घीरीगी वाङ झ्‍यीगीन आङजा थोस्‍योकगी ग्‍यावुक्‍या,

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।