लुका 20:36 - ॱलोवा

³⁶ खुङक्‍या नाम्‍खे भाङछेनक्‍या च्‍योक्‍रे झ्‍येरी, खुङक्‍या याङ स्‍यीगीमालाक। धेनी खुङक्‍या छीवाने सो़न्‍पो लाङ सारसा झ्‍येरी, खुङक्‍या को़न्‍क्षोकगी से धाङ सेमो लाक।

लुका 20:36 Iomraidhean Croise

मेथा 22:30

घीझ्‍येरी ॱनाना सो़न्‍पो लाङाराङ, खुङक्‍या ॱनामा लेन्‍ये धाङ ॱनामाला तेरये मीझ्‍यीदालाक हीना नाम्‍खे श्‍यीङखामदु भाङछेनक्‍या च्‍योक्‍रे झ्‍युङालाक।

मारकु 12:25

घीझ्‍येरी ॱनाना स्‍यीसागीन मी सो़न्‍दी लाङना, होदे मी को़न्‍क्षोकगी भाङछेनक्‍या च्‍योक्‍रे झ्‍युङगीलाक धेनी ॱनामा लेन्‍ये धाङ ॱनामाला डोये झ्‍यीगीमालाक।

रोमापा 8:16

धाम्‍पे थुक्‍ङीगी राङ होरी सेममुला, होराङ को़न्‍क्षोकगी से धाङ सेमो हीन्‍गीनगी धेन्‍पाङ जेदालाक।

१ कोरीन्‍थुपा 15:26

धेनी घीरीने थाला, मेताला जेघोये हीन्‍गीन डागो छीवा लाक।

१ कोरीन्‍थुपा 15:42

देरेराङ छीवाने सो़न्‍गीनक्‍यागीयाः हुङगीलाक। सा होकदु बेगीन ली़ नी मेताला डोवालाक धेनी ॱलार सो़न्‍पो लाङगीन नी, मेताला मेडोवालाक।

१ कोरीन्‍थुपा 15:49

धेनी होराङ थालागी मीगी ॱयीपला केक्‍या च्‍योक्‍रे, नाम्‍खे श्‍यीङखामगी मीगी ॱयीपलाः केगीलाक।

फीलीप्‍पीपा 3:21

धेनी घीरी खोङबा राङगी वाङ होकदु जे थुक्‍कीन नी़थुगी राङ, होरी थापक्‍योवा ली़ला खोङबाराङगी शीजेगी कुली़ च्‍योक्‍रे ग्‍युरा जेगीलाक।

ॱङो़न्‍पा 20:6

ॱलार सो़न्‍पो धाङपो झ्‍युङगीनक्‍या झ्‍यीलाप क्षे धाङ धाम्‍पा लाक। खुङक्‍याला छीवा ॱङीवागी वाङ झ्‍यी ॱमीथुक्‍कीलाक हीना खुङक्‍या को़न्‍क्षोक धाङ मास्‍यीकागी क्षो़पो़न झ्‍युरी, मास्‍यीकामुला लो च्‍यीकतोङ थुक्‍पे वाङग्‍युर झ्‍यीगीलाक।

ॱङो़न्‍पा 21:4

खोङबागी खुङक्‍याई ॱमीकने, छीमाक घीरी फीला जेगीलाक। धेनी होदुरु छीवा याङना दुङा याङना ङुता ग्‍याप्‍ये याङना शुक घीया झ्‍युङगीमालाक घीझ्‍येरी ॱनाना एम्‍मागी दो़नक्‍या जोक्‍सारालाक।”

ॱङो़न्‍पा 22:9

हीना खोङबागी ङाला दे सुजुङ, “देरे माझ्‍यी। ङा नी, ख्‍यो़ धाङ ख्‍यी़ पी़न ॱङो़नस्‍येखेनक्‍या धाङ दे धेपगी काक्‍या ॱरुङगीनक्‍यामुला, श्‍याप्‍चीपा च्‍यीक्‍पा लाक। को़न्‍क्षोकला च्‍यीगा क्षाक्‍क्षो़पा पु।”