लुका 20:24 - ॱलोवा

²⁴ “ङाला दीनार च्‍यीक तो़न। देला सी़ रीमो धाङ मीङ दुओ?” खुङक्‍याई ॱनेवालाक, “ग्‍यावुगी दुक।”

लुका 20:24 Iomraidhean Croise

मेथा 18:28

“हीना होदे ॱयोक्‍पोगो होदेने सोवालाक धेनी खोने ॱङुगी टाङगा ग्‍या भुलीङ लेन्‍ला, खोरी ॱयोक्‍पो रोवा च्‍यीकला थुक्‍पालाक। धेनी खी़ खोला शीम्‍दी मीक्‍पा चीरती ॱनेवालाक, ‘ख्‍यी़ लेन्‍गीन भुलीङगो ज्‍योङ!’

मेथा 20:2

श्‍याक्‍मो च्‍यीकगी ॱला तेरयेगोला खा क्षाम्‍दी, खी़ खुङक्‍याला खोरी घुन्‍डुमगी दुम्‍रादु झावालाक।

मेथा 22:20

धेनी येशुगी खुङक्‍याला सुवालाक, “दे टाङगा दुरु सी़ रीमो धाङ यीक दुक ओ?”

मारकु 12:16

खुङक्‍याई येशुला टाङगा च्‍यीक तेरपालाक धेनी खोङबागी खुङक्‍याला ढीवालाक, “दे टाङगाला सी़ रीमो धाङ यीगे दो?” खुङक्‍याई ॱनेवालाक, “केसारगी दुक।”

लुका 2:1

होदी घाङला, ग्‍यावु केसार उगास्‍तोगी रोमा ग्‍याखाप घीरीगी मीमाङक्‍याला, मीङ थो ग्‍याप्‍येला का तेरपालाक।

लुका 20:22

धा ग्‍यावुला ठा ज्‍याङना ढीयाले याङना मीढीयाले सुरी हेक्‍याला सुङाजे।”

लुका 20:23

हीना खोङबागी खुङक्‍याई च्‍याङग्‍युगो खेन्‍दा जेदी सुवालाक,

लुका 20:25

धेनी खोङबागी होदेक्‍याला सुवालाक, “देरे हीन्‍ना ग्‍यावुगी हीन्‍गीनगो ग्‍यावुला तेर धेनी को़न्‍क्षोकगी हीन्‍गीनगो को़न्‍क्षोकला पु।”

लुका 23:2

खुङक्‍याई खोङबाला देरे क्‍यो़न चुक्‍ती ॱनेवालाक, “मी दी होरी मीक्‍याला खोक्‍पा ग्‍याङगीन धाङ रोमापा ग्‍यावु केसारला ठा ज्‍याङयेला, मीक्‍याला काक्‍कीन धाङ खोराङला ग्‍यावु मास्‍यीका हीन ॱनागीनगो, हीकी थोजुङ।”

लुका 3:1

रोमापा ग्‍यावु केसार तीबेरीयुसगी, राङगी ग्‍याखाप घीरीला वाङ झ्‍यीगीन लो च्‍येङागी धी़ घाङला, पोन्‍तीहु पीलातु युदेया युगी पो़न्‍पो धाङ हेरोदे नी, गालील युगी पो़न्‍पो लाक। धेनी होदे घाङला, खी़ नो फीलीपगो ईतोरीया धाङ टाकोनीतीगी पो़न्‍पो धाङ लुसानीयागो आबीलेने युगी पो़न्‍पोक्‍या लाक।

जेपा 11:28

आगाबु ॱनागीन ॱङो़नस्‍येखेन च्‍यीक छोक्‍पागी खोकला लारी, धाम्‍पे थुक्‍ङीने साजा घीरी ॱमीच्‍यीकी क्षे मुगेला स्‍योरकीलाक ॱनेरी ॱङो़न खेन्‍बालाक। (कालोदेहु ग्‍यावुगी धी़चो़ला ॱङो़नस्‍ये दे डुप्‍पालाक।)

जेपा 26:32

धेनी आगारीपागी फेस्‍तुला ॱनेवालाक, “दे मी देगी रोमापा ग्‍यावुचारु ठीम माश्‍यु हो़ना, खोला फीला तो़न्‍ना ढीक्‍ये हो़तालाक।”

फीलीप्‍पीपा 4:22

खेक्‍याला धाम्‍पे मी घीरीगी धेनी ॱमीक्‍सेदु केसारगी फोडाङदु हो़गीनक्‍याई, छाम्‍डी श्‍यी़क।