23 हीना खोङबागी खुङक्याई च्याङग्युगो खेन्दा जेदी सुवालाक,
फारुसीपाक्या धाङ सादुकीपाक्या होरी, येशुला छो़ता झ्यीयेला, नाम्खे श्यीङखामने खुङक्याला ताक च्यीक तो़न्रोजे ॱनेरी श्यी़वालाक।
हीना येशुगी खुङक्याई साम्लो ङेन्पागो खेन्दी सुवालाक, “खे शोक्पोक्या! ङाला घीझ्येरी छो़ लेन्दा?
धेनी खुङक्याई घुकाप चारी ढाङपो हीन दोक-दोक झ्यीगीन सोवाक्याला, खोङबागी सुङगीन छीकक्या शीम्दी, खोङबाला चीख्यापगी ठीम धाङ वाङला ची ग्याप्येला झावालाक।
धा ग्यावुला ठा ज्याङना ढीयाले याङना मीढीयाले सुरी हेक्याला सुङाजे।”
“ङाला दीनार च्यीक तो़न। देला सी़ रीमो धाङ मीङ दुओ?” खुङक्याई ॱनेवालाक, “ग्यावुगी दुक।”
धेनी खुङक्याई साम्लो खेन्दा जेदी, येशुगी खुङक्याला सुवालाक, “खेक्या राङगी सेम नाङदु घीझ्येरी देरे साम्लो ताङाले?
हीना खोङबागी खुङक्याई साम्लो खेन्दा जेदी, होदे लाक्पा काम्गा मीला सुवालाक, “दुरु स्योक धेनी घीरीगी दोङदु लोङ।” धेनी होदे मी लारी दोङला सोवालाक।
“ख्यो़ लाब शाङा घीरीगी डा लाक धेनी च्यो़पा आ धाङ शोकगी खाङखा धी़कगी टुवा लाक। ख्यो़ चोवोगी लाम शाङागो ॱनोयेला, नामा भोरये मेने?
धेनी खुङक्या च्योक्रे होराङक्या मास्यीकाला छो़ता झ्यीये मेतालाक। खुङक्याने रीङगागी छो़ता झ्येरी, खुङक्या डुलगी थोक्ने स्यीवालाक।
घीझ्येरी ॱनाना दे जीक्तेनगी स्येराप नी, को़न्क्षोकगी ॱमीक्वादु ॱलेन्दा लाक। सुङरापला देरे ढीक हो़तालाक, “मी खेवाक्याला खोरी चाङग्यु नाङलाराङ, खोङबागी शीम्गीलाक।”
धा होराङ देने ॱहाला मीगी ॱयो़क्युने धेनी ॱली़टे होकला छी़दी, भालापक्याई ॱहाला-छुला ॱयो़या धाङ तावा लोक्पा ॱनाछोकगी टुक्टा टुवाक्या च्योक्रे मीझ्युङा
को़न्क्षोकगी ॱमीक्वादु को़पा घीरीने घीया बे मेतालाक। खोङबागी च्येनगी डुङदु दो़न घीरी सावो धाङ ॱमाकाप हो़तालाक। धेनी खोङबाला राङ होराङ होरी ची श्यु घोगुलाक।
