लुका 20:16 - ॱलोवा

¹⁶ खो होरी खुङक्‍याला सेगीलाक धेनी दुम्‍रागो श्‍येम्‍माक्‍याला तेरकीलाक।” मीक्‍याई होदे घोरती ॱनेवालाक, “देरे नामाः माझ्‍युङास्‍योक।”

लुका 20:16 Iomraidhean Croise

मेथा 21:34

धेनी ढेबु धुगीन धी़चो़ हुङाराङ, खी़ खोरी कादा लेन्‍दु ॱयोक्‍पोक्‍याला होदे बोक्‍माला लेन्‍गीनक्‍याचारु तावालाक।

मेथा 21:41

खुङक्‍याई ॱनेवालाक, “खी़ होदे ङेन्‍पाक्‍याला दुक्‍पु तारी सेटु धेनी धी़चो़ला खोरी थोप्‍ताङ ढेबु तेरकीन, मी श्‍येम्‍माक्‍याला होदे दुम्‍रागो बोक्‍माला तेरटु।”

मेथा 22:7

धा ग्‍यावुगो ॱमीच्‍यीकी श्‍येताङ लारी, राङगी ॱमाक्‍मीक्‍या तारी होदे मी सेगीनक्‍याला मेताला तारी, खुङगी ग्‍याजागो मेला ॱराक्‍पालाक।

मारकु 12:9

“धा दुम्‍रागी दाक्‍पोगी़ घी झ्‍यीदी हेटी़? खो होरी होदे श्‍यीङबाक्‍याला सेगीलाक धेनी दुम्‍रागो मी श्‍येम्‍माक्‍याला तेरकीलाक।

लुका 19:27

हीना ङा ग्‍यावु झ्‍युङगीनगो ॱमेथेगीन ङी डाक्‍याला दुरु ठीक्‍ती स्‍योक धेनी खुङक्‍याला ङी दोङदुराङ सो़क।’”

लुका 20:15

धेनी खुङक्‍याई भीजागोला श्‍यीङ फीला ठीक्‍ती सेपालाक।” धेनी येशुगी ढीवालाक, “धा, दुम्‍री दाक्‍पोगी़ खुङक्‍याला घी झ्‍येटी़?

जेपा 13:46

हीना पाउलु धाङ बारनाबागी ॱयोल्‍ले जीक्‍टा ॱमीझ्‍यीदा ॱनेवालाक, “खेक्‍याचारु एन्‍ला को़न्‍क्षोकगी का स्‍येघोये हो़क हीना खेराङक्‍याई माङेन्‍बालाक। खेराङक्‍या राङला थामेगीन छेसोकगो थोप्‍ये मेगीन शो़वालाक, होझ्‍येरी हेक्‍या श्‍येम्‍मा मीरीकगी मीक्‍याचारु डोवालाक।

रोमापा 11:1

धा ॱहाना ङा ढीलाहीन, “को़न्‍क्षोकगी राङगी मीक्‍याला पाङा जेपालाक से?” चावाने माजेदुक। घीझ्‍येरी ॱनाना ङाः आब्‍राहामगी भुग्‍यु धाङ बेन्‍यामीनगी री़वागी ईस्‍राएल्‍पा च्‍यीक हीन।

रोमापा 11:11

होझ्‍येरी ङा ढीलाहीन, ईस्‍राएल्‍पाक्‍या नामा लाङये मेगीन झ्‍येरी गेवालाक से? देरे चावाने मालाक। ॱयोल्‍ले ईस्‍राएल्‍पाक्‍याई धीक्‍पागी झ्‍येरी, याहुदापा मेन्‍गीनक्‍याला थारपा थोप हो़तालाक। दे नी ईस्‍राएल्‍पाक्‍याला ठादोक लाङदु च्‍युक्‍येगी क्षीला लाक।

रोमापा 3:31

धा हुरे हीन्‍ना धेपागी थोक्‍ने, क्षो़ठीमगो दो़न मेगीन झ्‍युङालाक से? देरे फुक्‍की मालाक। ॱयोल्‍ले होराङ क्षो़ठीम तेन्‍पो झ्‍येरी ॱरुङालाक।

रोमापा 3:4

हुरे फुक्‍की झ्‍युङगुमालाक। मी घीरी शोक्‍पो हो़ना, को़न्‍क्षोक धेन्‍पा हुङघो़। दी कोरला सुङरापला देरे ढीक हो़तालाक, “खेराङ कामो़न सुङाराङ धेन्‍पा ॱङो़न्‍दास्‍योक, धेनी खेराङला ठीम चेदाराङ ग्‍यालास्‍योक।”

रोमापा 3:6

देरे फुक्‍की मालाक। देरे हीन्‍ना, को़न्‍क्षोकगी जीक्‍तेनला घाङगी झ्‍येरी ठीम्‍चो़ जे थुक्‍कीलाक से?

रोमापा 6:15

धा ॱहाना घी? होराङ क्षो़ठीमगी वाङ होकदु मेन्‍दा हीना थुक्‍जेगी वाङ होकदु हो़क ॱनेरी, होराङ धीक्‍पा झ्‍यीगुलाक से? देरे फुक्‍की मालाक।

रोमापा 6:2

देरे फुक्‍की मालाक। होराङ नी, धीक्‍पागी नाङ स्‍यीछारसा झ्‍येरी, धा धोराङा होदे नाङदु घाङगी झ्‍येरी छोवा क्‍याथुक्‍कीले?

रोमापा 7:13

धा ॱहाना शाङपो हीन्‍गीन क्षो़ठीमगी, ङाला छीवा खेरती होवालाक से? देरे फुक्‍की मालाक। हीना धीक्‍पागो धीक्‍पा लाक ॱनेरी ङोस्‍येरु च्‍युक्‍येगी क्षीला, शाङा हीन्‍गीनगो भेचो़ झ्‍येरी धीक्‍पागी ङाला सेपालाक। धेनी होझ्‍येरी कागी थोक्‍ने, धीक्‍पागो ॱयोल्‍ले छाप्‍क्षे धीक्‍पा तो़न्‍बालाक।

रोमापा 7:7

धा ॱहाना हेक्‍या घी ॱनाये? क्षो़ठीमगो धीक्‍पा लाक से? फुक्‍की मालाक। क्षो़ठीमगो मेना, ङी धीक्‍पा घी हीन्‍गीनगो ङोस्‍येये मेक। घीझ्‍येरी ॱनाना “ख्‍यी़ ॱहाम्‍बा माझ्‍यी।” ॱनेरी क्षो़ठीमगी ॱमाने हो़ना, ॱहाम्‍बा झ्‍यीयेगो घी ले ॱनेरी ङी स्‍येयेमेक।

रोमापा 9:14

धा ॱहाना होराङ घी ॱनागुलाक से? को़न्‍क्षोक मेढाङा हो़तालाक से? देरे फुक्‍की मालाक।

१ कोरीन्‍थुपा 6:15

खीकी ली़ नी मास्‍यीकागी येन्‍लाकक्‍या हीन्‍गीनगो, खेक्‍याला स्‍येये मेते? धा ङा मास्‍यीकागी येन्‍लाकक्‍या खेरती, श्‍याङचोङगीनगी येन्‍लाक शोये? देरे फुक्‍की माझ्‍युङास्‍योक।

गालातीयापा 2:17

हीना होराङ मास्‍यीकागी गोने ढाङपो झ्‍युङयेगी थापस्‍यी चाली घाङला, होराङक्‍याराङ क्षो़ठीमगो पारी धीक्‍पा झ्‍यीगीन थुक्‍ना, मास्‍यीकागी धीक्‍पा झ्‍यीरु च्‍युक्‍पाले? दे फुक्‍की मालाक।

गालातीयापा 3:21

धा हाना, को़न्‍क्षोकगी धाम्‍चाक्‍याला क्षो़ठीमगी ग्‍याप्‍केल झ्‍यीदाले? देरे फुक्‍की मालाक। छे ॱनाङ थुप्‍कीन क्षो़ठीम तेर हो़ना, क्षो़ठीमने राङ ढाङतेनला ग्‍युरये हो़क।

गालातीयापा 6:14

ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।