लुका 20:14 - ॱलोवा

¹⁴ हीना खुङक्‍याई दाक्‍पोगी़ भीजाला थोङी घाङला, खोराङक्‍या नाङदु ॱनेवालाक, ‘खो नी ग्‍युज्‍यीनगो लाक। होराङ खोला सेदु धेनी थोप्‍ताङ घीरी होराङला थोप्‍कीलाक।’

लुका 20:14 Iomraidhean Croise

मेथा 16:7

धेनी खुङक्‍या खोराङक्‍या नाङदु थाप्‍ती, देरे ॱनेवालाक, “होराङक्‍याई ग्‍याङगा खेरती मायोवा, खोङबागी देरे सुङालाक।”

मेथा 21:25

योहान्‍नागी ठी़सो़ दे घाने झ्‍युवाले? नाम्‍खे श्‍यीङखामने झ्‍युवाले याङना मीने झ्‍युवाले?” धेनी खुङक्‍याई खोराङक्‍या नाङदु ढो़ झ्‍येरी देरे ॱनेवालाक, “नाम्‍खे श्‍यीङखामने लाक ॱनाना, खी़ होराङला ‘खोला घीझ्‍येरी धेपा मीझ्‍यीदा?’ ॱनागुलाक।

मेथा 21:34

धेनी ढेबु धुगीन धी़चो़ हुङाराङ, खी़ खोरी कादा लेन्‍दु ॱयोक्‍पोक्‍याला होदे बोक्‍माला लेन्‍गीनक्‍याचारु तावालाक।

लुका 19:47

धेनी येशु ङीमा तेनग्‍याङ क्षो़खाङदु क्षो़ सुङी हो़तालाक। हीना क्षो़पो़न क्षेक्‍या धाङ क्षो़ठीमगी ॱलोपो़नक्‍या धाङ होदे लुङबागी पो़न्‍पोक्‍याई, खोङबाला सेये थापस्‍यी झ्‍यीदी हो़तालाक।

लुका 20:13

धेनी दुम्‍री दाक्‍पोगी़ ॱनेवालाक, ‘धा ङा घी झ्‍यीये? धा ङा ङारी भीजा ढीन्‍चेनगोला झाङयेहीन। धेनी खोला खुङक्‍याई घुस्‍याप झ्‍येटु।’

लुका 20:15

धेनी खुङक्‍याई भीजागोला श्‍यीङ फीला ठीक्‍ती सेपालाक।” धेनी येशुगी ढीवालाक, “धा, दुम्‍री दाक्‍पोगी़ खुङक्‍याला घी झ्‍येटी़?

लुका 20:19

धेनी क्षो़ठीमगी ॱलोपो़नक्‍या धाङ क्षो़पो़न क्षेक्‍याई, पे दे खोराङक्‍याई क्षीलाराङ ॱनेवालाक ॱनेरी, घोरती येशुला होदे धी़लाराङ शीम्‍ये झ्‍येवालाक हीना खुङक्‍या मीक्‍याला जीक्‍पालाक।

लुका 20:5

धेनी खुङक्‍या खोराङक्‍या नाङदु देरे ढो़ झ्‍येवालाक, “नाम्‍खे श्‍यीङखामने लाक ॱनाना, खी़ होराङला खोला घीझ्‍येरी धेपा मीझ्‍यीदा ॱनेरी ढीगीलाक।

लुका 22:2

धेनी क्षो़पो़न क्षेक्‍या धाङ क्षो़ठीमगी ॱलोपो़नक्‍याई, येशुला घाङगी झ्‍येरी सेदु चुक्‍ये ॱनेरी, थापस्‍यी चाली हो़तालाक घीझ्‍येरी ॱनाना खुङक्‍या मीमाङक्‍याला जीयालाक।

जेपा 2:23

को़न्‍क्षोकगी राङगी ढो़ धाङ ॱङो़नस्‍ये च्‍योक्‍रे, येशुला खेराङक्‍याई लागाला ॱनावालाक धेनी खेराङक्‍याई खोङबाला ग्‍याङस्‍यीङदु सेयेला, मी ङेन्‍पाक्‍याई लागाला ची ग्‍याप्‍पालाक।

जेपा 3:15

छेसोक ॱनाङगीनगोला खेराङक्‍याई सेजुङ। हीना को़न्‍क्षोकगी खोङबाला छीवाने सो़न्‍पो श्‍याङ जेजुङ। दे लाबगी पाङपो हेक्‍या हीन।

रोमापा 8:17

धेनी होराङ से धाङ सेमो हीन्‍ना, होराङ ग्‍युज्‍यीनगोवाः लाक। होराङ को़न्‍क्षोकगी ग्‍युज्‍यीन धाङ मास्‍यीकामुला ग्‍युज्‍यीनगी रोवा लाक। धेनी होराङ मास्‍यीकामुला दुक्‍पु ङ्याङना, खोङगी शीजेगोवाः मुला घो़ये राक्‍कीलाक।

ईब्‍रीपा 1:2

हीना दे थामे धी़क्‍याला, खोङबागी राङगी सेगी थोक्‍ने, होराङक्‍याला का ॱनाङ हो़तालाक। धेनी राङगी सेला ॱङोपो घीरीगी खाला ग्‍युज्‍यीन को़वालाक धेनी खोङगी थोक्‍नेराङ जीक्‍तेन खाम घीरी को़ जेपालाक।