लुका 20:13 - ॱलोवा

¹³ धेनी दुम्‍री दाक्‍पोगी़ ॱनेवालाक, ‘धा ङा घी झ्‍यीये? धा ङा ङारी भीजा ढीन्‍चेनगोला झाङयेहीन। धेनी खोला खुङक्‍याई घुस्‍याप झ्‍येटु।’

लुका 20:13 Iomraidhean Croise

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मेथा 3:17

धेनी नाम्‍खाने सुङकेक च्‍यीकगी, “दे ङी चेवे से हीन। ङा खी़मुला ॱमीच्‍यीकी ङ्यामो घा हो़क।” सुरी सुवालाक।

लुका 18:2

“ग्‍याजा च्‍यीकदु को़न्‍क्षोकला जीक्‍नाङ मीझ्‍यीगीन धाङ मीला चीदोङ मीझ्‍यीगीन ठीम्‍पो़न च्‍यीक हो़तालाक।

लुका 18:4

थेङ घाजीङ खी़ होदे युक्‍जामागी लाब माङेन्‍बालाक। हीना स्‍याम्‍ला खी़ खोरी सेमला ॱनेवालाक, ‘ङा को़न्‍क्षोकला जीक्‍नाङ मीझ्‍यीहो़क धेनी मीला चीदोङ मीझ्‍यीहो़क।

लुका 20:12

होदे स्‍याम्‍ने खी़ ॱयोक्‍पो सुम्‍बागोला झावालाक हीना खुङक्‍याई होदेलाः ॱमा शो़री तो़न्‍दी झावालाक।

लुका 20:14

हीना खुङक्‍याई दाक्‍पोगी़ भीजाला थोङी घाङला, खोराङक्‍या नाङदु ॱनेवालाक, ‘खो नी ग्‍युज्‍यीनगो लाक। होराङ खोला सेदु धेनी थोप्‍ताङ घीरी होराङला थोप्‍कीलाक।’

लुका 9:35

धेनी ॱरीङगी खोक्‍ने देरे सुङकेक च्‍यीक थो़न्‍बालाक, “दे ङी से धाङ ङी दाम्‍दागो हीन। खोङला ङेन।”

योहान्‍ना 1:34

धेनी ङी होदे ज्‍याजुङ धेनी खोङबाराङ को़न्‍क्षोकगी से लाक ॱनेरी ङा पाङपो झ्‍यीदाहीन।”

रोमापा 8:3

होरी ली़गी क्‍योवा शो़सा क्षो़ठीमगी झ्‍यी ॱमाथुक्‍कीनगो, को़न्‍क्षोकगी राङगी से धीक्‍पे राङश्‍यीगी ली़ला धीक्‍पे ॱमारछो़ झ्‍युङयेला झाङा जेदी, होदे जेपालाक। धेनी देरे झ्‍येरी खोङगी धीक्‍पाला ली़लाराङ छेपा का जेपालाक।

गालातीयापा 4:4

हीना धी़चो़ ताक्‍तागो होसारती, को़न्‍क्षोकगी राङगी से ताङा जेपालाक। धेनी क्षो़ठीमगी होकदु हो़गीन, होराङक्‍याला थारपा जेये धाङ होराङ खोङगी से धाङ सेमो झ्‍युङयेला, खोङबा भोमो च्‍यीकने क्षो़ठीमगी होकदु ठुङवालाक।