लुका 2:9 - ॱलोवा

⁹ धेनी चोवोगी भाङछेन च्‍यीक, होदेरु खुङक्‍याचारु ज्‍यावालाक धेनी को़न्‍क्षोकगी शीजेगी हो़क, खुङक्‍याई छोक श्‍यीला ख्‍याप्‍ती, खुङक्‍या ॱमीच्‍यीकी जीक्‍पालाक।

लुका 2:9 Iomraidhean Croise

मेथा 1:20

हीना खो देरे साम्‍लो ताङी धेती घाङला, चोवो को़न्‍क्षोकगी भाङछेन च्‍यीक खी़ ॱमीक्‍लाम नाङला ज्‍यारी, देरे सुवालाक, “दावीद ग्‍युपागी योसेफ, मीरीयामला राङगी केमी शोयेला माजीक घीझ्‍येरी ॱनाना मी़ ली़ला ॱनेगीन दे, धाम्‍पे थुक्‍ङीगी थोक्‍ने लाक।

लुका 1:28

धेनी नाम्‍खे भाङछेन मी़ चारु फेप्‍ती सुवालाक, “थुक्‍जे थोप्‍था ख्‍यो़ला श्‍यीदे हुङास्‍योक! को़न्‍क्षोक ख्‍यी़मुला श्‍युक्‍दुक।”

लुका 2:8

होदे युगी थाकोरला छेन्‍मु थाङगारु, राङगी लुक ख्‍युक्‍या ॱरुरी धेगीन झीउक्‍या हो़तालाक।

लुका 24:4

धेनी होदेला खुङक्‍या गो थोम्‍दी धेदी घाङला, हो़क ग्‍याप्‍कीन घो़ घो़न्‍गा, मी ॱङी खुङक्‍याचारु ज्‍यावालाक।

योहान्‍ना 12:41

यस्‍यायागी येशुगी शीजे थोरी, खोङबागी कोरला देरे सुवालाक।

जेपा 12:7

ॱहाताक्‍पाला को़न्‍क्षोकगी भाङछेन च्‍यीक होदुरु थोवालाक धेनी नाङ घीरीदु हो़क ग्‍याप्‍पालाक। धेनी भाङछेनगी पेटोला छोक च्‍यीकने घु-घु तारी ॱङी चेदी “ग्‍योक्‍जे लोङ” ॱनेरी ॱनेवालाक। धेनी खी़ लाक्‍पाने च्‍याक्‍थाकगो ढोवालाक।

जेपा 27:23

ङा सुने हीन्‍गीन धाङ ङी क्षाक्‍क्षो़पा पुगीन, को़न्‍क्षोकगी भाङछेन च्‍यीक धाङ छेन्‍मो ङी डामदु श्‍युक्‍ती,

जेपा 5:19

हीना चोवोगी भाङछेन च्‍यीक छेन्‍मो फेप्‍ती, आटागी घोगो पेवालाक धेनी कुछापक्‍याला फीला तो़न्‍दी सुवालाक,

२ कोरीन्‍थुपा 3:18

धेनी होराङ दोङकेप स्‍युस्‍याक्‍याई चोवोगी शीजेला मेलोङ च्‍योक्‍रे तो़न्‍दालाक धेनी शीजे देले ल्‍हाक शीजे क्षेला, होराङक्‍या खोङबा च्‍योक्‍रे झ्‍युङयेला ग्‍युरती डोवालाक। शीजे दे नी, थुक्‍ङी हीन्‍गीन चोवोने हुङालाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

ईब्‍रीपा 12:21

धेनी होदुरु घी झ्‍युजागो ॱमीच्‍यीकी जीक्‍टाक्षे झ्‍येरी, मोशेगीयाः देरे सुवालाक, “ङा जीक्‍ती दारी।”

ॱङो़न्‍पा 18:1

होदे स्‍याम्‍ने, नाम्‍खे श्‍यीङखामने वाङक्षे हो़गीन नाम्‍खे भाङछेन श्‍येम्‍मा च्‍यीक माला फेप्‍कीनगो, ङी थोजुङ। होदेगी शीजेगी साश्‍यीला, हो़ ठाछाई झ्‍युवालाक।

ॱङो़न्‍पा 20:11

धेनी ङी श्‍युक्‍ठी काउ क्षे च्‍यीक धाङ होदे खाला श्‍युक्‍कीनला थोजुङ। खोङबागी डुङने साश्‍यी धाङ ॱनाम डो़री लाजुङ धेनी होदे ॱङीउगी क्षीदु ॱनेसा माजोप्‍पालाक।