लुका 2:39 - ॱलोवा

³⁹ धेनी चोवोगी क्षो़ठीमला तेन्‍ती झ्‍यीघो़गीन ॱरो घीरी डुप्‍सारती, मीरीयाम धाङ योसेफ येशुला खेरती गालीलगी खोरी यु नाजारेतला लोक्‍ती सोवालाक।

लुका 2:39 Iomraidhean Croise

मेथा 3:15

हीना येशुगी खोला लेन जेपालाक, “होराङक्‍या को़न्‍क्षोकगी थुकोङ घीरी डुप्‍तु च्‍युक्‍येला, धान्‍दा देरेराङ हुङदु च्‍युक।” धेनी खी़ देरेराङ झ्‍येवालाक।

लुका 1:26

एलीसाबेतगी फोवाला टु हो़गीनगी दावा ढुक्‍पागोला को़न्‍क्षोकगी गाबरीएल ॱनागीन नाम्‍खे भाङछेनला, गालील ग्‍यारापगी नाजारेत ॱनागीन ग्‍याजारु, मीरीयाम ॱनागीन भोमो नाच्‍युङमा चारु झावालाक। मो दावीद ग्‍युपागी योसेफ ॱनागीन मी च्‍यीकमुला ॱनामाला ॱलारी श्‍याक हो़तालाक।

लुका 1:6

खुङ ॱङीगारा को़न्‍क्षोकगी डुङदु ढाङपो हो़तालाक धेनी को़न्‍क्षोकगी का धाङ ठीम घीरी, नोवा क्षुक्‍वा मीझ्‍यीदा चीलालाक।

लुका 2:4

होझ्‍येरी योसेफ गालीलगी नाजारेत युने युदेयागी बेथलेहेम ॱनागीन, दावीद ग्‍यावुगी ग्‍याजाला सोवालाक घीझ्‍येरी ॱनाना खो दावीदगी नाङ धाङ ग्‍युपाने लाक।

लुका 2:51

धेनी येशु फामाक्‍यामुला नाजारेतला लोक्‍ती फेप्‍पालाक। धेनी फामाक्‍याई खाला ङेन्‍दी श्‍युक्‍पालाक। हीना खोङबागी युमगी, दे लाब घीरी मोरी सेम नाङदु धी़री श्‍याक्‍पालाक।

लुका 4:16

येशु खोराङ छारछा यु नाजारेतगोला लोक्‍ती फेप्‍पालाक। धेनी च्‍योई च्‍योक्‍रे, खोङबा ङासुगीन ङीमागोला छोक्‍खाङला फेप्‍ती धेनी को़न्‍क्षोकगी का ॱलोक्‍येला श्‍याङा जेपालाक।

लुका 4:23

धेनी येशुगी सुवालाक, “धा ॱङोन्‍नेराङ, खेक्‍यागी ङाला पे दे ॱनागुलाक, ‘आम्‍ची, ख्‍यो़ राङला चो़गा झ्‍यी।’ धेनी याङ ॱनागीलाक, ‘काफारनाहुमदु ख्‍यी़ घी झ्‍यीगीनगो, हीकी घोरकीन च्‍योक्‍रे, राङगी यु दुरुवा झ्‍यी’।”