लुका 2:38 - ॱलोवा

³⁸ धेनी होदे घाङला हान्‍ना, मीरीयाम धाङ योसेफगी भोलोक्‍तु होरी, को़न्‍क्षोकला थुक्‍जेक्षे पुवालाक। धेनी येरुसालेमगी थारपा ॱनाङगीनगोला घुक्‍ती धेदा घीरीला, मी़ टुगी़ कोरला स्‍येपालाक।

लुका 2:38 Iomraidhean Croise

मारकु 15:43

पो़न्‍रीक छोक्‍पागी मीङ हो़गीन, केटाक्‍क्षे छोक्‍मी धाङ को़न्‍क्षोकगी ग्‍यासीला घुक्‍ती धेता, योसेफ ॱनागीन आरीमाथीया ग्‍याजागी मी च्‍यीक हो़तालाक। खो ॱङीङक्षे शो़री पीलातुगी दोङदु सोरी, येशुगी कुफुङ ॱनाङरोनाङ ॱनेरी श्‍यी़वालाक।

लुका 1:68

“ईस्‍राएलगी चोवो को़न्‍क्षोकला तो़टा हुङास्‍योक, घीझ्‍येरी ॱनाना खोङबा राङगी मीक्‍याचारु फेप्‍दुक धेनी खुङक्‍याला थारपा ॱनाङदुक।

लुका 2:25

धा सीमेयोन ॱनागीन मी ढाङपो धाङ को़न्‍क्षोकला चीगीन च्‍यीक येरुसालेमदु हो़तालाक। खो नी ईस्‍राएल्‍पाक्‍याला सेम्‍सो ॱनाङगीनगो फेप्‍ये धी़ला, घुक्‍ती धे हो़तालाक। धेनी धाम्‍पे थुक्‍ङी खी़मुला हो़तालाक।

लुका 2:36

धा आशेर ग्‍युपागी फानुएलगी भोमो हान्‍ना ॱनागीन, ॱङो़नस्‍येखेन ईबी ग्‍येमो च्‍यीक होदुरु हो़तालाक। मो ॱनामाला सोरी, लो धी़न थुक्‍पे मोरी ख्‍योवामुला धेबालाक।

लुका 24:21

हीना ईस्‍राएलला थारपा ॱनाङगीनगो खोङबाराङ लाक ॱनेरी, हीकी ॱरेवा झ्‍येवी। धेनी दे च्‍यीगा मेन्‍दा, दे घीरी झ्‍युरी धा श्‍याक्‍मो सुम डी़।

२ कोरीन्‍थुपा 9:15

ढेस्‍ये राङ ग्‍याप ॱमीथुक्‍कीन ॱनाङज्‍यीनगी क्षीदु, को़न्‍क्षोकला थुक्‍जेक्षे श्‍युउ।

एफीसुपा 1:3

होरी चोवो येशु मास्‍यीकागी याप, को़न्‍क्षोकला तो़पार स्‍योक। मास्‍यीकागी थोक्‍ने, खोङबागी होराङक्‍याला नाम्‍खे श्‍यीङखामगी सेम्‍ङीगी, झ्‍यीलाप हो़लेगो ॱनाङ हो़तालाक।