लुका 2:34 - ॱलोवा

³⁴ धेनी सीमेयोनगी खोङ ॱङीउला झ्‍यीलाप ॱनाङदी, भीजी आमा मीरीयामला ॱनेवालाक, “दे भीजा दे ईस्‍राएलदु मी माङाला जोक्‍तु च्‍युक्‍ये धाङ मी माङाला क्‍योप्‍येला, को़न्‍क्षोकगी दामा जेपालाक। धेनी ङोलोक झ्‍यीगीनगी ताकगी क्षीला दामा जेपालाक।

लुका 2:34 Iomraidhean Croise

मेथा 11:19

मी-भु नी शा-थुङ झ्‍येरी होवालाक धेनी खुङक्‍याई, ‘खोला तो़दाङ, शान्‍डे धाङ क्षाङदुवा धेनी ठा धुगीन धाङ धीक्‍चेनक्‍याई रोवा।’ ॱनेरी ॱनालाक। हीना स्‍येराप दे होदेगी लेगागी थोक्‍ने, याङदाक्‍पा हीन्‍गीनगो खुङ केलालाक।”

मेथा 12:46

येशु मीछोकला कामो़न सुङी घाङला, खोङबागी युम धाङ कुछेक्‍या खोङबामुला कामो़न श्‍युयेला, फीदाला लारी श्‍युक हो़तालाक।

मेथा 21:44

दे धोगोङ खाला गेगीनगो दुबु-दुबुला क्षाक्‍कीलाक धेनी होदे सी़ खाला ल्‍हीम्‍ना, होदेगी खोला ॱलेगीलाक।”

मेथा 27:63

ॱनेवालाक, “चोवो, दे ॱली़टे देगी खोराङ सो़न्‍पो हेती घाङला ‘ङीमा सुमगी स्‍याम्‍ने, ङा छीवाने सो़न्‍पो लाङयेहीन’ ॱनेरी ॱनागीनगो, हेक्‍याला ढेन्‍बा हो़क।

लुका 2:35

होझ्‍येरी मी माङक्षेगी सेमगी साम्‍लोक्‍या ॱङो़न्‍सुमदु थोङगीलाक। धेनी ख्‍यी़ सेम राडीगी चुक्‍कीन च्‍योक्‍रे दुक्‍कीलाक।”

योहान्‍ना 3:20

घीझ्‍येरी ॱनाना ले ङेन्‍पा झ्‍यीगीन घीरीगी हो़ला मेघालाक धेनी राङगी लेगाक्‍या ॱङो़न्‍दु च्‍युक्‍कीलाक साम्‍दी हो़दु मेयोङालाक।

योहान्‍ना 5:18

येशुगी ङासुगीन ङीमा पाङये च्‍यीगा मेन्‍दा राङला को़न्‍क्षोकगी ढाडा जेदी, को़न्‍क्षोक नी राङगी याप लाक ॱनेरी सुङगीन झ्‍येरी, याहुदापा पो़न्‍पोक्‍याई येशुला देले ल्‍हाक सेयेगी थापस्‍यी चावालाक।

जेपा 13:45

याहुदापाक्‍याई मीगी छाङगा देरे माङा थोरी, पाउलु धाङ बारनाबाखाला ठादोक झ्‍येवालाक। होदेक्‍याई पाउलुगी सुङगीनला क्षाले झ्‍येरी ॱमेटा पाप्‍पालाक।

जेपा 17:6

धेनी होदुरु खोङ ॱङीउ ॱमाङेपा खुङक्‍याई यासोन धाङ श्‍येम्‍मा पी़न्‍दा रीङगाला, ग्‍याजागी पो़न्‍पोक्‍या दोङदु ढी़दी होरी, देरे केक ग्‍याप्‍पालाक, “घारु हीन्‍ना घीरीला टुक्‍तु च्‍युक्‍कीनक्‍या धा दुरुवा होदुक,

जेपा 24:5

मी दे ॱमीच्‍यीकी ॱङ्योक्‍टा ॱलाङगीन धाङ जाम्‍बुलीङ घीरीदु हो़गीन, याहुदापाक्‍याई खोक्‍दु टुक्‍कीन लेगा झ्‍येरी, ग्‍युक्‍कीन हीकी ॱङेजुङ। धेनी खो नाजारी ॱनागीन क्षो़लुकगी गोठीगोवा दुक।

जेपा 28:22

हीना हेक्‍या ख्‍यी़ तावा घारे हीन्‍गीनगो घोरङी दो़दीक घीझ्‍येरी ॱनाना घारु हीन्‍ना क्षो़लुक देला ङोलोक झ्‍यीगीनगो हेला स्‍येयेहो़क।”

जेपा 4:26

धेनी जाम्‍बुलीङगी ग्‍यावुक्‍या ॱमाक टाब्‍येला डाढीक झ्‍येदुक, धेनी खुङक्‍याई पो़न्‍पोक्‍या मुला रुप्‍ती, चोवो धाङ खोङगी दाम्‍दा मास्‍यीकागी ग्‍याप्‍केलला ढो़ झ्‍येदुक।’

जेपा 6:7

को़न्‍क्षोकगी का छोक घीरीला ख्‍याप्‍पालाक। धेनी चोवो येशुगी ङेनेक्‍या येरुसालेमदु ॱयोल्‍ले माङदु सोवालाक धेनी क्षो़पो़न ॱमीच्‍यीकी माङागीयाः, चोवो येशुला धेपा झ्‍येवालाक।

रोमापा 9:32

घीझ्‍येरी ॱमाथुक्‍पाले? घीझ्‍येरी ॱनाना खुङक्‍याई धेपाला ॱमातेन्‍पा हीना राङगी झ्‍यीगीन लेगाला तेन्‍दी, काल्‍ले ग्‍याप्‍पालाक। खुङक्‍या खोरी लामला हो़गीन धोगोङला थोक्‍ती घेवालाक।

१ कोरीन्‍थुपा 1:23

हीना याहुदापाक्‍याई क्षीदु काक्‍दो धाङ याहुदापा मेन्‍गीनक्‍याई क्षीदु क्षोमेगीन लाब हीन्‍गीन, ग्‍याङस्‍यीङ खाला क्‍याङक्‍या मास्‍यीकाला, होराङ सेटाक झ्‍यीदालाक।

ईब्‍रीपा 7:1

आब्‍राहाम ॱमाक टाप्‍ती ग्‍यारी लोक्‍ती हुङाराङ, सालेमगी ग्‍यावु धाङ ॱलानामेपे को़न्‍क्षोकगी क्षो़पो़न मेल्‍कीजेदेकला थुक्‍पालाक। धेनी खोङगी आब्‍राहामला झ्‍यीलाप ॱनावालाक।

ईब्‍रीपा 7:7

च्‍युङाला क्षेने झ्‍यीलाप थोप्‍कीनला थाप घोये घीया मेतालाक।

१ पेटो 4:14

धेनी मास्‍यीकागी छेनगी झ्‍येरी खेक्‍याला ॱमेटा फोक्‍ना, खेक्‍या झ्‍यीलाप क्षे लाक घीझ्‍येरी ॱनाना शीजे धाङ को़न्‍क्षोकगी थुक्‍ङी खेक्‍या नाङ ॱने हो़तालाक।