लुका 2:27 - ॱलोवा

²⁷ धा धाम्‍पे थुक्‍ङीने सेमस्‍युक जोरती, सीमेयोन क्षो़खाङ नाङदु सोवालाक। धेनी क्षो़ठीमला तेन्‍ती झ्‍यीघोये ॱरोगो झ्‍यीयेला, मीरीयाम धाङ योसेफगी येशुला खेरती होदुरु हो हो़तालाक।

लुका 2:27 Iomraidhean Croise

मेथा 4:1

धा धी़कगी येशुला छो़ता लेन्‍येगी क्षीला, धाम्‍पे थुक्‍ङीगी येशुला रीतोङदु ठी जेपालाक।

लुका 2:22

मोशेगी क्षो़ठीमला हो़गीन च्‍योक्‍रे, खुङक्‍या चाङमा झ्‍युङये धी़चो़ झ्‍युवालाक। होझ्‍येरी येशुगी फामाक्‍याई खोङबाला को़न्‍क्षोक चारु पुयेला, येरुसालेमदु खेरती सोवालाक।

लुका 2:28

धेनी सीमेयोनगी टुगोला पाङदु लेन्‍दी को़न्‍क्षोकला देरे तो़पा पुवालाक,

लुका 2:41

लो ढाङी, येशुगी फामाक्‍या येरुसालेमदु याहुदापाक्‍याई पेसाकगी धी़छेनला डोवालाक।

लुका 2:48

खोङबाला होदुरु थोरी, खोङबागी फामाक्‍या ॱहालेवालाक। धेनी खोङबागी युम मीरीयामगी ॱनेवालाक, “भीजाओ, ख्‍यो़ हेला देरे घी झ्‍यीदाले? तो़दाङ ख्‍यी़ आकी धाङ ङा ॱमीच्‍यीकी ॱङाङडा केरी ख्‍यो़ला चारी धेबी।”

लुका 2:51

धेनी येशु फामाक्‍यामुला नाजारेतला लोक्‍ती फेप्‍पालाक। धेनी फामाक्‍याई खाला ङेन्‍दी श्‍युक्‍पालाक। हीना खोङबागी युमगी, दे लाब घीरी मोरी सेम नाङदु धी़री श्‍याक्‍पालाक।

लुका 4:1

येशु धाम्‍पे थुक्‍ङीगी खारी, योरदान चाङबुने लोक्‍ती फेप्‍पालाक धेनी थुक्‍ङीगी खोङबाला रीतोङ स्‍योकला ठीया जेपालाक।

जेपा 10:19

धेनी पेटो होदे थोङनाङगी दो़न्‍दाकगोला, धोराङा गो थोम्‍दी धेदी घाङला धाम्‍पे थुक्‍ङीगी सुवालाक, “मी सुम ख्‍यो़ला चारु होदुक।

जेपा 11:12

धेनी धाम्‍पे थुक्‍ङीगी ङाला दोक्‍पा घीन्‍दा मीझ्‍यीदा, खुङक्‍यामुला सोङ सुजुङ। धेनी दुरु हो़गीन पी़न ढुक ङीमुला सोरी, हे घीरी होदे मीगी़ नाङदु सोवी।

जेपा 16:7

मोसीया ग्‍यारापगी साजामला ॱलेप्‍ती, खुङक्‍याई बीथानीया ग्‍याराप स्‍योकला डोये साम्‍लो तावालाक। हीना येशुगी थुक्‍ङीगी खुङक्‍याला होदुरुवाः डोरु ॱमाच्‍युक्‍पालाक।

जेपा 8:29

धेनी धाम्‍पे थुक्‍ङीगी फीलीपला सुवालाक, “स्‍यीङता खोरलो भोलोक्‍तु सोङ धेनी होदेमुला सोङ।”

गालातीयापा 4:4

हीना धी़चो़ ताक्‍तागो होसारती, को़न्‍क्षोकगी राङगी से ताङा जेपालाक। धेनी क्षो़ठीमगी होकदु हो़गीन, होराङक्‍याला थारपा जेये धाङ होराङ खोङगी से धाङ सेमो झ्‍युङयेला, खोङबा भोमो च्‍यीकने क्षो़ठीमगी होकदु ठुङवालाक।

ॱङो़न्‍पा 1:10

धेनी चोवोगी ङीमागोला, ङा धाम्‍पे थुक्‍ङीगी वाङ होकला हो़तालाक। धेनी ङी ग्‍यापने दुङक्षेन क्षेगी के च्‍यीक च्‍योक्‍रे, केक क्षे च्‍यीक ङी घोरजुङ।

ॱङो़न्‍पा 17:3

धेनी ङा धाम्‍पे थुक्‍ङीगी खारी, होदे नाम्‍खे भाङछेनगी ङाला रीतोङ च्‍यीकला ठीया जेजुङ। धेनी ङी होदुरु गोवा धी़न धाङ राक्‍योक च्‍यु हो़गीन धाङ को़न्‍क्षोकला कुरवा धेप्‍कीन मीङक्‍याई खाङखा सेम्‍चेन ॱमाउ च्‍यीकगी खाला धेता, भोमो च्‍यीकला थोजुङ।