लुका 2:25 - ॱलोवा

²⁵ धा सीमेयोन ॱनागीन मी ढाङपो धाङ को़न्‍क्षोकला चीगीन च्‍यीक येरुसालेमदु हो़तालाक। खो नी ईस्‍राएल्‍पाक्‍याला सेम्‍सो ॱनाङगीनगो फेप्‍ये धी़ला, घुक्‍ती धे हो़तालाक। धेनी धाम्‍पे थुक्‍ङी खी़मुला हो़तालाक।

लुका 2:25 Iomraidhean Croise

मारकु 15:43

पो़न्‍रीक छोक्‍पागी मीङ हो़गीन, केटाक्‍क्षे छोक्‍मी धाङ को़न्‍क्षोकगी ग्‍यासीला घुक्‍ती धेता, योसेफ ॱनागीन आरीमाथीया ग्‍याजागी मी च्‍यीक हो़तालाक। खो ॱङीङक्षे शो़री पीलातुगी दोङदु सोरी, येशुगी कुफुङ ॱनाङरोनाङ ॱनेरी श्‍यी़वालाक।

लुका 1:41

धेनी मीरीयामगी केक घोरती, एलीसाबेतगी फोवा नाङगी टुगो घु-घु झ्‍येवालाक धेनी एलीसाबेत धाम्‍पे थुक्‍ङीगी खारी

लुका 1:6

खुङ ॱङीगारा को़न्‍क्षोकगी डुङदु ढाङपो हो़तालाक धेनी को़न्‍क्षोकगी का धाङ ठीम घीरी, नोवा क्षुक्‍वा मीझ्‍यीदा चीलालाक।

लुका 1:67

टु आकी जेकारीयास धाम्‍पे थुक्‍ङीगी खारी ॱङो़नस्‍ये स्‍येपालाक,

लुका 2:38

धेनी होदे घाङला हान्‍ना, मीरीयाम धाङ योसेफगी भोलोक्‍तु होरी, को़न्‍क्षोकला थुक्‍जेक्षे पुवालाक। धेनी येरुसालेमगी थारपा ॱनाङगीनगोला घुक्‍ती धेदा घीरीला, मी़ टुगी़ कोरला स्‍येपालाक।

जेपा 10:2

खो धाङ खी़ नाङमी घीरी, क्षो़ला घागीन धाङ को़न्‍क्षोकला चीरी जीक्‍नाङ झ्‍यीगीन हो़तालाक। खो मीमाङक्‍याला ज्‍यीम्‍बा ताङालाक धेनी को़न्‍क्षोकला च्‍योई सोवा ग्‍यालाक।

जेपा 10:22

खुङक्‍याई ॱनेवालाक, “ग्‍यापो़न कोरनेलीहुगी हेक्‍याला झाजुङ। खोङ को़न्‍क्षोकला चीगीन मी शाङा च्‍यीक लाक। खोङला याहुदापा मीक्‍याई, ॱमीच्‍यीकी घुस्‍याप झ्‍यीदालाक। धाम्‍पे भाङछेन च्‍यीकगी खेराङ घी सुङगीनगो ङेन्‍येला, खेराङला खोरी नाङदु फेप्‍सु श्‍यु ॱनेरी सुवालाक।”

जेपा 2:5

होदे धी़चो़ला येरुसालेमदु जाम्‍बुलीङगी साजा श्‍येम्‍मा-श्‍येम्‍माने, क्षो़ला चीगीन याहुदापा मीक्‍या हो हो़तालाक।

जेपा 24:16

होझ्‍येरी ङा को़न्‍क्षोक धाङ मीक्‍या दोङदु नोन्‍डु मीझ्‍यीदा, सेम शाङपो झ्‍येरी धेयेगी स्‍युक झ्‍यीदीहो़क।”

२ पेटो 1:21

घीझ्‍येरी ॱनाना मीगी दो़पाला तेन्‍ती, ॱङो़नस्‍ये च्‍यीया मायोवालाक हीना धाम्‍पे थुक्‍ङी थोक्‍ने, को़न्‍क्षोकगी थोक्‍ने मीगी सुङ दे स्‍येपालाक।