लुका 2:14 - ॱलोवा

¹⁴ “थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

लुका 2:14 Iomraidhean Croise

मेथा 21:9

धेनी खोङबागी दोङ धाङ ग्‍यापला ग्‍युक्‍कीन मीछोकक्‍याई केक ग्‍याप्‍ती ॱनेवालाक, “दावीदगी सेला होसान्‍ना, चोवोगी छेनने फेप्‍कीन, खोङबा घीन्‍गी झ्‍यीलाप क्षे! थोस्‍योकरु हो़गीनगोला होसान्‍ना!”

लुका 1:79

धेनी मी़नाक्‍पा धाङ स्‍यीवे ढीम्‍जाकला धेगीनक्‍याला थारवे हो़क थोप्‍कीलाक, धेनी होराङला श्‍यीदेगी लामला ठीक्‍कीलाक।”

लुका 19:38

“चोवोगी छेनला फेप्‍गीन ग्‍यावुगो झ्‍यीलाप क्षे! नाम्‍खे श्‍यीङखामदु श्‍यीदे धाङ ॱलानामेपेला तो़टा!”

लुका 2:13

धेनी ॱहाताक्‍पाला होदे नाम्‍खे भाङछेनगो चारु, श्‍येम्‍मा ॱमीच्‍यीकी माङा नाम्‍खे भाङछेनक्‍या फेप्‍पालाक धेनी को़न्‍क्षोकला तो़टा तारी तो़लु दे पुवालाक,

लुका 2:15

नाम्‍खे भाङछेनक्‍या नाम्‍खे श्‍यीङखामदु फेप्‍ती, झीउक्‍याई खोराङक्‍या घुङदु ॱनेवालाक, “होराङला चोवोगी सुङगीन लाब दे तारु धाङ होदुरु झ्‍युजागो तारु होराङ बेथलेहेमदु डो।”

लुका 3:22

धेनी धाम्‍पे थुक्‍ङी फुक्‍रो़नगी स्‍यीकाला खोङबा खाला भाप्‍पालाक। धेनी नाम्‍खे श्‍यीङखामने देरे सुङकेक च्‍यीक सुवालाक, “ख्‍यो़ ङी चेवे से हीन। ख्‍यी़मुला ङा ॱमीच्‍यीकी ङ्यामो घा हो़क।”

योहान्‍ना 14:27

श्‍यीदे दे ङा खेक्‍याला भोराहीन, होदे ङी श्‍यीदेगो खेक्‍याला तेराहीन। जीक्‍तेनगी तेरकीन च्‍योक्‍रे, ङी खेक्‍याला तेरामेन। खेक्‍या राङगी सेम ठुक्‍तु ॱमाचुक धेनी देला जीक्‍नाङ केरु ॱमाचुक।

योहान्‍ना 17:4

खेराङगी ङाला ॱङाक्‍कीन लेगागो ङी डुप्‍ती, ङी जीक्‍तेनदु खेराङगी शीजे ॱङो़न्‍दु च्‍युकहो़क।

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

जेपा 10:36

येशु मास्‍यीकागी थोक्‍ने, को़न्‍क्षोकमुला श्‍यीदे हो़गीन ताम्‍शाङ दे, को़न्‍क्षोकगी ईस्‍राएल्‍पाक्‍याला ॱनाङना का दे, खेराङक्‍याला क्षा हो़तालाक। धेनी येशु मास्‍यीका घीरीगी चोवो लाक।

रोमापा 5:1

होझ्‍येरी धेपागी गोने होराङ ढाङपो चीचा झ्‍येरी, होराङ होरी चोवो येशु मास्‍यीकागी थोक्‍ने, को़न्‍क्षोकमुला दुम्‍पालाक।

एफीसुपा 1:6

धा को़न्‍क्षोकगी शीजेचेनगी थुक्‍जेगी क्षीला, खोङबाला तो़पार स्‍योक घीझ्‍येरी ॱनाना थुक्‍जे दे, खोङबागी चेवे सेगी गोने होराङला फाङमेदु ॱनावालाक।

एफीसुपा 1:9

मास्‍यीका खाला ॱनेना, खोङबागी क्षास्‍यीला तेन्‍ती, राङगी थुकोङगी साङवा दे होराङला ॱङो़न्‍तु जेपालाक।

एफीसुपा 2:4

हीना ॱङीङजेला फी़न्‍सुम छोक्‍पा हो़गीन, को़न्‍क्षोकगी राङगी झाम्‍पा ग्‍याक्षेगी थोक्‍ने, होराङला चेवा जेपालाक।

एफीसुपा 2:7

दे नी माउपारगी धी़ला खोङबागी मास्‍यीका येशुगी थोक्‍ने, होराङला ॱनाङना ॱङीङजेगी गोने, राङगी ढाङमेगी थुक्‍जे दे, मीक्‍याला तो़न्‍येगी क्षीला लाक।

फीलीप्‍पीपा 2:11

धेनी याप को़न्‍क्षोकला शीजे हुङयेगी क्षीदु, येशु मास्‍यीकाराङ चोवो हीन ॱनेरी, च्‍येमो हो़लेगी खेलेन झ्‍यीगीलाक।

फीलीप्‍पीपा 2:13

घीझ्‍येरी ॱनाना को़न्‍क्षोकगी थुकोङ शाङागी क्षीला, खेक्‍या दो़पा धाङ लेगा ॱङीगारा झ्‍यीयेला, को़न्‍क्षोकगीराङ, खेक्‍या नाङ क्षाक्‍ले जेदालाक।

कोलोसेपा 1:20

धेनी को़न्‍क्षोकगी खोङगी ग्‍याङस्‍यीङगी कुठाकगी थोक्‍ने, श्‍यीदे जेदी साश्‍यी याङना नाम्‍खे श्‍यीङखामगी घीरी, खोङगी थोक्‍ने राङमुला दोमा जेपालाक।

२ थेसालोनीकेपा 2:16

धा होराङला चेवा ॱनारी थुक्‍जेगी थोक्‍ने, थामेगीन सेमगी धेवा धाङ रेवा शाङपो ॱनाङगीन, चोवो येशु मास्‍यीका खोङबा धाङ होरी याप को़न्‍क्षोकगी,

ॱङो़न्‍पा 5:13

धेनी नाम्‍खे श्‍यीङखाम धाङ साश्‍यी धाङ साश्‍यी होकला हो़गीनक्‍या धाङ ग्‍याछो धाङ होदे नाङला हो़गीन सेम्‍चेन घीरीगी, देरे ॱनागीनगो ङी घोरजुङ, “श्‍युक्‍ठीरु श्‍युक्‍कीन धाङ लुक्‍टुला, तो़पा धाङ कुरती धाङ शीजे धाङ वाङ, ग्‍युने ग्‍युन्‍दु हुङास्‍योक।”