लुका 2:11 - ॱलोवा

¹¹ धीरीङ दावीद ग्‍यावुगी ग्‍याजाला, खेराङक्‍याई क्षीदु क्‍याम्गो़न च्‍यीक ठुङदुक। खोङबा नी चोवो मास्‍यीकागो लाक।

लुका 2:11 Iomraidhean Croise

मेथा 1:16

धेनी याकोब मीरीयामगी ख्‍योवा योसेफगी आकी लाक। मीरीयामने येशु ठुवालाक धेनी खोङबाराङ मास्‍यीका ॱनागीनगो लाक।

मेथा 1:21

मोने से च्‍यीक ठुङगीलाक धेनी ख्‍यी़ खोङबागी छेनला येशु ताक्‍कीलाक घीझ्‍येरी ॱनाना खोङबागी राङगी मीक्‍याला, खुङक्‍याई धीक्‍पाक्‍याने क्‍योप्‍कीलाक।”

मेथा 16:16

सीमोन पेटोगी ॱनेवालाक, “खेराङ नी मास्‍यीका, सो़न्‍पो को़न्‍क्षोकगी सेगो लाक।”

मेथा 16:20

धेनी खोङबागी ङेनेक्‍याला खोङबा मास्‍यीका हीन्‍गीनगो, मी सुला ॱमास्‍ये ॱनेरी का स्‍युक्‍क्षे ॱनावालाक।

लुका 1:43

हीना ङी चोवोगी युम ङीचारु फेप्‍कीन, देरे काटीन ङाला घाङगी झ्‍येरी झ्‍युवाले?

लुका 1:69

खोङबागी राङगी ॱयोक्‍पो दावीदगी ग्‍युपाने, होरी क्षीला थारपे राक्‍योक च्‍यीक ॱलाङा जेदुक।

लुका 2:26

“चोवोगी मास्‍यीकाला ॱमाज्‍यागीन थुक्‍पे, ख्‍यो़ स्‍यीगुमालाक।” ॱनेरी, धाम्‍पे थुक्‍ङीगी खोला एन्‍दुरु ॱङो़न जे हो़तालाक।

लुका 2:4

होझ्‍येरी योसेफ गालीलगी नाजारेत युने युदेयागी बेथलेहेम ॱनागीन, दावीद ग्‍यावुगी ग्‍याजाला सोवालाक घीझ्‍येरी ॱनाना खो दावीदगी नाङ धाङ ग्‍युपाने लाक।

योहान्‍ना 1:41

खी़ खोरी आज्‍यो सीमोनला एन्‍ला थुक्‍ती खोला ॱनेवालाक, “हेक्‍याई मास्‍यीकाला ज्‍याजुङ।” (मास्‍यीका ॱनाना, को़न्‍क्षोकगी दाम्‍दागो लाक)

योहान्‍ना 1:45

फीलीपगी नाथानेलला थुक्‍ती ॱनेवालाक, “मोशेगी क्षो़ठीमगी नाङदु ढीक्‍टा धाङ ॱङो़नस्‍येखेनक्‍यागीया ढीक्‍टा के-भु, योसेफगी भु नाजारेतगी येशुला हीकी ज्‍याजुङ।”

योहान्‍ना 11:27

मी़ खोङबाला श्‍यी़वालाक, “ला चोवो, खेराङ नी को़न्‍क्षोकगी से जीक्‍तेनदु फेप्‍कीन मास्‍यीकागो लाक ॱनेरी, ङा धेपा झ्‍यीदीहो़क।”

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 4:25

धेनी केमी देगी खोङबाला श्‍यी़वालाक, “मास्‍यीकागो फेप्‍कीलाक (खोङला खीरीस्‍तो ॱनालाक।) धेनी खोङबा फेप्‍ती दे दो़न घीरी टोवा जेगीलाक ॱनेरी, ङाला स्‍येयेहो़क।”

योहान्‍ना 4:42

धेनी खुङक्‍याई होदे केमीगोला ॱनेवालाक, “धा ख्‍यी़ ॱनागीनगोला मेन्‍दा, हीकी राङगी घोरती धेपा झ्‍यीदाहीन। धेनी ॱङोन्‍नेराङ खोङबा जीक्‍तेनगी क्‍याम्‍गो़नगो लाक ॱनेरी हेक्‍याई स्‍येजुङ।”

योहान्‍ना 6:69

धेनी खेराङ को़न्‍क्षोकगी धाम्‍पागो लाक ॱनेरी, हेक्‍या धेपा झ्‍यीदीहो़क धेनी दे हेक्‍याला स्‍येयेहो़क।”

योहान्‍ना 7:41

धेनी श्‍येम्‍माक्‍याई ॱनेवालाक, “दे नी मास्‍यीकागो लाक।” हीना रीङगागी ॱनेवालाक, “गालील युने मास्‍यीकागो फेप्‍कुलाक से?

जेपा 10:36

येशु मास्‍यीकागी थोक्‍ने, को़न्‍क्षोकमुला श्‍यीदे हो़गीन ताम्‍शाङ दे, को़न्‍क्षोकगी ईस्‍राएल्‍पाक्‍याला ॱनाङना का दे, खेराङक्‍याला क्षा हो़तालाक। धेनी येशु मास्‍यीका घीरीगी चोवो लाक।

जेपा 13:23

खोङबागी जेजा धाम्‍चा डुप्‍ती, को़न्‍क्षोकगी ईस्‍राएल्‍पाक्‍याई क्षीला ग्‍यावु दावीदगी ग्‍युपाने राङ क्‍योप्‍खेन च्‍यीक झाङा जेसुङ। खोङबा नी येशु लाक।

जेपा 17:3

मास्‍यीकाला दुक्‍पु राक घोगीलाक धेनी छीवाने याङ सो़न्‍पो झ्‍युङघोगीलाक ॱनागीन लाब देला, खी़ खुङक्‍याला ढेस्‍ये ग्‍याप धेनी पाङपो तेर झ्‍येवालाक। धेनी “ङी खेक्‍याला ॱनागीन येशु खोङबाराङ मास्‍यीका लाक।” ॱनेरी खी़ ॱनेवालाक।

जेपा 2:36

“होझ्‍येरी धा ईस्‍राएलगी मी घीरीगी दे लाब ॱहाघो घोगुलाक। खेराङक्‍याई ग्‍याङस्‍यीङदु सेसा येशुला राङ को़न्‍क्षोकगी, चोवो धाङ मास्‍यीका ङीगारा को़ जे हो़तालाक।”

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

१ कोरीन्‍थुपा 15:47

धाङपो मीगो थालागी को़का साश्‍यीने लाक। धेनी ॱङीवागो नाम्‍खे श्‍यीङखामने लाक।

फीलीप्‍पीपा 2:11

धेनी याप को़न्‍क्षोकला शीजे हुङयेगी क्षीदु, येशु मास्‍यीकाराङ चोवो हीन ॱनेरी, च्‍येमो हो़लेगी खेलेन झ्‍यीगीलाक।

फीलीप्‍पीपा 3:8

देचो़ च्‍यीगा मेन्‍दा, मास्‍यीका येशुला ङी चोवो हीन ॱनेरी, ङो स्‍येयेगी देरे चाक्षे लाबगी दोङदु, श्‍येम्‍मा घीरी ङा ग्‍योङ चीलाहीन। खोङगी क्षीदु ङी घीरी ॱलो़ तावी धेनी होदे घीरी ङी झोरा चीलीहो़क। दे नी, ङा मास्‍यीकागी झ्‍युङास्‍योक ॱनेरी लाक।

कोलोसेपा 2:6

होझ्‍येरी खीकी मास्‍यीका येशुला चोवो ॱनेरी, खेलेन झ्‍येजा च्‍योक्‍रे, धा मास्‍यीकागी नाङ मीछे पी़।

१ योहान्‍ना 4:14

धेनी यापगी राङगी से जीक्‍तेनगी क्‍याम्‍गो़न झ्‍युङयेगी क्षीदु ॱङाक्‍कीनगो, हीकी थोवालाक धेनी पाङपो झ्‍यीदाहीन।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।