लुका 2:10 - ॱलोवा

¹⁰ धेनी नाम्‍खे भाङछेनगी खुङक्‍याला सुवालाक, “खेक्‍या माजीक घीझ्‍येरी ॱनाना ङा खेक्‍याला मी घीरीगी क्षीदु ङ्यामो घारु च्‍युक्‍कीन, ताम्‍शाङ च्‍यीक खेरती होवाहीन।

लुका 2:10 Iomraidhean Croise

मेथा 14:27

हीना येशुगी लाम्‍साङ खुङक्‍याला सुवालाक, “ल्‍हो़ झ्‍यी। ङाराङ हीन। खेक्‍या माजीक।”

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

मेथा 28:5

हीना भाङछेनगी केमी ॱङीउला सुवालाक, “माजीक, खे ॱङीउ ग्‍याङस्‍यीङ खाला टोङगीन येशुला चालालाक ॱनेरी, ङाला स्‍येयेहो़क।

मारकु 1:15

खोङबागी सुवालाक, “धा धी़चो़ ॱलेप्‍सालाक धेनी को़न्‍क्षोकगी ग्‍यासी ङ्ये ॱलेप्‍दुक। सेम ग्‍युरवा तोङ धेनी ताम्‍शाङला धेपा झ्‍यी।”

मारकु 16:15

धेनी येशुगी खुङक्‍याला सुवालाक, “जाम्‍बुलीङ घीरीदु सोङ धेनी मी घीरीला ताम्‍शाङगो स्‍यो़क।

लुका 1:13

हीना नाम्‍खे भाङछेनगी खोला सुवालाक, “जेकारीयास, माजीक घीझ्‍येरी ॱनाना को़न्‍क्षोकगी ख्‍यी़ सोवा श्‍यी़गीनगो सेन्‍दुक। धा ख्‍यी़ केमी एलीसाबेतगी, ख्‍यी़ क्षीला भीजा च्‍यीक केगुलाक धेनी ख्‍यी़ होदेगी मीङ योहान्‍ना तोक।

लुका 1:19

नाम्‍खे भाङछेनगी खोला सुवालाक, “ङा को़न्‍क्षोकगी डुङदु लाङदी धेगीन गाबरीएल हीन। ख्‍यो़ला लाब ताङये धाङ दे ताम्‍शाङ दे स्‍येयेला ङाला झावालाक।

लुका 1:30

धेनी नाम्‍खे भाङछेनगी मोला सुवालाक, “मीरीयाम, माजीक घीझ्‍येरी ॱनाना को़न्‍क्षोकने ख्‍यो़ला थुक्‍जे थोप दुक।

लुका 2:11

धीरीङ दावीद ग्‍यावुगी ग्‍याजाला, खेराङक्‍याई क्षीदु क्‍याम्गो़न च्‍यीक ठुङदुक। खोङबा नी चोवो मास्‍यीकागो लाक।

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

लुका 8:1

धेनी येशु ग्‍याजाक्‍या धाङ युक्‍याला, को़न्‍क्षोकगी ग्‍यासीगी ताम्‍शाङगो स्‍येदी-स्‍येदी फेप्‍पालाक। खोङबामुला ङेने च्‍युङङीक्‍या हो़तालाक।

जेपा 13:32

धा हेक्‍या खेराङक्‍याला दे ताम्‍शाङ स्‍येयेहीन, को़न्‍क्षोकगी होरी धाङबी फामाक्‍याला जेजा धाम्‍चा,

रोमापा 10:15

धेनी का सेटाक झ्‍यीगीनक्‍याला माझावाला, घाङगी झ्‍येरी का स्‍येगुलाक से? सुङरापला देरे ढीक हो़तालाक, “ताम्‍शाङ सेटाक झ्‍यीगीनक्‍याई काङबा घीन्‍गी जेवाले!”

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।